YEKIKITHI ATUGHIU 21:13 - Sumi Naga CL (Re-edited) Bible (BSI)

¹³ Tile David no Gad vilo pi, “Ni ye shishe avesavae. Ikemu ni ye timi u lo kumono Ampeu u lomu ikiqi iloni, kughengu Paw kimiyekini ye ighono kije ke.”

BAIBEL (BSI)

¹³ David no Gad khochile, “Niye avekusa dolo avae! Ikemu niye timi pelo ighime penishimoe. AMPEU no ighimeve peni, kughengu paye kimiyekiniu ghi ke.”

YEKIKITHI ATUGHIU 21:13 ပူးပေါင်းရင်းမြစ်များ

KUKAMI AKINIU 6:15

Thanau inaqhe Alhou timi qeu no ithu khalau ipeghi kelo ghüshimi no khurshi ngo khurkuluqo sasü mishighüna bope aghikeu ithulu. Pa no pi, “Aha, I mpeu! Ningu ye kishiveni kea?”

KUKAMI AKINIU 7:4

Ningu no, ‘Ningu mishighüna lo iloni,’ ipi aye püqümiye no mishighüna lo ani, eno ningu ye tilauno thive nani. Ningu no hile iqa anamu tighi thive nani. Ikehu ningu Syriami ghazü lo wuni shilo. Panongu no ni püxütsü aye ningu ye xülu niae; ni heqhive namu ningu ye thive niae.”

YEKIKITHI AKINIU 28:9

Ikemu Ampeuw tungkupmi lakhi Oded ipikeu no Samaria lo Israel ghüshimi idewo chekeqo vilo pi, “Julo, Ampeu nongu puasü Lhou no Judah lau amlo ideve no nongu pelo panoqo leluvepe, ikemu nongu no axukighide lono panongu ghiqhive keu no iku atsütsü tovae.

ESTHER 4:11

“Akükau qemi eno akükau timi aphughiqo lo akemi kümtsü no ithi anike tsala kiptimi momu totimi khuu no kusümo keghi akükau küghaki lo iloghi keno, tile ayezah lakhi likhi anie—ti ye pithiveni keu, khuu lau akükau no ameshoyi kükaküsü chhopuwoni keno pa ye xüluve nani. Ikemu, I ghengu ye, hi atsala shighi kutolo akükau lau ilolu penike kusü mphie.”

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

LESHELE 103:8

Ampeu ye küpükini eno kimiyekini, asheshi no amloide eno iqemokeu kikimiye no chhitoi.

LESHELE 106:7

Kughou ningu puasüqo no Egypt lo ache keno, panongu ye Ow akümzapu kümlaqo kihiju moe; panongu ye Ow iqemokeu kikimiye kupukuno shi akeu kümsülu move, ikemu azüghi, Akuhu Züghi lo cheche kelo panongu no hebideve.

LESHELE 119:156

Ow kimiyekini ye kije ke, O Ampeu; O shoqhi kiqi lono I püxü tsülo.

LESHELE 130:4

Ikemu O lau ye akipimi qhikütsü ani, tishino O sümsa peniye ke.

LESHELE 130:7

O Israel, Ampeu laju lo! Kughengu Ampeu gholo iqemokeu kikimiye ani, eno Pa gholo qhüchilekulu kupukuno shi ani.

LESHELE 5:7

Ikemu Ow iqemokeu kikimiye kupukuno akeu vecheo, ni ye O kilo ilolu nani. O sükümsa lono I no O kimthe chineki küdau pishiqho nani.

LESHELE 69:13

Ikemu ni ye O lau I kighini peighi ani, O Ampeu. O Alhou, ikhikulupu dokivi lono Ow iqemokeu kikimiye eno thebei xakulupu akeu lono I khochile tsülo.

LESHELE 69:16

I khochile lo, O Ampeu, kughengu Ow iqemokeu kikimiye ye aloe; Ow kupukuno kimiyeqhiyi keu kiqi lono I lau igho ighilo.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

AHOLE 12:10

Akivimi ye paw pichepighi ghi küpü cheni ikemu kixikilamiw kimiyekini ye ayiküsae.

ISAIAH 46:7

Panongu no abighi lo tipau ikhiqhepe xapu cheni; panongu no a-a lakhi lo ti ghope qhive cheni; ti ye tipa-a lono ithauve mlae. Milakhi no tipau lau ighamku namu, ti ye khochile chemo momu pa küküpna lono xaphelu chemoe.

ISAIAH 47:6

Ni ye Iw timi shou amloideve; I no I mheghi shikitiqeve ke; I no panoqo pesü o u lo süvetsüe, nono pano kipimi qhitsü moe; nono kitemi mghachhoi peithae.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 63:15

Kungugha lono pishipiqi ju tsülo, O kimthe eno jukivipu-a lono jutsü lo, O lokümsü ngo O küka khile ani kea? O mlo ighiqhiyi keu eno O kikimiye ni launo süchilevae.

ISAIAH 63:7

Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

AKUMLO 3:32

Pa no amloksa süghi namu Paw iqemokeu kikimiye kupukuno shi akeu kiqi lono Pa ye kimiyeqhiyi nani;

JONAH 3:9

Khuu no ithi ani kea? Alhou ye xaide luvi eno Pa yiküsa mlokighide süchile luvi, tishi keu lono ningu ye pühamo luvike.”

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

HABAKUK 3:2

O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

John 12:27

“Itehi I ngulho no kütakihi auvae. Ni ye kiu pini kea? ‘Apu, hipa tüqhüdo lono I xalulo’ ipini keo? Ikemu hipau kimji ghenguno ni ye aghime tüqhüdo hipau lo ighivae.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

IBRIMI 10:31

Aküxüpu Lhou u lo ikiqi ilolu keu ye kümsa kimshipue!