ZAKINIU 13:16 - Sumi Naga CL (Re-edited) Bible (BSI)

¹⁶ Tile küxümi tinhemgha kümtsü pesü mishighüna mta lo qhini, eno Ampeu nongu Lhou lau akümllagho shi mishighüna tipau pitiveni.

BAIBEL (BSI)

¹⁶ Tilehi xuakemiqo nhemgha kumtsu pesu akumllagho lakhi AMPEU nongu Lhou mllalo. Tipau taunye alhokupujulo xalepe qhive masake eno khilemu itaghi shikithepuku kevilo.

ZAKINIU 13:16 ပူးပေါင်းရင်းမြစ်များ

IPEKULU 22:19

“Khukhumu lhoxü sasü küghüpa keu ye pithiveni.

ISAIAH 17:1

Damascus ghenguno pimhelu keu tsape. Julo, Damascus ye ixapinyive no aphughi ghi kühave nani.

ISAIAH 25:2

Nono aphughi shipüsape atuli kughulhove tsü, aliwo akeu phughi kütsave tsü; inaghami kighiki pühave tsüke; aphughi ye khilemu shiqhekithe moae.

JEREMIYA 49:2

Ikehu Ampeu no sheshu, julo, I no Ammonmiw Rabbah shou aghüle kuni keu tsala cheni; ti ye kütsalepe amoqheve nani; tile aphuqo ye pitileve nani; tithiu Israel no khunono pano le keno tipaqo leluve nani, ipi Ampeu no piani.

EZEKEL 26:14

I no o pesü atuqu lakhi shive tsü nani. No ye akhameqo vesü kepu-a shive nani. No ye khilemu shiqhe puku moae, kughengu Ni ye Ampeu ke; I no piqhivae, ipi Ampeu Alhou no asheshu.

MICAH 1:6

Ikehu I no Samaria pesü xine-xigha pekilepu-a shive tsüni, atsaibo shokepu-a shive tsüni, eno li tuquqo pesü akhila lo kulu piqive tsüno li boqhaqo xaleve tsü nani.

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

ZAKINIU 7:26

Nongu kilo aphikümqhüpu thime süghi moni, kughengu tino kütsakungo süghi cheni. Ti jukuchhube lo eno mithi lo, kughengu ti ye kütsakungo kepu lo tsüvae.

JOSHUA 6:21

Panongu zütakikihi pe aphughi lo kiptimi, totimi, kichimi, itimi, amshitsü, ambe eno khurhaqo kümtsü ghiqhive.

JOSHUA 6:24

Tishino panongu no mishighüna lo ami süvetsü no thime jeli kümtsü pitive tsü. Ikemu ghükayi ngo ameshoyi thaqhü, eno alazayi ngo ayi no mlakeu bohuqo ye panongu no Ampeu kini pekükütsü-a lo qhive.

JOSHUA 6:26

Tile Joshua no ashoqhi lakhi shi, “Khuu no Jericho phughi hipau shiqhe kithe nike ithughini keno, Ampeu no angusü pa shou apeniu. “Aboqha tu ye pa nu anoghiu küxü shouno shosü peni, khaghoqo ye pa nu anipau küxü shouno süqhe peni.”

JOSHUA 8:28

Joshua no Ai pitive no ayeghi kümsa shivetsü eno ishi kutolo tishi aphi.