ZAKINIU 32:20 - Sumi Naga CL (Re-edited) Bible (BSI)

²⁰ Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

BAIBEL (BSI)

²⁰ Pano pike, “Niye hinguno hilau pano kuphumoae;” pano shou kiu shiveni keno tileno ino juni, kuthovi eno amikucho kumomi hipaqo.

ZAKINIU 32:20 ပူးပေါင်းရင်းမြစ်များ

KUKAMI AKINIU 17:18

Tighenguno Ampeu no Israelmi shou ighono amlo ideve no Pa zülono panongu ikhive. Judah shiaye kumo aye lakhimu qhimove.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

KUKAMI AKINIU 17:23

Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

YEKIKITHI AKINIU 20:20

Thanau inaqhe ithe ithu no panongu no Tekoa sayeqha lo wuve. Kughou panongu no tilau ipeghi keno Jehoshaphat no puthugho no pi, “Judah ngo Jerusalem timiqo, I tsa inilo! Ampeu nongu Lhou pülülo, nongu no mtotoilu nani; Paw tungkupmi pülülo nongu no tolu nani.”

JOB 13:24

No ye kushiye O gi küsüve no I pesü O ghümi toi kihi ani kea?

JOB 34:29

Pa no iqünheive namu khuu no akipimi Pa tsüluni kea? Pa no Pa gi küsüluve kelo shiye na lüthü namu khuu no Pa ithuluni kea?

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

ISAIAH 7:9

Ephraim tou no Samaria, eno Samaria tou ye Remaliah. Nongu no aküpülü lo mtotoimo aye nongu ye mtomla nani.”

JEREMIYA 18:17

Kipela mülhü toi I no aghümi zülono panoqo kuthole nani. Pano haküsapu tsala lo I no I gi kumono I zübo panoqo piyeni.”

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

HOSIYA 9:12

Panongu no atianuli saputhu namu I no pano mlo ghujushi pithikhave tsü nani. Kughou I no panongu qhiveni keno panongu ye ahasapue!

MATTHEW 17:17

Jisü no khochile, “Nongu aküpülü küküha eno chighichilai keqo, ni ye khitohi nongu sasü amasa kea? Ni ye khitohi nongu gholo anani kea? Pa sasü hila ighilo.”

Mark 9:19

Jisü no panoqo vilo pi, “O aküpülü küküha tiqhelimio, ni ye khitohi nongu gholo anani kea? Ni ye khitohi nongu khea lopi kea? Anu hilau saghi lo.”

Luke 18:8

I no nongu vilo piani, Pa ye ke-i xakütha shipe panongu tsü nani. Tishimu, Timi Nu no ighi kelo, pa ye ayeghi lo küpülümi phulu nani ma?”

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

ZAKINIU 32:5

Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

ZAKINIU 9:23

Kughou Ampeu no Kadesh-barnea lo nongu vilo, ‘I qholo eno I no nongu tsü akeu yeghi pesü amheghipu shilu lo,’ ipi no nongu puwu keno, nongu no Pa zakütsü hebideve, Pa pülümo eno Pa sütsa inimoe.

2 Thes. 3:2

eno kixikilami ngo lhoksami launo ningu xaphelu peni. Kughengu kümtsü no aküpülü anike kumoe.

IBRIMI 11:6

Aküpülü küha keloye Alhou mlo kiqipu shimlae, kughengu khuu no Alhou lau ighini keno pa ye Alhou ye acheni eno Pa phu ighi kemi Pa no asaxü tsücheni kepi pülülu masae.

JOSHUA 23:10

Nongu dolo milakhi no timi qhethonhe haleve, kughengu piqhi püake toi Ampeu Alhou no nongu ghenguno aghüshi tsüke.