YEKIKITHI ATUGHIU 27:1 - Sumi Naga CL (Re-edited) Bible (BSI)

¹ Israelmi kikihi, pütüta li eno alagha tomi, qhethonhe eno aqhe shou zatsümi, eno hiyampemi khunoqo no akümla kikije lo akükau kuphu ghi ampe lo aqhi atsütsü ighiju wuveju ache keno, hipau kiqi lono amqo kikije lakhikhi lo timi qhethonhe muku bidi aghi.

BAIBEL (BSI)

¹ Hipaqono Israilmi akibolo eno alaghalo atomi eno sakiphemi eno akuka yehkipe kumlalo ampemi ke. Ampelo aqhi atsu-tsu amqo kumtsulo timi 24,000 no pututa zahtsuu zah kutsu qholono akumla shike.

YEKIKITHI ATUGHIU 27:1 ပူးပေါင်းရင်းမြစ်များ

SAMUEL AKINIU 23:8

Hipaqo no Davidw aghükivimiqo je: Tahkhemonmi Josheb-basshebeth; pa ye sakiphemi küthü gholo atou. Pa no angupa pesü timi 800 sasü küpüghü no kümtsü ghulo lakhi lono pithive.

KUKAMI ATUGHIU 4:27

Paw ampemi chighikini no aqhi lo kiphi no pa eno pa qholo kükaki lo akemi ghenguno thokha avehupu shikeu kümtsü tsüche eno kiumu püqümoe.

KUKAMI ATUGHIU 4:7

Solomon ye Israel kümtsü lo ampemi chighikini ache. Panongu lakhikhi no akükau ngo pa kibolomi ghenguno aqhi lakhikhi kiphi ghi ampe kupuju lo achuqupu tsüche.

KUKAMI ATUGHIU 5:14

Pa no timi 10,000 no aqhi lo kiphi ghi Lebanon lo puwu. Adoniram no ampeu shino panongu ye aqhi lakhi Lebanon lo ngo eno aqhi kini aki lo ngoe.

YEKIKITHI ATUGHIU 11:10

Hipaqo no Davidw akumto ghüshitomi ke, panongu ye Ampeu no Israelmi vilo pikeu kiqi lono David pelo akükau shi penike Israelmi kümtsü gholo küqhano akumtoshi pa kucho shino choqhe tsüke.

YEKIKITHI ATUGHIU 13:1

David no qhethonhe shou, aqhe shou zatsümi lakhikhi sasü küsütsa,

YEKIKITHI ATUGHIU 26:32

Akükau David no Jerijah ngo pa limi shitsami 2,700 pesü Reubenmi, Gadmi, eno kipelau Manassehmi shou ampi shino Alhou kümla lona akükau vehulo namu jukütsü penike süküsü shive.

YEKIKITHI ATUGHIU 27:2

Perez laghami eno zatsümi kümtsü shou atou Zabdiel nu Jashobeam no amqo atüghüu shou atou shino aqhi atüghüu lo mlalu, pa mqo lo timi qhethonhe muku bidi.

YEKIKITHI ATUGHIU 28:1

David no Israel lo kijemi, alagha lo sakiphemi, amqo jeli lo atomi, qhethonhe eno aqhe zatsümi, akükau ngo pa nuli gholo kükaki lo ampemiqow tinhemgha eno pichepighi jukükütsümi, akumtomi eno aghükivimi, kümtsü Jerusalem lo kukumqo.

YEKIKITHI ATUGHIU 29:6

Ikelo tile ali eno alagha lo sakiphemi, qhethonhe eno aqhe zatsümi, eno akükau kümla lo hiyampemi kümtsü no pütüta pulou lono akümllagho pesü tsü.

YEKIKITHI AKINIU 1:2

Solomon no Israelmi kümtsü, ghüshimi qhethonhe mqo eno aqhe mqo shou atomi, xaküthami, Israel lo sakiphemi kümtsü, eno ali lo akütsü kümtsü sasü küptsa.

IPEKULU 18:25

Moses no Israelmi dolono shitsami kishe eno panoqo pesü timiqo shou, qhethonhe shou, aqhe shou, lhopungu shou eno chighi shou atou shipe.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

ZAKINIU 1:15

Ikehu I no nongu lagha lo alokütsümi eno puju shijuve kemi pesü qhethonhe, aqhe, lhopungu, eno chighi shou zatsümi eno hiyampemi shipe.

JOSHUA 23:1

Ampeu no Israelmi pano hokümxa lo aghümi launo akulho qhitsü keu ado kushuo thiu, Joshua ye ighono kitemi shive.

SAMUEL ATUGHIU 8:12

Pa no qhethonhe zatsüu, lhopungu zatsüu, eno pa yeghi hokideni kemi, paw ghile kuhumi, pa ghüshi nanuqo mlani kemi, eno paw khurkuluqo ghenguno tinhemgha mlani kemi süsü nani.