YEKIKITHI ATUGHIU 22:19 - Sumi Naga CL (Re-edited) Bible (BSI)

¹⁹ Ikehu nongu mlo kükümsü kutope Ampeu nongu Lhou phulo. Ithu no Ampeu Alhou je ghenguno achineki shilo, tishianguno Ampeuw Puloshoqhi Bohu ngo akümlla lo akimthe liqo pewo tile qhikepu shinike.”

BAIBEL (BSI)

¹⁹ Itehi omlo kuchopu eno angulho kuchopu pesu AMPEU oLhou huthulo. Achineki shinikeu huthuvelo tishianguno nono AMPEU wu Puloshoqhi Bohu pesu ilo tilehi qhilu nani eno pa mlla keulo akimthe nhemgha kumtsu tilehi qhilu nani.”

YEKIKITHI ATUGHIU 22:19 ပူးပေါင်းရင်းမြစ်များ

KUKAMI ATUGHIU 5:3

“Nono ithi anike I pu David ye Ampeu pa Lhou ghenguno aki shimlave, kughengu Ampeu no aghümi pa homxape akeqo pesü pa pukhu philo qhitsü moke kutolo pa ye aghü shiche ke.

KUKAMI ATUGHIU 8:21

Ampeu no ni puasüqo Egypt lono saipeghi kelono panongu sasü puloshoqhi shikeu bohu qhi penike I no a-a kutope qhive tsüae.”

KUKAMI ATUGHIU 8:6

Tishino achinemi no Puloshoqhi bohu pesü Shishe Akimthe-a Cherubim chishibo sükhope akeu qholo qhive.

YEKIKITHI ATUGHIU 16:10

Pa kimthe jelo ajuküvüpu shilo; Ampeu phukemi no alovilo!

YEKIKITHI ATUGHIU 16:11

Ampeu phulo, Pa kumto phulo; Pa gholo ngoni ke müamzü lo!

YEKIKITHI ATUGHIU 22:7

Pa no Solomon vilo pi, “I nu, ni ye aki lakhi shipe Ampeu I Lhou lau ikhiphe tsünishi keu I mlo lo ache.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 20:3

Tileno Jehoshaphat ye msave no pa gi kughope Ampeu phu, eno Judah ghakhu kümtsü no kümvü penike azah tsü.

YEKIKITHI AKINIU 5:7

Tishino achinemi no Ampeuw Puloshoqhi bohu pesü achineki lo ilo alou akimthe chebo lo Shishe Akimthe-a lo cherubim küma qholo qhive.

YEKIKITHI AKINIU 6:11

Eno Ampeu no Israelmi sasü Puloshoqhi shikeu, I no Puloshoqhi bohu tipau tile qhive tsüae.”

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,

LESHELE 14:2

Ampeu no kungugha lono pishipiqi timi nuli lakhi nomu vethalu no Alhou phuju cheni kemo keno jucheni.

LESHELE 27:4

Thime lakhi I no Ampeu vilo khu ani, ti likhi I no phunani; ti ye I küxü kupuju lo Ampeu kilo acheni keu, Ampeu jukivi shou jupuku eno Pa chineki lono Pa pulou ighijuni keu ke.

IPEKULU 25:8

Panongu no I ghenguno akimthe-a mlani, tishianguno I no panoqo gholo ngoni.

ISAIAH 60:1

Ithu no yepüvü lo, kughengu o küvü ye ighivae, eno Ampeu juküvü ye o shou yepüvü ani.

JEREMIYA 29:13

Nongu no I phuighi nani eno I phulu nani. Kughou nongu no amlo kuchopu no I phuighini keno,

DANIEL 9:3

I no Ampeu Alhou lau I gi kugho puwo, akighini eno kümvü keu, yeqhiyephi ngo ayevu vecheo küpükini piye penike qhüiniju.

HAGAYI 1:5

Tighenguno, itehi aqokitikhi Mpeu no piani: Nongu laghi chhejulo.

HAGAYI 1:8

Atoghi lo iqho no asü pewo Achineki shiqhelo, tishi aye I no aloqilu eno I juküvüpu shilu nani, Ampeu no pi.

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 22:16

Imaye no ye kiu khe ani kea? Ithu no Pa je lono baptiz shiluve no o xine qhuvelo.’

ZAKINIU 4:29

Ikemu tilauno nongu no Ampeu nongu Lhou phu nani, eno nongu no amlo eno angulho kuchopu pesü Pa phu aye phulu nani.