YEKIKITHI ATUGHIU 22:10 - Sumi Naga CL (Re-edited) Bible (BSI)

¹⁰ Pa no I ghenguno aki shitsü nani. Pa no I nu eno I no pa Pu shi nani, eno I no alhokupuju ghenguno Israel lo pa kükalakhü iqhikumto tsü nani.’

BAIBEL (BSI)

¹⁰ Pano ighenguno achineki lakhi shitsu nani. Pano inu shini eno ino papu shini. Pa philo ipekighino Israilmi lau pulhapuju ayehpeu shi ani.’ ”

YEKIKITHI ATUGHIU 22:10 ပူးပေါင်းရင်းမြစ်များ

KUKAMI ATUGHIU 2:15

Pa no pi, “Nono ithi anike kükaqha ye Iw shiae, eno Israelmi kümtsü no I no ayepe nani kepi huqhe akemu tutsüghüpe I thiküzüu saje shive, kughengu Ampeu no pa saje shive tsüe.

KUKAMI ATUGHIU 2:24

Tighenguno xüküau Ampeu, khuu no I pesü I pu David kükalakhü lo I qhipüani, eno Pa no tushoqhi püake toi I kükaqha hipau shikumto tsü keno, Pa je lono piqhi anike ishi tsala lono Adonijah pithiveni.”

KUKAMI ATUGHIU 5:5

Ikehu Ampeu no I pu David vilo, ‘O nu khuu I no kükalakhü lo o thisülu peni keno, pa no I je ghenguno achineki shi nani,’ ipi püake toi ni ye Ampeu I Lhou chineki shinike kuto ani.

KUKAMI ATUGHIU 8:15

Pa no pi, “Israel Lhou Ampeu sheqhelo! Pa no I pu David lau tushoqhi püakeu, Pa u no ti shikupuvae; Pa no hitoi piqhi püake,

KUKAMI ATUGHIU 9:5

I no o pu David vilo, ‘No ye Israel kükalakhü lo iqani keu timi püqümo nani,’ ipi tushoqhi püake toi I no alholo o kükalakhü Israel shou süsüve tsü nani.

YEKIKITHI ATUGHIU 28:5

Eno I nuliqo dolo (kughengu Pa no anuli kutomo pesü I kümghatsü kehu) Solomon pesü Ampeu kükalakhü lo iqa no Israelmi shou ayepe penike kishe luvae.

YEKIKITHI AKINIU 6:15

Nono I pu David lau shuphe keu shikupu tsüe. Nono O kichi lono piqhi eno O u no ishi tsala lono shikupu tsüke.

LESHELE 89:26

Pa no I lau ighamku pi nani, ‘No ye I pu ke, I Lhou eno I xakulu tuqu ke.’

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

IBRIMI 1:5

Kughengu Alhou ye kungumi dolo khuu vilo, “No ye I Nu, ishi tsala lono I no o Pu shiluvae.” Momu itaghi, “I no Papu shini, eno pa no I Nu shinani” ipi püania?