1 Tɛsɛlongke 2:11 - Suri Latin

¹¹ Na chɔɔ gaoyɔ huna bere kɔ̀lɔmungngu huna erroa lɔmma :chɔgɔnɛ shɛɛ.

1 Tɛsɛlongke 2:11 ပူးပေါင်းရင်းမြစ်များ

Zuga Kèkko 20:2

Na dhau oriya ɛlla ngonu na madhɛsɛ zuga yɛbhbhɛa Yesus lɔgɔ gɔrɔ gɔrɔ na iriyu. Na koo ogu Girikɔ.

1 Tɛsɛlongke 2:7

Huna bere kɛ̀lla kari, annaa bere kɔ̀lɔmungngu shɛɛ huna erroa lɔmma :jɔnɛ. Nɔng hunde bere kɛ̀tɛhɛndo aha gena bhɛa nu anda bere kighindongɔ ke ngaya kanɛo zuga bere ekkiy :Yesus Kirisosiye.

1 Tɛsɛlongke 4:1

Na mɛa gochonginyaye, annaa bere sabbɔ kàmadhtagungɔ bhɛa bhagɛo ba na hinisa Tumu keteɛ hɔli. Na ko mɛa toye igge ngani bhakko ngadamitonu chi. Na nɔng mɛa kògollung na kɔ̀tɔllɔhagung sara Komoru Yesusi na kalda chɔɔ jarta kolea bɔɔ bhagɛo ba sabbɔ.

1 Tɛsɛlongke 4:6

Na ngakona kɛddɛ ngalɔkta bhɛa gochonga nɛnɛ na kadak jagarɛ. Komoru Yesus ale atti zukte messɛ ngalɔkta gɛrɛ ku ngangaye kumulɔng damiya bɔɔ kìbbashshɛunggu na kòyokkogɛunggu sabbɔ.

1 Tɛsɛlongke 5:11

Na mɛa igge kɛngɔ iriytɛ na yɛbhɛ Tumu goore na te dhandali ngadamita ngani iriynɛnɛoye.

1 Tɛsɛlongke 5:14

Na mɛa kɔ̀tɔllɔhagung na ibbaya gɔngga na kemesigi zinggo! Na zuga ɛngɛrsɛa bho iriytɔ na ga tɔlgɔnya ɛyayɔ! Na igge bhɛa zugony kumulɔng hinisiya gu ojjigi ke bibi!

2 Tɛsɛlongke 2:5

Yɔk ngalɔkta annaa bere koyogogungɔ kala kɛ̀lɛa ko igge kari. Na ngangaye, ngakadhdhanoo?

2 Tɛsɛlongke 3:12

Yɔk zukte messɛ ngangaye kɔtɔllɔhɛsɛno sara Komoru Yesus Kirisosi na kesenɛsɛno ɛnɛnggeo, “Tɛldi hung! Wakta na mesigi zinggo na usigi amissɛa messono hung.”

1 Timotiyos 5:21

Nɔng anye koyokkoginy lɔgɔ bhɛa orrɛinyi :Tumu ko :Kirisos Yesusi ko :zuga ekko :Tumu bere bɛrrana :nɛa, na bhɛk ngalɔkta wa kamadhdhaginyde shɛɛ na ba ngalɛli. Na zugo kumulɔng gɔny kawariya dhɔnɛna.

1 Timotiyos 5:7

Na mɛa inye yogɛsɛ zugo ngalɔkta na aynde zugo lɔkte gɛrsi ngadhɔngnganɛo na zugo ngaujukanɛoye.

1 Timotiyos 6:13

Nɔng anye koyokkoginy ngalɔkta bhɛa kɛ̀lɛa ko Tumu, Komoruya ajjɛa zugo ko aha kumulɔng bassey, ko bhɛa kɛ̀lɛa ko Kirisos Yesus, hira bere dhugunɛsɛna Bhenti Bhilatos lɔga ku dhere,

1 Timotiyos 6:17

Na yogɛsɛ zukte aha mɛrte lɔgɔ na ngadhunggurrɛ na iddirnɛnɛ aha mɛrtin, ke ngaya ahaa kɔ̀lɔmma bay ngaya anɛ ga oddoniyɛa na garsɛa shaw hungge. Na yogɛsɛ na kiddirtɛy Tumu, Komoruya ɛdhdhɛttanniy lɔkke kumulɔng na ajjiy bhɛa hinisiya ga anɛa hɔli.

1 Timotiyos 6:2

Na gaymanyaye kachchɛ gulsachina yɛbhbhɛa Yesuse, ngakatamaya gulsachina gɛ ke bhɛa anɛa zuga yɛbhbhɛa Yesus kari. Yɔk chɔɔ maya mɛdhdhanɛ na kachchɛ gulsachina gɛ goore, na jorronɛ bhɛa bɔɔ kaynɛnɛa sabbɔ, ke ngaya anɛ zuga yɛbhbhɛa Yesus kari na ibhɛsɛnɛ chɔɔ hinisi na gulsachina gɛ ɛsɛdhɛ lɔga gɛ shɛɛye. Ngagiya a lɔkte maya madhɛsɛn zuga yɛbhbhɛa Yesus na iriyɛ gooreye.

Tito 2:15

Yɔk ngagiya a lɔkte maya madhɛsɛn zugo na iriyɛ na ibbayɛ gee ɛddɛɛye. Na kona ngakɛinyi ke ngaya inye lɔmɛ buyn bhɛa ngalɔktaye.

Tito 2:6

Na ko yɔk bara madhɛsɛ na kɛbhɛgɛ rɛhiya gɛ.

Tito 2:9

Na ko yɔk gaymanyaa yɛbhbhɛa Yesus madhɛsɛ na sɛɛ kigombɛsɛ gulsachina gɛ na tugi ngayagɛsɛnɛ na kemesigi lɔkte ajjɛ :gulsachinnuye kumulɔng shɛɛ na gulsachina gɛ hinisi kete hɔli.

3 Yohanis 1:4

Nɔng anye hunde kishigi bhɛa mɛdhdhanɛa :erroa ganyu na kɔbhɛa ganggua lɔga ku dhereye, hinisa nanu hɔl goore na chɔɔ hini hɔldinde jorrono nganda ninggɛ dhul.