YEKIKITHI ATUGHIU 17:24 - Sumi Naga CL (Re-edited) Bible (BSI)

²⁴ eno O je ye pülhapuju kije shikithe hitoi pi cheniae, ‘Aqokitikhi Mpeu, Israelmi Lhou ye kuchou no Israel Lhoue,’ eno O qeu David laghami yekipe ye Nono iqhikumto tsü anani.

BAIBEL (BSI)

²⁴ Ojekipi ighono kije eno timino pulhapuju ishi pi achenia, “AMPEU Akughushu Alhou ye Israilmi shou ache keue.” Nono iyehkipe alhokuthulo pekishe tsuniae.

YEKIKITHI ATUGHIU 17:24 ပူးပေါင်းရင်းမြစ်များ

YEKIKITHI ATUGHIU 17:23

Itehi ye, O Ampeu, Nono O qeu eno pa laghami ghenguno pivekeu tsa kiqi lono alholo shikupu tsülo,

YEKIKITHI ATUGHIU 17:25

Kughengu I Lhou, Nono O qeu laghami kughuko tsünie pi pephe piyevae. Tighenguno O qeu ye O lau inikhu lukepu mlo kumto ithuluvae.

YEKIKITHI AKINIU 6:33

O kungo-a kungugha lono ini tsüno inami huno O vilo khukeu kiqi lono kümtsü shitsü lo, tishikeu lono ayeghi lo ashiaye kümtsü pelo ow timi Israelmi no No ithi eno O sümsa cheke toilu pelo, eno I no aki hipau mla püakeu ye O je vecheo mla kepi panongu no ithi peni.

LESHELE 21:13

O Ampeu, O kumto lono O süqhelo! Nino O küka shipili eno sheqheni.

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

LESHELE 90:17

Ampeu ni Lhou mlokiqi no ni shou apelo, ni kümla lo tokulupu ni tsülo; iyei, ni kümla lo tokulupu ni tsülo!

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

JEREMIYA 38:17

Ikehu Jeremiah no Zedekiah vilo pi, “Ampeu, aqokitikhi Lhou, Israel Lhou no ishi piani: Nono Babylon kükau hiyampemi lau no liqhipe tsüve aye, o küxü ghülu nani, eno mishighüna hipau ye ami no pitimo nani, no eno o kibo ye xülu nani.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

John 12:28

Apu, O jekipipu shilo.” Tileno kungugha lono asütsa ighi, “Ni ye ajekipipu shivae eno itaghi ajekipipu shi nani.”

John 17:1

Jisü no hipaqo pive kethiu pa gi peqhepe kungugha lo juno pi, “Apu, atüqhüdo ye ighivae, O Nu pelo O juküvüpu shilu penike O Nu juküvüpu shitsülo.

FILIPIAMI 2:11

eno Apu Alhou jekipipu shi kümtsü kichi lono Jisü Khristo ye Ampeu kepi piphe nani.

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.