YEKIKITHI ATUGHIU 28:4 - Sumi Naga CL (Re-edited) Bible (BSI)

⁴ Ikeghi Ampeu, Israel Lhou no ni lagha lono alholo Israelmi shou akükau shi penike I kishelu. Kughengu Pa no Judah lagha pesü sakiphemi shi kishelu püzü Judah lagha lono ni limi kishelu, eno ni limi dolo ghi Pa no I pelo Israelmi kümtsü shou akükau shipenike Pa züküvü shike.

BAIBEL (BSI)

⁴ AMPEU, Israilmi Lhou no ikisheluvae eno ikughukoqo no Israilmi shou alhokuthu ayehpeni ae. Pano Juda lagha pelo sakiphemi shipenike kishelue eno Juda lagha lono pano ipu kibolomi kishelue. Tipaqo gholono pano ilau alokiqi apuzu ipelo Israilmi kumtsu shou akukau shipeke.

YEKIKITHI ATUGHIU 28:4 ပူးပေါင်းရင်းမြစ်များ

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

YEKIKITHI ATUGHIU 17:23

Itehi ye, O Ampeu, Nono O qeu eno pa laghami ghenguno pivekeu tsa kiqi lono alholo shikupu tsülo,

YEKIKITHI ATUGHIU 17:27

Nono O qeu laghami pelo alhokupuju O zülo ache penike amlokiqi shi kümgha tsüke, O Ampeu, kughengu Nono kiu kümghave tsü keno ti ye alholo kükümghau shivae.”

YEKIKITHI ATUGHIU 5:2

Judah lagha no mtotoi shi pa thiküzümi ghüsü luno atou ghi ipeghi kemu anoghiu mheghiu no Joseph sala shive aghi),

YEKIKITHI AKINIU 6:6

ikemu I je apeni kehu I no Jerusalem kishelu eno David pelo Iw timi Israelmi shou ayepe penike kishelue.’

LESHELE 108:8

Gilead ye Iw; Manasseh ye Iw ke; Ephraim ye I kütsü kuqhoe Judah ye I yekipe küsü ke.

LESHELE 18:19

Pa no aghüche kivi lo I saipeghi; Pa no I xaphelu, kughengu Pa lokiqi I lau ake.

LESHELE 60:7

Gilead ye Iw; Manasseh ye Iw Ephraim ye I kütsükuqho; Judah ye I yekipe küsü ke.

LESHELE 89:4

‘I no alholo o laghami iqhikumto tsüni, eno alholo o kükalakhü shiqhe tsüni.’”

IBRIMI 7:14

Ni Mpeu ye mtsüqheino Judah laghami ke; eno Moses ye pano lagha jeku püamoe.

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”

SAMUEL ATUGHIU 26:1

Tithiu Ziphmi no Gibeah lo Saul lau ighi no pi, “David ye Jeshimon kipelau Hakhilah toghi lo itshü anike kumo keshea?”