ZAKINIU 5:29 - Sumi Naga CL (Re-edited) Bible (BSI)

²⁹ O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

BAIBEL (BSI)

²⁹ Panonguno pulhapuju hikithipu shi igihu eno ino ahza tsukeu kumtsu gholu ke aye! Tishilu aye panongu eno pano polo kughukomiye alhokupujulo aloqhiyi achelu nanike.

ZAKINIU 5:29 ပူးပေါင်းရင်းမြစ်များ

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

LESHELE 106:3

Khuu no kuchou xakütha ikhilu, eno atüqhüdo kümtsü lo achipiu mikucho shicheni keno pano lokivipue!

LESHELE 19:11

Tinguno alau, tipaqo vecheo O qemi ghutulu cheni; ti papelu keu lo asaxü kije ani.

LESHELE 19:12

Khuu no alikhi akipimi phulu nani kea? Tuqho-tugho kipimi lono I xaphe lulo.

LESHELE 78:7

Tileno panongu no panow pükhükibe Alhou lau qhilu nani Alhou kümla kümsüma monani, eno Pa zakütsüqo papelu nani;

LESHELE 81:16

Ikemu Pa no athi akiviu pesü nongu loji nani, eno atuki lo akhingozü pesü I no nongu ghapiqi tsü nani.”

ISAIAH 3:10

Amikuchomi vilo pano sala akivi anie pilo, kughengu pano ye pano kümla xochu nani.

ISAIAH 48:18

Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

JEREMIYA 42:6

Akivi na aküsa namu, Ampeu ni Lhou khuu lau inikhu tsü penike nino o puwu ani keno, nino Pa gholuni.”

JEREMIYA 44:4

Ikeghi I no nongu lau ishokibe I qemi tungkupmi puwu no pi, ‘O, I no mithi chekeu aphikümqhüpu hipaqo shi kevilo!’

MATTHEW 23:37

“O Jerusalem, Jerusalem, tungkupmi pithive tsü chekeu eno aghinimi khunoqo puwuni keno atu pesü veqhive tsü chekeu phughi! Awu aza no achishibo qholo atiqo hekütsü no vape ketoi ni ghi ghuthu khijeta o tianuli hekütsü kumqoni shi chekela, ikemu nono pulomoe!

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

Luke 19:42

ghi pi, “Noghi lae, kiu no külashilu cheni keno ishi nomu nou no ithike aye lae! Ikemu itehi ye o launo küsüvae.

John 15:14

I no kiu azah tsü keno nongu no pape aye, nongu ye I küsami ke.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Ephesiami 6:3

“tishianguno no ye akivishi anani eno ayeghi lo axüshu nani.”

ZAKINIU 10:12

“O Israel, Ampeu nongu Lhou ye nongu launo kiu khu ani nomu hike, nongu mlo eno angulho kuchopu pesü Pa sümsa lo, thokha lo Pa pulou lono cheche lo, Pa kimiye eno huthu lo,

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

ZAKINIU 11:1

“Ampeu nongu Lhou kimiye lo eno alhokuthu Pa khuaye, pimheye, eno azakütsü pelu lo.

ZAKINIU 12:25

Nongu ye ti chumoni, kughengu nongu no Ampeu zülo kiu no achipi keno ti shiaye, nongu eno no tianuli ghenguno akivipu shinani.

ZAKINIU 12:28

I no azah nongu tsükeu thokha pekupu nike pükapütsa lo, tishianguno nongu eno no tianuli ghenguno alholo akivipu shinani, kughengu kiu no akivi eno achipi keno tishi aye akivipu ke.

ZAKINIU 19:13

Pa kimiye qhiyi moni, ikemu Israel lono pimimo kemi ji pelekeu ngusü ikhive lo, tishianguno nongu kivipu shilu nani.

ZAKINIU 22:7

Atiqo ye luluvi, ikemu aza ye wuve pelo, tishianguno nongu kivipu shi nani eno axüshulu nani.

ZAKINIU 4:10

Horeb lo nongu no Ampeu nongu Lhou zülo puthugho akelo kishi Ampeu no I vilo pi keno kümsülu lo, ‘Timiqo pelo pano küxü tivilo I sümsani keu shikalu penike I lau kukumqo lo, tishino panongu no pano tianuli ghi shika peni.’

ZAKINIU 4:2

I no nongu lau kiu azah tsüve akeno tipau shou kiumu küpha momu ikhive kevilo, ikemu Ampeu nongu Lhou zakütsü khikhi I no nongu tsüve akeno papelo.

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

ZAKINIU 5:30

Wuno panongu vilo pilo, “Nongu phiki lo idewo lo.”

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

ZAKINIU 6:17

Nongu ye amlo tsüqhiyi Ampeu nongu Lhou zakütsü, Pa shepe eno akhuayeqo pelulo.

ZAKINIU 6:18

Ampeu zülo kiu no achipi eno alo keno ti shilo, tishianguno nongu kivipu shinani, eno Ampeu no nongu puasüqo tsünike tushoqhi keu aghüma yeghi lo ilo no pükhalu nani.

ZAKINIU 6:3

Tighenguno, O Israel, inilo, eno pükapütsa pelulo, tino nongu kivipu shilu nani, eno Ampeu ni puasü Lhou no tushoqhive ketoi, nongu ye akichhizü ngo akhingozü no qole akeu yeghi lo shishe ikowolu nani.

ZAKINIU 8:6

Ikehu Ampeu pape eno sümsa keu vecheo Pa zakütsü pelulo.

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

James 1:25

Ikemu khuu no kupukülai keu yezah, timi kuqhophe chekeu yezah shou jupuku no papeni keno, pa ye chilu no kümsümave kemi kumono mlaitha kemi kehu pa kümla lo kümgha keu shinani.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

RUTH 3:1

Tithiu Naomi no Ruth vilo pi, “Ninga, o pelo akivishi apenike ni ye o ghenguno akulhokiqhi phutsü masa anike kumo?