1 Tɛsɛlongke 2:13 - Suri Latin

¹³ Na ko agge keterrisanno Tumu kali kali ke ngaya bere shigɛo lɔga gɛnyɛ bhɛa nayo na yɛbhɛoye. Na igge ngani yɛbhɛto huna lɔga yokkono :hiriyɔ. Na annaa bere kàmadhtagungɔ na yɛbhto ke ngaya anɛ lɔga ajjiy :Tumu ku dhereye. Na a ngagiya ko mɛa toye ɛyanungɛ ga yɛbhbho na kɔbhɔ shɛɛye.

1 Tɛsɛlongke 2:13 ပူးပေါင်းရင်းမြစ်များ

Matiyos 10:20

ke ngaya inde yokkono lɔgɔ tugiya guye anɛ :Kuloya Babaa nu na :iggeu ngayokkonooye.

Matiyos 10:40

Hirre lammanung iggeye, ngangaye lammanany anye. Na inde lammananyde, ngangaye lammana chɔɔ hira bere ekkononyi.

Yohanis 15:3

Na igge mɛa ɛllo hurr ke ngaya yɛbhɛo lɔgaa kamadhdhagungu :anyoye.

Yohanis 17:17

Nɔng inye lɔga gunyu a dhere. Na mɛa ibha yɔk na tony lɔga gunyu ku dhere na kɛnga na kete zuga kachinyɛa inye.

Yohanis 17:19

Na mɛa anye konynyon rɛ na kɛɛnginyan kète hira kagachinyi inye na ko yɔk kotonydiyaa na kɛɛnggiyaa na kete zuga kachinyɛa inye dhere.

Zuga Kèkko 10:33

Na kegoginyɔ zugo ke tiri. Na ngaya kunɛye a challi. Na agge wa kumuknyɛsɛo ngaya kɛlɛ ko Tumu kariye kumulɔng na kìshikto lɔkte ajjiny ꞉nɛa na seni yogogiyte.”

Zuga Kèkko 13:48

Na zuga bhora anaa hunaa shikkɛa ngalɔktaye, hinisi te hɔli na ayɛ Komoru diram ke ngaya lɔga gɛnyɛ anɛ ga bo challaye. Na zuga bere bɛrrana ꞉Tumu na ojjo kɔk na senno kɔjɔya basseya ku dhul, yɔk yɛbhɛ kumulɔng.

Zuga Kèkko 16:14

Na bhɛa ngatɛrroonu chirariyɛye, lɔ tɛrite kèe Ngalidiya kun ɔrre kèe Tiyatiron. Nɔng dha a ngagayya ruminyaa rɛghɛa gaw dhandala na nɔng kɔbh lɔga Tumu damiya zuga Ayhudhi. Na hunaa shikko lɔga yokkono ꞉Bhaulosiye, owo ꞉Komoruyɔ hini na chiraru shɛɛ.

Zuga Kèkko 17:11

Yɔk dha bere zuga Ayhudhi bhakkɛa Beriya gaɛ bho na jorronɛ ga bhakkɛa Tɛsɛlongke. Na chirara lɔga yokkono ꞉Bhaulosi shɛɛ na yɛbhɛ lɔga Yesusi ke na bo challa. Na yɔk tii tii marakkɛ lɔga Tumu ɛlla dadabɔ na kataktɛ lɔga Bhaulosi hunde a dhereye.

Zuga Kèkko 17:32

Na yɔk hunaa shikkɛa lɔga hira bansana rɛsɛyɔye, gena bhɔsɔrɔ Bhaulos. Na yɔk gena se, “Ngalɔkta ale yogogiy sɛgɛn na kìshikto shɛɛ.”

Zuga Kèkko 2:41

Na zuga yɛbhbhɛa lɔgaa madhɛsɛna yɔk churtɛ ma. Na ngakaldonu zukte aynde ku 3,000 yɛbhɛ ngalɔkta na tɔrɔ ga bere yɛbhbhanɛa Yesus sabbɔ.

Zuga Kèkko 8:14

Na yɔk zuga ekko ꞉Yesusi ɛlla Yerusalemɔ hunaa shikkɛa zuga Samariya hunde dha yɛbhɛ lɔga Tumuye, ibhta Betiros ko Yohanis na ege ngonu.

Yaykob 1:18

Nɔng anna bere bɛrraniy na yokkogiy lɔga gɛnyɛ ku dhere na kàbayɛyɔ. Na agge bhɛa ahaa bere ghendono kumulɔng kète ga ku sabba.

2 Betiros 3:2

Yɔk ngalɔkta keni kadhtaye, a lɔga bere yokkonɛa :zuga bere kɛ̀ɛngana na katagaya Tumu na koyoktɛsɛ zugo lɔga dhugunɛsɛna :nɛa. Na gena a lɔga Komoruya na Ibbayseiy agge bere kòyogɛsɛna zuga gu bere ekko :nɛa na koo madhdhagungɛa.

1 Yohanis 3:3

Na gee ibhɛsɛnɛ ngalɔkta hinisiye kumulɔng onynyonɛ ridhingɛa gɛ na a zuga hɔla ridhing ningginɛna ngadamita Kirisosiye.