YEKIKITHI ATUGHIU 28:9 - Sumi Naga CL (Re-edited) Bible (BSI)

⁹ “I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

BAIBEL (BSI)

⁹ Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

YEKIKITHI ATUGHIU 28:9 ပူးပေါင်းရင်းမြစ်များ

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

KUKAMI ATUGHIU 3:6

Solomon no khochile, “Nono I pu David o qeu lau iqemokeu kikimiye kije piye, kughengu pa no O zülo pükhükulu eno mikucho lono, eno müzüchoi xüche ke. Nono O kikimiye kije tipau pa ghenguno qhitsü eno ishi ye pa kükalakhü lo iqalu penike anu pa tsüe.

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

KUKAMI ATUGHIU 8:61

Tighenguno nongu mlo kümtsü pesü Ampeu Alhou tsülo, Pa yezah kiqi lono xülo eno Pa zakütsü ishi tsala lo pelu aketoi papelo.”

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

KUKAMI AKINIU 21:22

Pa ye Ampeu pa puasüqo Lhou milive eno Ampeu yezah lo chemove.

KUKAMI AKINIU 22:2

Pa ye Ampeu zülo kiu no achipi keno shino pasü David no shikeu thokha shi, eno pa ye piyiumu ajeumu tsüghüve moe.

YEKIKITHI ATUGHIU 22:19

Ikehu nongu mlo kükümsü kutope Ampeu nongu Lhou phulo. Ithu no Ampeu Alhou je ghenguno achineki shilo, tishianguno Ampeuw Puloshoqhi Bohu ngo akümlla lo akimthe liqo pewo tile qhikepu shinike.”

YEKIKITHI ATUGHIU 28:8

Tighenguno itehi Israelmi, Alhouw timi Ampeu zülo kumqope akeqo, Ampeu nongu Lhou zakütsü kümtsü papelu kepushi phulo, tishianguno nongu no alhokupuju ghenguno ayeghi kivi hipau pükhape athiu no tianuliqo lau amheghi shi qhitsülu nani.

YEKIKITHI ATUGHIU 29:9

Panongu no amlo kümtsü süno puloniqhiyi Ampeu tsülu ke ghenguno alokivi shive. Eno akükau David ghi ighono alokivi shive.

YEKIKITHI AKINIU 12:5

Rehoboam ngo Judah lo sakiphemi no Shishak ghenguno Jerusalem lo hekütsüpe akelono tungkupu Shemaiah no ighi no panongu vilo pi, “Ampeu no ishi piani, ‘Nongu no I qhiveke ghenguno I no nongu pesü Shishak u lo süve tsüae.’”

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 6:30

O kungo-a kungugha lono, ini tsüno akipimi qhitsülo, eno pütüta mlo Nono ithi akeu kiqi lono, panongu lau mla tsülo kughengu O likhi no timi kümtsü mlo ithi anike,

EZRA 8:22

Ningu no akükau vilo, “Ni Lhou u ye Pa phuighi kemi kümtsü shou acheni, ikemu Pa pheve kemi shou Pa loghu küka acheni,” ipive kehu ni ghüzüla lo aghümi launo süshotsü penike pa vilo ghüshimi loji eno khurshimi tsülopi khuni keu ni ye kujove.

LESHELE 101:2

I no tukutiye kühakeu laghi kümsü juni. O No ye kughono I lau ighini kea? Ni ye I kilo akikhi mlo xapusü cheche nani;

LESHELE 139:2

Kughou I no iqa eno I no ithughi keno Nono ithi ani; Nono putou no I kükümsü jupililu ani.

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

LESHELE 18:2

Ampeu ye I tuqu eno I liwo, eno I xaphekuluu, I Lhou, I tuqu, I no O launo sükusho lucheni, I züto, I xakulu kibo, eno Iw sükusho-a.

LESHELE 7:10

I züto ye Alhou gholo ani, Pa no amlo lo müzüchoi kemi xalu cheni.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

LESHELE 89:26

Pa no I lau ighamku pi nani, ‘No ye I pu ke, I Lhou eno I xakulu tuqu ke.’

LESHELE 89:38

Ikemu itehi ye Nono peve eno milivae; No ye Ow nukikishe lau O loghu no chhitoi ani.

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

IPEKULU 15:2

Ampeu ye I kumto eno I le ke, eno Pa ye Iw xakuluu shivae; hi no I Lhou ke, I no Pa sheqheni, I pu Lhou, I no Pa süqheni.

IPEKULU 3:16

Wulo eno Israel lo layemi hekütsü kumqo no panoqo vilo pilo, ‘Ampeu, nongu puasüqo Lhou, Abraham Lhou, Isaac Lhou eno Jacob Lhou no I lau ipeghi no pi, “Egyptmi no nongu lau kiu shi keno I no nongu chhejuvae,

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

AHOLE 4:4

I pu no I shika eno I vilo piche, “O mlo lo I tsaqo tsatsai süpulo; I zakütsü pape no aküxüpu qelulo.

ISAIAH 1:28

Ikemu hekibidemi ngo axinemi ye kümtsa kütsave nani, eno Ampeu pheve kemi ye pithive nani.

ISAIAH 38:3

“O Ampeu, I no kishi O zülo pükhükulu eno amlo tsüqhiyi shi püzü O nhethe lo akivi shiche keno, kimiyeno kümsülu tsülo.” Eno pa ye amlo ghujushi qauve.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 20:12

O aqokitikhi MPEU, khuu no amikuchomi peju cheni, amlo akükümsü ithulu cheni keno, I pelo Nono panongu shou amkhü lukeu ithulu pelo, kughengu ni ampi pesü O lau kulhuqhivae.

JEREMIYA 22:16

Pa no mighimi eno kumlhomi ghenguno mlae; tino pa ghenguno akivi shilue. Hi ye Ni ithikeu kiqike kumo? ipi Ampeu no sheshu.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 29:13

Nongu no I phuighi nani eno I phulu nani. Kughou nongu no amlo kuchopu no I phuighini keno,

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 9:24

ikemu khuu no qhezani keno pa ye Ni ithi eno vethalu keu lono qheza pelo, kughengu Ni ye ayeghi lo ithamo keu kikimiye, kuchou xakütha, achipiu mikucho peitha cheni. Kughengu thime hipaqo lo I züküvü acheni, ipi Ampeu no asheshu.”

EZEKEL 11:5

Ampeu Ghungu no I shou ikughive, eno Pa no I vilo pi, “Ampeu no ishi piani pilo: Israel laghami, nongu no kümsüju lo. Kughengu nongu kükümsü lo iloghi akeu thimeqo I no ithi ani.

EZEKEL 38:10

“Ampeu Alhou no ishi piani: Tipa tsalani, o lolo akükümsü iloghi no nono küsakügha kuchughu nani

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

John 1:47

Nathanael no pa lau cheghi keu Jisü no ithulu püzü pa ghili ishi pi, “Julo, Israelmi kuchou, pa lolo pishikiqhi kühae.”

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 2:25

Pa ye timi ghili ithi nike thopi khumu avehupu shimoe, kughengu pa ampi no timi lolo kiu akeno ithi ae.

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

John 4:24

Alhou ye Aghungu, eno khunono Pa mllani keno aghungu eno kuchou lono mlla masae.”

John 8:55

Nongu ye pa mthae ikemu ni ye pa ithi ani. Tsala I no ni ye pa mthae pi aye ni ye nongu toi kimkimi, ikemu ni ye Pa ithi ani eno Pa tsa pape cheni.

Apostolmi 1:24

Panongu no inikhu no pi, “O Ampeu, nono timi kümtsü mlo ithi anike ningu piye tsülo, hi pama dolo Nono khikhiu kishepe

Apostolmi 17:23

Kughengu I no iqhoiqi nongu julho kümllaqo jukelo, akiptia lakhi lo ishi yepüa keu ithulue: ‘Ithikümla lhou lau.’ Tighenguno nongu no ithi mono mlla chekeu hu I no nongu lau sheshu ani.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

1 Kor. 15:34

Nonguw shokümzü küzü lono ithuvelo, tino achipi ke, eno axine shikithe akevilo. Kughengu khami ye Alhou mthae. Nongu shikujo nike ni ye hi piani.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

2 Kor. 8:12

Kughengu pulopinyi keu aghi aye, milakhi no kühakeu kumo püzü kiu ani keno ti ikhilutsü nani.

2 Kor. 9:7

Tsünishimo qhiyi momu tsülo pikeu lono kumono milakhi khino amlo lono xathalu keu kiqi lono tsülo, kughengu Alhou ye amlo qhaqhilei shino tsükemi kimiye cheni.

ZAKINIU 10:12

“O Israel, Ampeu nongu Lhou ye nongu launo kiu khu ani nomu hike, nongu mlo eno angulho kuchopu pesü Pa sümsa lo, thokha lo Pa pulou lono cheche lo, Pa kimiye eno huthu lo,

ZAKINIU 31:21

Eno kughou alhoksa ngo shiluküsa kutomo panongu shou ikughini keno, ale hipau no pano shou thopi shinani (kughengu ale hipau ye kümsüma mono pano tianuli gholo ache nani). Kughengu I no panongu sailo chekeu yeghi lo panongu ye kiu shive nani keno, ishi nomu Ni ye ithi ani.”

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

SAMUEL ATUGHIU 12:20

Samuel no timiqo vilo pi, “Msa kevilo; nongu no küsakügha hi kümtsü shivae. Ikemu Ampeu pape mono tsüghüve kevilo, nongu mlo kuchopu pesü Pa qelo.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”