YEKIKITHI ATUGHIU 21:12 - Sumi Naga CL (Re-edited) Bible (BSI)

¹² ampe küthü püqümiye keu, aqhi küthü o ghümi zütakikihi no qhasüpe kütsakungoni keu, momu atsala küthü Israel qha kümtsü lo Ampeu zütakikihi puku no Paw kungumi vecheo püsa jeli süghini keu.’ Itehi ni ye kiu khokichile pesü I puwu keu lau idewoni keno xathalulo.”

BAIBEL (BSI)

¹² Ampe kuthu puqumiye keu keo? momu oghumi ghushimi zulo aqhi kuthu poveni keo? momu atsala kuthu dolo AMPEU no pa zuta oyeghi shou pukuno Israilmi yeghiqha kumtsulo paw kungumino akithi sughino kusakusho shive peni kya? Niye khokichile khikhiu pesu AMPEU lau tsuni kya?”

YEKIKITHI ATUGHIU 21:12 ပူးပေါင်းရင်းမြစ်များ

SAMUEL AKINIU 21:1

David ghuloki lo ampe küthü ishokibe püqümiye ighive kehu pa no Ampeu phuighi. Ampeu no pi, “Aji pelekeu kipimi Saul eno pa kibo shou ani, kughengu pa no Gibeonmi pithive ke.”

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI AKINIU 19:35

Tipaji Ampeuw kungumi no wuno Assyriami ghazü lo ghüshimi lakh lakhi qhethonhe lhotache pungu heqhive tsü. Kughou thanau inaqhe panongu no ithughi keno, akumo no aqha kümtsü aghi.

KUKAMI AKINIU 8:1

Elisha no aza khuu nu xüputhu tsü keno, li vilo pa no pi, “Ithulo, eno kibolomi sasü khile khilemu ado hami ghenguno ngo kepushi wuve lo, kughengu Ampeu no hipa ghakhu lo ampe tsüni püqümiye puwuni cheni.”

YEKIKITHI ATUGHIU 21:11

Ikehu Gad no David lau ighi no pi, “Ampeu no hitoi piani, ‘Khikhiu luni keno nono kishelulo:

LESHELE 91:6

momu aküzü lo püsa küsü, puchomghü lo kütsakungo keu ye o papemo nani.

IPEKULU 12:23

Kughengu Ampeu no Egyptmi heqhini ke hechewu nani, eno kughou Pa no ahukikha tsükucho kini eno ahukikha lo aji ithuluni keno, Ampeu no ahukikha tipau heche wuve nani eno hekiqhiu pelo nongu pithi nike no kilo iloghi pemo nani.

ISAIAH 66:16

Kughengu Ami ngo azütakikihi vecheo, Pa no timi kümtsü shou küghathabe nani, eno Ampeu no kutomo pithive nani.”

JEREMIYA 12:12

Asayeqha lo asa itsümo keu toghi shou kütsaveni kemi ighivae, kughengu Ampeu zütakikihi no ayeghi halau no halau kutolo leno khumu iqüghai mla nani.

JEREMIYA 42:16

nongu no azütakikihi msa akeu huno nongu haluve nani, eno nongu no püqümiye jupe ighü akeu huno Egypt lo nongu pape ighive nani, eno nongu ye tilau no thive nani.

JEREMIYA 47:6

Ah, Ampeu zütakikihi! No ye ado khitohi thiuno inaqhoive nani kea? O bohu lo ilovelo; inaqhoi shino akulhoqhi lo!

AKUMLO 4:9

Ghüyi lono wove kemiu no aluza lo axathi küküha vecheo akhüava no chuxuqhi thive kemi nguno angukiviue.

ACHINE 26:10

Now ghile no apolu kehu akiye chukhamla aphi lono ghile lupusü ighi kelo aqau ye peve nani.

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

Luke 4:25

Ikemu kuchou loye, I no pi anino Elijah ghuloki lo, kughou atsütsü no ampe küthü no aqhi tsügho khave püzü püqümiye kije ighi keno, chimemi kutomo Israel lo ache kelo,

Apostolmi 12:23

Paikhavi Ampeuw kungumi no pa hekuluve, kughengu pa no ajekipi Alhou tsümo ke, eno pa ye apithe no tsaqhi no atuthu kishekhave.

ZAKINIU 28:15

“Ikemu ishi tsala lo Ampeu nongu Lhou zakütsü eno akhuaye I no azah nongu tsü akeqo nongu no gholumo eno pape move aye, müsüini keu hi kümtsü nongu shou ikughi nani.

ZAKINIU 28:22

Ampeu no kitixeküsü jeli, aghakimki, atsala külü, züha, akushu mülhü pesü tüxatini ghaqhive tsükeu vecheo nongu ghime nani. Nongu pithive moke kutolo hipaqo no nongu haqhi nani.

ZAKINIU 28:25

“Ampeu no nongu ghümi pelo nongu shou toluvepe nani. Nongu no ala lakhi lono panoqo lewu nani ikemu ala tsüni lono panongu zülono kuhapo nani. Ayeghi lo kükaqha akeu kümtsü no nongu shou kiu shiani keno ithulupe thüghüi nani.

ZAKINIU 28:27

Ampeu no Egyptmi shou shi ketoi nongu phimpi lo amishe pukutsü nani, no phimpi lo apiyi, ayiko küsü, eno akumtho ipeghi no shipivi mlape nani.

ZAKINIU 28:35

Ampeu no vimlakeu mishe pesü nongu pukhu lo puku tsünani, tino nongu pukhu lono akütsüqa kutolo nhaluve nani.