YETSAPIU 8:1 - Sumi Naga CL (Re-edited) Bible (BSI)

¹ Khuu no alokütsüu toi kea? Khuu no thime kiqi ithi ani kea? Timi lokütsü no pa gi yepüvü tsücheni, eno pa gi kümka ghi kilive tsücheni.

BAIBEL (BSI)

¹ Alokutsumi likhino thimeye kiu keno kuchouno tipau kiqi pitsu cheni. Alokutsuno pa pelo agi vuqailu pe eno pagi sukughukeu shipuha tsu cheni.

YETSAPIU 8:1 ပူးပေါင်းရင်းမြစ်များ

BOTHUBO 40:8

Pama no pa vilo pi, “Nikujo ye asamo pumoe, ikemu nikujo vilo hepho piyeni kemi lakhimu kühae.” Eno Joseph no pama vilo pi, “Hekupho ye Alhouw ke kumo? Kimiyeno I vilo piju lo.”

JOB 33:23

Tsala pa ghenguno kungumi, qhethonhe dolo lakhi, lacheu, timi vilo kiu no achipi keno pini keu aghi aye,

IPEKULU 34:35

Israelmi no pa gi küvü ithulu che. Moses no Alhou sasü küptsa moke kutolo agikünha pesü pa gi nhave che.

AHOLE 1:6

tishianguno alokütsümi holetsa eno panow sülekuthoqo vethalu nani.

AHOLE 12:8

Milakhi no akükümsü kivi akeu vecheo akishe ithulu cheni, ikemu ihoghülai keu mlo xapu chekemi ye thogha cheni.

AHOLE 17:24

Kimchikulumi ye alokütsü küdau jupuku cheni ikemu mbomzümi nhethi no aqha kümtsü lo jupuwo acheni.

AHOLE 21:29

Akümzümi ye pa ghili kümsü kutoju cheni ikemu kixikilami ye ithi ake ghilishi teqhitelei acheni.

AHOLE 24:5

Alokütsümi ye akumto no chhitoi, eno kighithimi no pa kumto alau heshelu cheni,

DANIEL 2:22

Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

MATTHEW 17:2

Eno panoqo zülono Jisü ye ajuhi kilive, pa gino khetsünhe toi vüqaive eno pa phimini no aküvü toi metsüghoive.

Apostolmi 4:13

Kughou panongu no Peter ngo John pama mlo kuloghi ithulu eno pama ye kighithimi kumo no inapüghami kepi ithi keno, panongu ye akichiqhive. Pama ye Jisü gholo kichemie pi panongu no michive.

Apostolmi 4:29

Ampeu, itehi panongu no ningu kichi akeu lo jupuku tsülo, eno O qemi pelo amlo kumto lono O tsa pilu pelo.

Apostolmi 6:15

Hoho mpemi kümtsü no thüghüi pa jukelo pa gi ye kungumi gi toi ithulue.

Rommi 13:5

Tighenguno Alhou loghu lono poveni keu ghengu likhino kumo püzü pütüta mlo lono akipimi shimo kepushi kümtsü no yepemi qhoqhü masae.

Ephesiami 6:19

I ghengu ghi inikhu tsüalo, tishianguno Alhou no I kichi xükho tsüno atsa I tsü eno mtotoi shi tuqhou tsakiviu pikülhalu peni,

ZAKINIU 28:50

Shiye tipau no ayiküsa shinani eno layemi mu gihumo nani, momu itimi kipimi mu qhitsümo nani.

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.

2 Peter 1:20

Ikemu Kuchoyesü lo tungkuptsa lakhimu lüthüw pekibide lono kumo kepi atüghüshi ithilo.