YEKIKITHI ATUGHIU 29:22 - Sumi Naga CL (Re-edited) Bible (BSI)

²² Tipa tsalani Ampeu zülono panongu no shishe alokivishi chushove. Tishino panongu no David nu Solomon pesü akükau shi ghuthu akiniu veküpha, eno Ampeu ghenguno yepeu kepi pa nukishe, eno Zadok pesü achineu shive.

BAIBEL (BSI)

²² Ike tipa tsala kupuju panonguye ighono alokivishi AMPEU zulono chu shoe. Tipashelo ghuthu akiniu panonguno Solomon no akukau kepi vekupha. AMPEU jelono panonguno teli pe pa nuhkishe no panongu shou ayehkipeu shi eno Zadok pelo achineu shipe.

YEKIKITHI ATUGHIU 29:22 ပူးပေါင်းရင်းမြစ်များ

KUKAMI ATUGHIU 1:31

Tileno Bathsheba no li gi pishiqhope akükau agigihu tsüno pi, “I mpeu akükau David pelo axüshu apeniu!”

KUKAMI ATUGHIU 1:33

Akükau no panongu vilo pi, “I nu Solomon pelo Iw khurgha shou iqa no I qemi nongu gholo sasü Gihon lo wulo.

KUKAMI ATUGHIU 2:35

Tishino akükau no Benaiah pesü Joab theli lo ghüshimi zatsüu shive eno Zadok pesü Abiathar theli lo achineu shive.

YEKIKITHI ATUGHIU 12:40

Itaghi pano laghami Issachar, Zebulun, eno Naphtali lo küamiu ghi khurha, sayeshi, khurgha, eno amshitsüqo lono achuqupu jeli, ashomkhu, mubuthi sho, atsaikipki, atsaiji eno thazü, amshitsü eno ambe, kupukuno shi xapu ighi, kughengu Israel ghakhu kümtsü lo alokivi kije akehue.

YEKIKITHI ATUGHIU 23:1

Kughou David no muchomi shi xükülayeve keno, pa no pa nu Solomon pesü Israel kükau shivepe.

YEKIKITHI AKINIU 7:10

Aqhi akütsüniu, atsala muku aküthüu lo pa no timiqo pütüta kilo puwove, Ampeu no David ngo Solomon eno Paw timi Israelmi kinikülü tsükeu ghenguno shishe alokivi shi wokhave.

NEHEMIA 8:12

Timi kümtsü no alokivi kije lono chusho eno kütami sasü küsaje nike wokhave, kughengu kiu pi keno panongu no vethaluve ke.

IPEKULU 18:12

Moses pangu Jethro no akipti kümllagho lakhi peighi no Alhou lau aghashi; eno Aaron no Israelmi layemi kümtsü saighi no Moses pangu sasü Alhou zülono chushoe.

IPEKULU 24:11

Pa ye Israelmi atomi shou Pa u chhomoe; panongu no Alhou ithulu eno chushoe.

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

YETSAPIU 8:15

Ikehu alovi alopi I no piani, kughengu khetsünhe qholo timi ye chusho eno alovini keu nguno akiviu ye kiumu kühae. Alhou no aküxü pa tsüke tivilo alokivi huno pa ghime kupuju lo pa gholo anani.

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

EZEKEL 46:10

Kughou panongu no iloghini keno, kükapuu ye panoqo gholono iloghini, eno kughou panongu no ipeveni keno, pa ghi ipeveni.

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.