ZAKINIU 17:15 - Sumi Naga CL (Re-edited) Bible (BSI)

¹⁵ nongu ye Ampeu nongu Lhou no kishe tsükeu timi pesü nongu kükau shini. No thiküzümi dolo lakhi no akükau shipelo, ikemu inaghami ye pesü akükau shimoni.

BAIBEL (BSI)

¹⁵ Nonguno timi khuu kishepe akukau shipeni keno tipauye AMPEU no kishetsukeu shimasa kepi tsaqiuno ithilo. Paye notimi lakhi shiaghi masa kethono inanushi lakhi pesu nokukau shipe kevilo.

ZAKINIU 17:15 ပူးပေါင်းရင်းမြစ်များ

SAMUEL AKINIU 5:1

Tithiu Israel lo ashiaye kümtsü no Hebron lo David lau ighi no pi, “Julo, ningu ye o ghi eno o shi ke.

SAMUEL AKINIU 5:2

Wovekeu lo, Saul no ningu shou akükau shi akelo ghi, nono Israel ghüshiqo lo saphe ighike. Eno Ampeu no o vilo pi, ‘Nono Iw timi Israelmi kheu shi nani, eno nono panongu yepeu shi nani.’”

YEKIKITHI ATUGHIU 12:23

Ampeu tsa kiqi lono Saul kükaqha pesü David u lo süve tsüniye azüta angu kipemi ghüshimi loji hitoi Hebron lo David lau ighi.

YEKIKITHI ATUGHIU 22:10

Pa no I ghenguno aki shitsü nani. Pa no I nu eno I no pa Pu shi nani, eno I no alhokupuju ghenguno Israel lo pa kükalakhü iqhikumto tsü nani.’

YEKIKITHI ATUGHIU 28:5

Eno I nuliqo dolo (kughengu Pa no anuli kutomo pesü I kümghatsü kehu) Solomon pesü Ampeu kükalakhü lo iqa no Israelmi shou ayepe penike kishe luvae.

LESHELE 2:2

Ayeghi lo kükami no pano ampi süqhe, eno yepemi no mije küqhano Ampeu eno Paw Nukikishe lachile pi,

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 89:20

I no I qeu David ithulue; thazü kimthe pesü I no pa nukishevae,

JEREMIYA 2:25

O pukhu kümsa shive moke kutolo eno o kughoki qhaive moke kutolo po kevilo. Ikemu nono pi, ‘Hi ye akiqi kühae, kughengu ni ye inaghami kimiyeve ake pano pape wuni.’

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

MATTHEW 22:17

Ikehu no ye kiu kümsü ani keno ni vilo pilo. Ayezah kiqilo Caesar lau asüqha tsü kelau kemo kea?”

SAMUEL ATUGHIU 10:24

Samuel no timi kümtsü vilo pi, “Ampeu no khuu kisheve akeno nongu ye pa ithulu anima? Timiqo dolo khumu pa toikeu kühae.” Eno kümtsü no ighamku, “Akükau axüpushu peniu!”

SAMUEL ATUGHIU 16:3

Aghakishi lo Jesse kusü lo, eno nono kiu shikepu keno I no o piyeni. I no khuu o lau shuphe tsüni keno nono I ghenguno pa nukisheni.”

SAMUEL ATUGHIU 8:5

eno pa vilo pi, “Julo, no ye alaye shivae eno o nuliqo ye o laghi lo cheche movae. Tighenguno shiye kütami toi ningu shou xaküthau shi penike akükau lakhi ni ghenguno süsü tsülo.”