YETSAPIU 9:7 - Sumi Naga CL (Re-edited) Bible (BSI)

⁷ Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

BAIBEL (BSI)

⁷ Wupuzu oghakiqishi ochuqupu chualo; oji shoalo olo pivilo, Alhou ye thwokha kumtsu lo achipishi anike.

YETSAPIU 9:7 ပူးပေါင်းရင်းမြစ်များ

BOTHUBO 12:19

Kushiye no ye, ‘Li ye I chepu’ ipi püzü I pelo li pesü I nipu shive peniye shi kea? Itehi, o nipu hi anike luve no wuve lo.”

KUKAMI ATUGHIU 8:66

Atsala akütacheni Solomon no timiqo pütüta kilo puwove, eno panongu no akükau kümgha tsüno Ampeu no Pa qeu David ngo Paw timi Israelmi lau akivi kümla shikeu ghenguno shishe alokivi shi pütüta kilo wove.

YETSAPIU 10:19

Achuqupu ye aghapiqi nike ghenguno mlae, atsaizü no aküxü lopivitsü cheni, pisa no thokha khochile tsü cheni.

YETSAPIU 11:8

Timi lakhi no ampe kutomo xülu aye, pa ye amlo kiqishi amasae; ikemu aküzü tsala no tinguno akushuu kepi ithi pelo. Tithiu ye kümtsü adoue.

YETSAPIU 5:18

Julo, I no kiu phulu keno hike; thime kümtsü nguno akiviu timi no shi kepushi akeu ye Alhou no aküxü ikhonhei pa tsü püake dolono chusho no pa no mlalu keu lo aghaqilu kepue; kughengu hi no pa sajeke.

YETSAPIU 7:14

Kinikülü shilu ake ghuloki lo alovi alo, eno shiluküsa tsala lo kümsülu lo: Alhou no alokivi eno shiluküsa ghi puwue, tishianguno timi pelo pa thiu kiu ighi nani keno ithi pemo niye ke.

YETSAPIU 8:15

Ikehu alovi alopi I no piani, kughengu khetsünhe qholo timi ye chusho eno alovini keu nguno akiviu ye kiumu kühae. Alhou no aküxü pa tsüke tivilo alokivi huno pa ghime kupuju lo pa gholo anani.

AKIKIHI 6:20

eno achineu no tipaqo peqhepe Ampeu zülo akimchi kümllagho shi ghi tsüni. Amlashi ngo alukoshi pesü achineu ghenguno akimthe saje shitsü keu gholo hipaqo ghi pa salae. Tithiu Nazirmi huno atsaizü shoni.

Mark 7:29

Jisü no li vilo pi, “Nono hipa tsa pike ghenguno wolo, tüghami ye o nga qhivae.”

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

John 4:50

Jisü no pa vilo pi, “Wolo, o nu ye xü nani.” Timi huno Jisü no pa vilo pikeu tsa pülüve no wuve.

Apostolmi 10:35

ikemu shiye kümtsü gholo khukhumu Pa sümsa eno achipiu shikeu ye ikhikulupu shicheni.

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

RUTH 3:7

Eno kughou Boaz no chushove no alopiqilu keno, pa no athi amoqhe püakeu shekhalau wuno iqi ihozüve. Tileno li no agholau no ighi no pa phi lhapheve tsüno ihozüve.