ZEFANIA 3:20 - Sumi Naga CL (Re-edited) Bible (BSI)

²⁰ Kughou I no nongu hekütsüni keno tileno I no nongu sasü kümtsa aki lo ighi nani; kughengu ayeghi lo ashiaye kümtsü gholono I no nongu je pipitsü eno sheqhe nani, ti ye I no nongu nhethe lono no küakini tsüchile kelono tishi nani,” ipi Ampeu no pi.

BAIBEL (BSI)

²⁰ Aghuloki wocheni! Ino notimi apanagha akemi aghakhulo saghi nani. Ino ayeghiqhalo akemi zulo nonguye ajekipipu shi tsu nani, eno nongu pelo itaghi kini kulu shilupe nani.” AMPEU no pivae.

ZEFANIA 3:20 ပူးပေါင်းရင်းမြစ်များ

LESHELE 35:6

Ampeuw kungumi no panoqo hakelo panongu laghi ye zümoi eno phephei nekiphe pelo!

ISAIAH 56:5

I no I kilo eno I kupuwu nguno alou, o je lono athigho qhitsü nani eno apu-anga akeqo nguno ajekipi shitsü nani; I no shekhaha je pesü panongu tsü nani ti ye khilemu kühave monani.

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

ISAIAH 60:15

Nongu ye peve eno jumithive kemi shi ache, eno khunomu nongu katha moke, ikemu I no nongu shou akükanguagha pukutsü nani, eno tiqheli-tiqheli kupuju alopivitsü nani.

ISAIAH 61:9

Pano tikughuko ye shiyeqo gholo ajekipi shi nani; eno panoqo lagha ye timiqo gholo ajekipi shi nani; panoqo ithulu kemi kümtsü no panongu ikhilu nani, eno panongu ye Ampeu launo ighi kemi ipi nani.

ISAIAH 62:12

Panongu ye Akimthemi ipi ku nani; eno Ampeu no xachile luve kemi ipi ku nani; eno nongu pesü Alhou no Phuche kemi, eno Qhivemokeu Mishighüna ipi ku nani.

ISAIAH 62:7

Pa no Jerusalem shiqhe kithe moke kutolo, eno ayeghi lo tino shekiqhepu shimoke kutolo, pa pelo akulhoqhipe kevilo.

ISAIAH 66:22

“Kughengu atsütsü kithe eno ayeghi kithe I no lhokeu no I nhethe lo acheke toi, nongu kughukomi eno nongu je ye ache nani.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 30:3

Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

EZEKEL 16:53

“I no panoqo ngukümgha tsüchile nani, Sodom ngo li ngaqo ngukümgha eno Samaria ngo li ngaqo ngukümgha ghi athoputho tsü nani, eno I no panoqo gholono o ngukümgha ghi athoputho tsü nani,

EZEKEL 28:25

“Ampeu Alhou no ishi piani: Kughou I no ashiaye gholo kuthole puwuve keqo Israel laghami hekütsü luve no shiyeqo nhethe lono I kimthe panoqo gholo pephe piyeni keno, tileno I no I qeu Jacob tsükeu yeghi lo panongu no küghünauve nani.

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

EZEKEL 37:12

Tighenguno tungkuptsa panoqo vilo pilo, Ampeu Alhou no ishi piani: Julo, O Iw timiqo, I no nongu kumoki lhapheni eno nongu saipeghini. I no Israel yeghi lo nongu sailoni.

EZEKEL 37:21

tileno panoqo vilo pilo, Ampeu Alhou no ishi piani: Julo, shiye khuno gholo Israelmi no wuve keno tipaqo gholono I no panongu saluve nani, eno aqha kümtsü lono panoqo hekütsü sasü pano yeghi lo ighive nani.

EZEKEL 39:13

I no I juküvü pepheke tsalani I no aghakhu lo timi kümtsü no panoqo shiqho nani, eno tino panoqo jekipipu shitsü nani, ipi Ampeu Alhou no asheshu.

EZEKEL 39:28

Tileno panongu no Ni ye Ampeu pano Lhou kepi ithi nani, kughengu I no panoqo pesü shiyeqo gholo akughushi puwuve eno tithiu no pano yeghi lo panoqo hekütsü kumqo ke. Ni ye shiyeqo gholo panongu lakhimu qhivemo nani.

JOYIL 3:1

“Kughengu julo, tipa ghuloki eno atüqhüdo lo kughou I no Judah ngo Jerusalem küakini tsüchileni keno,

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

MICAH 2:12

I no mtsüqheino nongu kümtsü hekütsü nani, O Jacob; I no Israelmi ghükulumi hekütsü nani; Aqokitikhi mbumghu keu no achu kümza-a lo ambeloji toi, ambeqo sasü aki lo hekütsü ketoi I no panoqo hekütsü nani.

MICAH 4:7

ala chemlave kemi pesü I no ghükulumi shive nani, eno hapupove kemi pesü akumto shiye shive nani; Ampeu no Zion lono hipa ghuloki lono alholo panoqo shou ayepe nani.

ZEFANIA 2:7

Azüghimkü huye Judah lagha lo ghülu kemi sala shive nani, pano tsü-aqu no tile mzachu eno akhemi no kijiliu Ashkelon lo aki akeqo lo ihozü nani. Kughengu Ampeu panongu Lhou no panoqo kümsülu no pano ngukümgha tsüchile nani.

ZEFANIA 3:19

Julo, tipa ghuloki lo I no nongu qhasü chekemi ghimeqhi nani. I no aphiau kinitave kemi xalu eno hapheve kemi hekütsü nani, eno pano kukujo pesü shekiqhe lo süve tsüno ayeghiqha kümtsü ajepipi tsü nani.

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

ZEKHARIA 8:8

eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”

MALAKI 3:12

Tishino shiye kümtsü no angukiviu ipi nongu ku nani, kughengu nongu ye alokiqipu ghüna-a shi nani, aqokitikhi Mpeu no pi.

ZAKINIU 26:18

Eno ishi tsala lono Ampeu no piqhike toi nongu ye Paw akughupu mheghi kepi shuphevae, eno Pa zakütsü kümtsü pelu lo pivae.

ZAKINIU 26:19

Pa no lhokeu shiye kümtsü nguno akiqheu shi shekiqhe, ajuaje, eno agigihupu lo nongu süqhe nani, eno Pa no piqhike toi nongu ye Ampeu nongu Lhou zülo akimthe timi shinani.”