YEKIKITHI ATUGHIU 15:19 - Sumi Naga CL (Re-edited) Bible (BSI)

¹⁹ Alephemi Heman, Asaph, eno Ethan no alazayi küghapayi küighani keu shi;

YEKIKITHI ATUGHIU 15:19 ပူးပေါင်းရင်းမြစ်များ

KUKAMI ATUGHIU 4:31

Kughengu pa ye timi kümtsü nguno alokütsüu; Ezrami Ethan eno Mahol nuli Heman, Calcol, ngo Darda nguno alokütsüu, eno pa jekipi no acheaxü lo shiye kümtsü lau veküpha wove.

YEKIKITHI ATUGHIU 13:8

eno David ngo Israelmi kümtsü no alokivi shi Alhou zülo ahe-agho pephe ale phe, eno küghaküsü lebo, aheo, amqü, küghapayi ngo afuko küighasü che.

YEKIKITHI ATUGHIU 15:16

David no itaghi alokivi ghügha süqheni kehu Levimi sakiphemi vilo pano thiküzümi dolo alephemi khunoqo no alebo jeli, aheo, küghaküsü lebo, küghapayi, küigha cheni keno panongu süsü penike azah tsü.

YEKIKITHI ATUGHIU 15:18

panoqo shelo ajo akiniu lono Zechariah, Jaaziel, Shemiramoth, Jehiel, Unni, Eliab, Benaiah, Maaseiah, Mattithiah, Eliphelehu, Mikneiah, eno khagho khemi Obed-edom ngo Jeiel.

YEKIKITHI ATUGHIU 15:20

Zechariah, Aziel, Shemiramoth, Jehiel, Unni, Eliab, Maaseiah, eno Benaiah no aheo ghügha kunguu no küighani;

YEKIKITHI ATUGHIU 16:42

Heman ngo Jeduthun pama ye Alhou kimthe lekiphe lo peitha kepu afuko eno küghapayi peche. Jeduthun laghami pesü khagho kikhelo süküsü shive.

YEKIKITHI ATUGHIU 16:5

Asaph pesü atou shi, akiniu no Zechariah, Jeiel, Shemiramoth, Jehiel, Mattithiah, Eliab, Benaiah, Obed-edom, eno Jeiel, panongu ye akighilebo ngo aheo ghi küighani kemike; eno Asaph no küghapayi küighani keu shie,

YEKIKITHI ATUGHIU 25:1

Itaghi David ngo achine kümla lo atomi no Asaph, Heman, eno Jeduthun nuli, khunoqo no küghaküsü lebo, aheo, eno küghapayi küigha Alhou tsa kütüghü chekeno, panoqo kishe kütüta shipe qhi. Panongu je hitoi yekütsü:

YEKIKITHI ATUGHIU 25:6

Panongu kümtsü no apu mijekütsü qholono Ampeu kilo küghapayi, aheo, eno küghaküsü lebo pesü ale pheche. Asaph, Jeduthun, eno Heman ye akükau zakütsü qholo ache.

YEKIKITHI AKINIU 20:19

Levi lagha lo Kohath ngo Korah limi no puthugho no asütsa kuloghi lono Ampeu, Israel Lhou sheqhe.

YEKIKITHI AKINIU 7:6

Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

LESHELE 150:5

Küghapayi pesü Pa sheqhelo; küghapayi küigha Pa sheqhelo!

LESHELE 81:3

Aqhi kithe eno aqhi kichhi lo ni ghulhu tsala lo afuko ighalo.