1 Tɛsɛlongke 1:6 - Suri Latin

⁶ Na chɔɔ huna bere dokkono chɔllaa bo goore, igge annaa tɛhɛndo kamannaa challa hinisiya bo hɔla ajjungu :Kuloya Tumu na yɛbhto na artao lɔga bere kemesso :aggeu ko ga bere messo :Komoru Yesusi.

1 Tɛsɛlongke 1:6 ပူးပေါင်းရင်းမြစ်များ

Matiyos 16:24

Na sɛɛsɛ zuga kɔbhbhɛa nɔng, “Inde hin bhɛa senno keteɛ hira kɔbhbhanyi anyeye, maya dhɔt lɔga sabbaa nɛnɛ na it kɛya kìlagɛa na kɔbhbhany kali kali.

Yohanis 8:12

Na koo Yesus yogɛsɛ zugo lɔgɔ sɛgɛn na sɛɛsɛ, “Anye kani hɔldina zuga bhakkɛa ba kumulɔng. Na inde yɛbhbhany anye na kɔbhbhanyde, ale jɔana hɔldina lɔmma basseya iho dhul na mugurɔ dhɔkkɔy ngani ngayiriyo.”

Zuga Kèkko 13:52

Na yɔk zuga Ansokiya yɛbhbhanɛa kamannaa challa ɔgɛsɛ ꞉Kuloya Tumu na aynɛ gidhdhing na hinisi te hɔli.

Zuga Kèkko 5:41

Na zuga ekko ꞉Yesusi bhonda bhɛa kedhdhɛa ꞉zugu lɔgɔ ke ga bo hinisi hɔla ke ngaya Tumu ajjɛ yɔk bhɛa chɔllanɛnɛa sara Yesusiye.

Zuga Kèkko 9:31

Na koo zuga yɛbhbhɛa Yesus ɛlla baa Yudha ko baa Gelila ko baa Samariya hinisi tɛlda bay na bhaga ba shɛɛ. Na iriyu ꞉Kuloya Tumu na te dhandali. Na yɔk ago na te mɛri na ayɛ Komoru Tumu diram na dhɔngɔyɛ.

2 Tɛsɛlongke 1:4

Na ngaya messɛo ngangaye, agge kɛdɛllo goore na chɔɔ koyogɛsɛno zuga yɛbhbhɛa Yesus ɛlla ba konnɔ ke ngaya dokkonɛo lɔgɔ na chɔllanɛnɛo goore na ngani nyimɛo na yɛbhɛo lɔga Yesusi na mɛdhdhanɛoye.

2 Tɛsɛlongke 3:7

Yɔk lɔga bere kemesso :aggeu hunde maya kɔbhbho ɛnɛngge, igge gaoyɔ. Agge huna bere kɛ̀lla ko igge kari, bere gɔngga ngakannoo.

2 Tɛsɛlongke 3:9

Na nɔng hunde bere kɛ̀tɛhɛndo, anda bere kighindong ahaye kihinnoye na ayiy. Nɔng nganga ngani kèmessoyo ke ngaya kenno artɛiy agge na ale kɔbhɔ lɔga kemesso :aggeuye.

2 Timotiyos 4:2

Madh zugo lɔga Tumu. Na chɔɔ ko hunde lɔgɔ kete dhandali oo ngaani, inye mɛdha tii na tɛ kɔk. Na oy hini ke bu dhogoy na zukte ɛddɛɛye, lɔgɔ madhɛsɛ haalɛ. Na gee lɔgɔ shɛɛ ngamessɛoye, woloktɔ. Na iriy na kɔbhɛsɛ lɔgɔ haalɛ na kɛbhɛgɛ shɛɛ.

3 Yohanis 1:11

Na mɛa dehunya nanu, inye me lɔga challa sɔng na gee ku kuhuye ngaorroni na mesi. Yɔk zukte messɛ lɔga challaye kumulɔng a erroa Tumu. Na yɔk gee messɛ lɔga ku kuhuye agga imaggɛa Tumu.