ZAKINIU 27:15 - Sumi Naga CL (Re-edited) Bible (BSI)

¹⁵ “‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

BAIBEL (BSI)

¹⁵ “‘Timi khuuno asu atu momu ayi pesu ajulho shisuno tipau mllani keno Alhou no musuini keu pa shou ani; AMPEU ye ajulho mllakeu mithi chenike.’ Eno timi kumtsuno khochileni, ‘Amen!’

ZAKINIU 27:15 ပူးပေါင်းရင်းမြစ်များ

BOTHUBO 31:19

Laban ye pa mbe mhi ghoniye wuve, eno Rachel no li papu kibo lo pighi chekeu lhouqo püka luve.

BOTHUBO 31:34

Rachel no aki lo pighi chekeu lhouqo ikhiluve no sayeshi küghüqa-a qholo süve no tipa shou iqa ae. Laban no aphiki kümtsü lheju kemu ithumlave.

BOTHUBO 9:25

pa no pi, “Canaan ye angusü shipeniu; pa thiküzümi pama lau pa ye aqemiqo qemi shi nani.”

KUKAMI AKINIU 17:19

Judah ghi Ampeu pano Lhou zakütsü pemove, eno Israelmi no peche keu khuayeqo haluve.

KUKAMI AKINIU 23:13

Pa no shiküpsa toghi apeu, ti ye Jerusalem kipelau, akümlla-a khikhi Israel kükau Solomon no Sidonmiw aphikümqhüpu lholiu Ashtoreth, ngo Moabmiw aphikümqhüpu lhou Chemosh eno Ammonmiw aphikümqhüpu lhou Milcom ghenguno shiqhe keno, tipaqo shipüthave tsü.

YEKIKITHI ATUGHIU 16:36

Israel LhouAMPEU lau pülhapuju lono pülhapuju lo kümgha keu alo!” Tithiu timi kümtsü no, “Amen!” ipi no Ampeu sheqhe.

YEKIKITHI AKINIU 33:2

Israelmi zülono Ampeu no shiye hapheve keqo no aphikümqhüpu khuaye pepimhe chekeu, pa no tipaqo pape kelono pa ye Ampeu zülo axine shive.

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

IPEKULU 34:17

“Nongu ye ayi pesü kiukiu lhou mu mla moni.

ISAIAH 44:13

Asü kümlau no asü mighi no yesüta pesü hetha puku cheni. Pa no tipau koghe mighi no akimghipu pesü amichi shino küxü cheni. Pa no tipau pesü timi ju koghe kivi shino aki lo qhi cheni.

ISAIAH 44:17

Asü tüxa pesü pa no ajulho shisü no tipau zülo pishiqho no mlla cheni. Tipau vilo pa no inikhu, “I xalulo kughengu no ye I lhou ke!”

ISAIAH 44:19

Khunomu kümsüju chemo momu tsaqüi ishi kümsükutoju chemoe, “I no asü tüxa süghü no asho eno ashi ghuchu; Imaye ni ye tipau sü tüxa pesü ajulho shisü no mllani keshea? Ni ye ti asülu zülo pishiqho no mllani keshea?”

JEREMIYA 11:3

Israel Lhou, Ampeu no ishi piani pi panoqo vilo pilo: Puloshoqhi hipau tsa chilumo kemi ye müsüinivae,

JEREMIYA 11:5

tishikeu lono ishi nongu no akichhizü ngo akhingozü qowu akeu yeghi lo xüakeu ye, I no nongu puasüqo lau tushoqhi keu shoqhi shikupu tsüniye ke.” Tile I no khochile, “Ampeu, tishilo.”

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

JEREMIYA 28:6

Tungkupu Jeremiah no pi, “Amen! Ampeu pelo tishi peniu, nono tungkuptsa pive keu kuchou shi aghi peniu, eno Babylon lono Ampeu kilo akhu ajukhu eno akughumi kümtsü a-a hipau lo sachile saghive peniu.

EZEKEL 14:4

Tighenguno panoqo pütsa no pilo, Ampeu Alhou no ishi piani: Israel laghami khukhumu pa sü-atu julho pesü pa mlo lo xapu eno pa xine küpxalu kepu pa zülo qhi pülaghi tungkupu sasü kushoni ye ighi keu ye Ni Ampeu no asü-atu julhoqo ithulu keu qhemi khochile tsü nani,

EZEKEL 7:20

Panongu ye panow jukivi chiku-chila pesü qheza eno tipau pesü panow aphikümqhüpu julhoqo eno niqhinilai keu juthoqo mlae. Tighenguno I no hipaqo pesü panoqo ghenguno mithekumo thime shive tsüni.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

ACHINE 19:4

I qhive no ajulho mlla kevilo; ayi pesü alhou julho shisü no tipaqo mlla kevilo: Ni ye Ampeu nongu Lhou ke.

ACHINE 26:1

“Asü-atu julho, atsükucho momu atu yekütha koghe mlape tipa zülo itsaqi moni, kughengu Ni ye Ampeu nongu Lhou ke.

AKIKIHI 5:22

Angusü süghi chekeu zü hipau no o kive lo ilo no o puqho ngo o phimpi inguuve peni.’ Eno atotiu no khochileni, ‘Amen, Amen.’

MATTHEW 24:15

“Ikehu kughou Daniel tungkupu no pikeu aphikümqhüpu julho no akimthe-a lo puthugho aghikeu nongu no ithuluni keno (phikulumi no akiqi ithikuthu luvelo),

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

1 Kor. 14:16

Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?

ZAKINIU 27:14

Levimi no Israelmi kümtsü lau ighamku atsa hipaqo pini:

ZAKINIU 29:17

Panongu gholo aphikümqhüpu thime, asüatu julho, ghükayi eno ameshoyi julhoqo nongu no ithuluvae.

ZAKINIU 4:25

“Kughou nongu no atianuli eno atilimi auveni eno aghakhu tile no kitemi shiveni keno, nongu no kiukiu julho mlakeu vecheo alhoksa shiuve, eno Ampeu nongu Lhou zülo kiu no kixikila keno shikeu lono Pa pelo axuidepe aye,

ZAKINIU 5:8

“‘Nongu ye atsütsü lo, ayeghi lo, ayeghi qhou, momu ayeghi qhou azü lo akeu julho kimihi kiumu mlape qhimoni.

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

XAKUTHAMI 17:3

Pa no ghükayi hu pesü paza tsüchile kelo li no pi, “Ghukusho I nu shou iku pemoni ke I no ghükayi hipaqo pesü Ampeu lau tsüve ani. Hipau pesü no ajulho ngo ghükayi julho mla peni. Ikehu I no o tsüchileve ani.”

XAKUTHAMI 17:4

Tishino pa no tipau paza tsüve. Li no ghükayi 200 pesü ayi kiyiqimi lakhi pelo ajulho ngo ghükayi julho mla phevepe. Ti ye Micah kilo ghope qhivetsü.

SAMUEL ATUGHIU 26:19

Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’