YETSAPIU 2:10 - Sumi Naga CL (Re-edited) Bible (BSI)

¹⁰ I nhethi no kiu pulo keno ti kümtsü I no ithulue. I mlo no kiu pulo keno lakhimu milive moe, kughengu I mlo no I kümla kümtsü lo aghakiqi shi, eno tino I saxü ke.

BAIBEL (BSI)

¹⁰ Kiukiumu ino lunishikeu ino ithulue. Ilopivi kepu jeli lakhimu milivemoe. Ino kiu mla chekeno tipaqo shou ikijivilo cheke eno hipaqo kumtsu isaxuke.

YETSAPIU 2:10 ပူးပေါင်းရင်းမြစ်များ

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

BOTHUBO 6:2

Alhou nuliqo no timi ngaqo ye jukivishi akeu ithulu. Eno panongu no pano nipu shiniye kishelu.

JOB 31:1

“I no I nhethi sasü ashoqhi shivae; imaye ni ye kushiye ili lhothe shou jupukuni kea?

LESHELE 119:37

Ameküküha thimeqo juni keu lono I nhethi tsüghüve tsülo; eno O tsa kiqi lono I küxü pükhape qhitsülo.

LESHELE 128:2

No ye o likhi o u no mlaqhikulu xathi chulu nani; no ye alokivi shi nani eno o ghenguno akivipu shi nani.

AHOLE 23:5

Kughou o nhethi no küakini lo jupukuni keno ti ye pai achishibo ipeghive no alhuqu no kunguu yeikuve ketoi hauve nani.

YETSAPIU 11:9

O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

YETSAPIU 2:1

I mlo lono I no pi, “Itehi ighilo, I no aghakiqipu pesü o pejuni; o lopivi lo.” Ikemu highi adou shi aghi.

YETSAPIU 2:22

Khetsünhe qholo akaghashi mla apüzü timi ye kiu ala shilu cheni kea?

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

YETSAPIU 3:22

Ikehu I no ithilu keu no timi ye pa no mlalu keu lo alovilu keu nguno akiviu kühae, kughengu tino pa saje ke. Kughengu pa no thive kethiu khuu no pa saghilu no ithulu peni kea?

YETSAPIU 5:10

Khuu no pisa kimiye cheni keno, pa ye pisa shou aghaqimo nani, titoi küakini mine chekeu ye paw ilokighi jupe lukümkha shimo nani; hi ghi adoue.

YETSAPIU 5:17

Tinguno alau pa küxü tivilo pa ye aküzü lono amlo ime, küsükini shi, eno amloide ghi chucheni.

YETSAPIU 5:18

Julo, I no kiu phulu keno hike; thime kümtsü nguno akiviu timi no shi kepushi akeu ye Alhou no aküxü ikhonhei pa tsü püake dolono chusho no pa no mlalu keu lo aghaqilu kepue; kughengu hi no pa sajeke.

YETSAPIU 6:2

Alhou no küakini ngo tinhemgha eno agigihupu pesü timi khami tsüe, eno pa no lunishi keu lakhimu püqüve moe, ikeghi Alhou no pa pelo tipaqo peitha no alopivilu pemono tüsümiu pelo aloino lupe cheni. Hi ye adou; eno shishe küsakügha ke.

YETSAPIU 6:9

Anhethi no ithulu akeu no aposünhei niye itsü chekeu nguno akiviu ke. Hi ghi adou eno amülhü küghaju püha keu paphi ke.

YETSAPIU 8:15

Ikehu alovi alopi I no piani, kughengu khetsünhe qholo timi ye chusho eno alovini keu nguno akiviu ye kiumu kühae. Alhou no aküxü pa tsüke tivilo alokivi huno pa ghime kupuju lo pa gholo anani.

YETSAPIU 9:6

Panow kikimiye ngo akimthi, eno mine chekeu kümtsü pühavae, eno khetsünhe qholo kiu shi ani keno, tile pano saje ye kiumu kühavae.

YETSAPIU 9:9

Alhou no ayeghi lo adou küxü o tsü püake tivilo nono kimiye chekeu o nipu sasü alopivi xülo, kughengu nono ime mlaitha chekeu lo tino o saje ke.

1 John 2:16

Kughengu ayeghi lo thime akeqo—ashiaji eno anhethi no mine chekeu ngo aküxü lo qheküza—ye Apu launo kumono ayeghiqha launo ighie.

XAKUTHAMI 14:2

Pa no aki lo ideiqho papu ngo paza pama vilo pi, “Philistiami ilimi lakhi Timnah lo I no ithulue, ni ye li sasü külakupu shinishi anike li saghi tsülo.”