ZAKINIU 32:16 - Sumi Naga CL (Re-edited) Bible (BSI)

¹⁶ Panongu no inami lhou pesü Ampeu pelo anheshupe; aphikümqhüpu pesü Pa loghu shikighide.

BAIBEL (BSI)

¹⁶ Panoqono ajulho mllakeu huno AMPEU ye anheshuve; Panonguno alhoksa shikeuno pa pelo axuidevepe.

ZAKINIU 32:16 ပူးပေါင်းရင်းမြစ်များ

KUKAMI ATUGHIU 14:22

Judah timiqo no Ampeu zülo axine shikeu lono Ampeu mlo shikighide tsü, eno pano puasüqo nguno alau axine shive.

KUKAMI ATUGHIU 14:9

Ikemu no ye o züumi kümtsü nguno alau axine kije shivae eno I milive no o sala kütau lhou ngo ayi julho mlakeu lono I mlo shikighide tsüke.

KUKAMI AKINIU 17:11

eno Ampeu no pano zülono sawuve keu shiyeqo no shicheke toi, qhemghaike-a lono akümllagho tsüno Ampeu mlo shikighide tsüe.

KUKAMI AKINIU 17:17

Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

KUKAMI AKINIU 23:13

Pa no shiküpsa toghi apeu, ti ye Jerusalem kipelau, akümlla-a khikhi Israel kükau Solomon no Sidonmiw aphikümqhüpu lholiu Ashtoreth, ngo Moabmiw aphikümqhüpu lhou Chemosh eno Ammonmiw aphikümqhüpu lhou Milcom ghenguno shiqhe keno, tipaqo shipüthave tsü.

LESHELE 106:29

panongu no pano kümla vecheo Ampeu mlo shikighide, ikehu püsa lakhi panoqo dolo ighive.

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

ISAIAH 43:12

Nongu gholo kütau lhou lakhimu küha aphi lono, I no shuphe, xalu eno pikülha, nongu no Iw thopimi ke,” ipi Ampeu no sheshu ani, eno “Ni ye Alhou ke.

JEREMIYA 2:11

Shiye lakhi ye alhou kumomu pano lhouqo kilive cheni keshea? Ikemu Iw timiqo ye pano jekipi pesü ala küha keu küsükilivae.

JEREMIYA 2:25

O pukhu kümsa shive moke kutolo eno o kughoki qhaive moke kutolo po kevilo. Ikemu nono pi, ‘Hi ye akiqi kühae, kughengu ni ye inaghami kimiyeve ake pano pape wuni.’

JEREMIYA 7:18

Atianuliqo no asü kiche cheni, apu noqo no ami shi ani, eno topumiqo no asho kunu ani, atsütsü kükaliu ghenguno mülüike sho mla ani. Panongu no I mlo shikighide tsüniye kütau lhouqo lau atsaizü kümllagho lephe ani.

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

EZEKEL 8:3

Pa no au jukimihi lakhi I küdau chhophe eno I kütsüsa lono ni pugho luve, eno Aghungu no ayeghi ngo kungugha dolo I sünheqhe luve no Alhouw kungunhetsü lono Jerusalem khagho kulaghi lo achebo alou ahuu küdau akeu lo anhekushu julho lakhü, khipau no anhekushu xukutho akeno tilau I sasü ighi.

ACHINE 18:27

(kughengu nongu züu hipa ghakhu lo akeqo ye aphikümqhüpu hipaqo shiche kehu ayeghi ye mithe moveke),

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.

ZAKINIU 5:9

Nongu ye tipaqo zülo pishiqho momu qemoni; kughengu Ni Ampeu nongu Lhou ye anhekushu Lhou, I mithi kemi tianuli lau tiqheli aküthüu ngo abidiu kutolo aghime süghi cheni.

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.