YEKIKITHI ATUGHIU 15:16 - Sumi Naga CL (Re-edited) Bible (BSI)

¹⁶ David no itaghi alokivi ghügha süqheni kehu Levimi sakiphemi vilo pano thiküzümi dolo alephemi khunoqo no alebo jeli, aheo, küghaküsü lebo, küghapayi, küigha cheni keno panongu süsü penike azah tsü.

BAIBEL (BSI)

¹⁶ David no Levimi sakiphemi ahza tsu puzu Levimi pelo pututa sheamzulo alokivile aheo eno ayikihe lono phepenikeu shie.

YEKIKITHI ATUGHIU 15:16 ပူးပေါင်းရင်းမြစ်များ

YEKIKITHI ATUGHIU 13:8

eno David ngo Israelmi kümtsü no alokivi shi Alhou zülo ahe-agho pephe ale phe, eno küghaküsü lebo, aheo, amqü, küghapayi ngo afuko küighasü che.

YEKIKITHI ATUGHIU 15:12

no panoqo vilo pi, “Nongu ye Levi lagha lo alimi sakiphemi ake, tighenguno nongu ampi eno no thiküzümi kishekimthe lo, eno Israel Lhou Ampeuw Puloshoqhi Bohu pewo I no kuto püake-a lo qhikepu shilo.

YEKIKITHI ATUGHIU 16:42

Heman ngo Jeduthun pama ye Alhou kimthe lekiphe lo peitha kepu afuko eno küghapayi peche. Jeduthun laghami pesü khagho kikhelo süküsü shive.

YEKIKITHI ATUGHIU 16:5

Asaph pesü atou shi, akiniu no Zechariah, Jeiel, Shemiramoth, Jehiel, Mattithiah, Eliab, Benaiah, Obed-edom, eno Jeiel, panongu ye akighilebo ngo aheo ghi küighani kemike; eno Asaph no küghapayi küighani keu shie,

YEKIKITHI ATUGHIU 23:5

4,000 no khagho khemi, eno 4,000 no alebo I no Ampeu sheqhe nike ikhiphetsü keqo pesü Ampeu shipilini.”

YEKIKITHI ATUGHIU 6:16

Levi kughukoqo: Gershom, Kohath, eno Merari.

YEKIKITHI AKINIU 20:19

Levi lagha lo Kohath ngo Korah limi no puthugho no asütsa kuloghi lono Ampeu, Israel Lhou sheqhe.

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

YEKIKITHI AKINIU 5:12

Levi lagha lo alephemi kümtsü, Asaph, Heman eno Jeduthun, ngo panongu nuli eno pano thiküzümi no phepheike phimini pepusü ajoshi küghapayi ngo aheo eno akighi lebo pesü, akümlla-khache phivilo kipela küdau, afuko küighami achinemi pano 120 gholo puthugho.

YEKIKITHI AKINIU 5:13

Afuko küighami ngo alephemi no kümtsa Ampeu lau akishe le ngo shikimthikütsü le phe. Kughou afuko ngo küghapayi eno alebo jeliqo küigha keno alephemi ishi Ampeu shipili, “Kughengu Pa ye aloe, eno Paw iqemokeu kikimiye ye alholo achenie.” Ampeu chineki lo khüngküsü no chhitoive,

YEKIKITHI AKINIU 7:6

Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

NEHEMIA 12:27

Jerusalem kupuwu ikhiphekütsü tsalani panongu no Levimi a-a kümtsü lono Jerusalem lo saghi, tishianguno pano pelo küghapayi, aheo eno akighilebo pesü shikimthikütsü eno alekiphe vecheo alokivi shi ikhilu peniye ke.

NEHEMIA 12:36

eno pa limi Shemaiah, Azarel, Milalai, Gilalai, Maai, Nethanel, Judah, eno Hanani. Panongu kümtsü Alhouw timi David no peche keu lebo kimihi peche. Ayezah kiyeu Ezra no hipaqo züu shino chewu.

NEHEMIA 12:43

Tipa tsalani panongu no aghakishi kije pesü mlla eno alokivi kije lono ikhilu, kughengu Alhou no panongu loshipivi tsüke. Totimi ngo atianuli ghi alokivi shie. Eno Jerusalem lokivi sütsa ye putosüu ghi chilue.

NEHEMIA 12:46

Kughengu David ngo Asaph ghuloki lo alephemi shou saphetou ache, eno Alhou lau shekiqhe le ngo shikimthikütsü le acheke.

LESHELE 100:1

Ayeghiqha kümtsü no Ampeu lau alokivishi ighalo!

LESHELE 149:3

Panoqo pelo ilhe ghi Pa je sheqhe pelo, bombo ngo akighilebo pesü Pa lau alekungo phelo!

LESHELE 150:5

Küghapayi pesü Pa sheqhelo; küghapayi küigha Pa sheqhelo!

LESHELE 81:1

Ni kumto Lhou lau ighamku ale phelo; Jacob Lhou lau alokivi shi ighalo!

LESHELE 81:3

Aqhi kithe eno aqhi kichhi lo ni ghulhu tsala lo afuko ighalo.

LESHELE 87:7

Alephemi ngo akighilhemi no ishi pi, “I züpuki kümtsü o lolo ani.”

LESHELE 95:1

O ighilo, ningu Ampeu lau ale pheni; ni xakulu tuqu lau alokivi ghügha ighani nolo!

IPEKULU 15:20

Tithiu tungkupliu Miriam, Aaron chepu no amqübo li u lono ikhiluve, eno totimi kümtsü no amqübo pesü li pape ighi no ilhe.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

AMUS 6:5

Nongu no akighilebo gholono akiqi küha keu le phe eno David toi ale jeli iqüe,

Apostolmi 14:23

Pama no akukuhou kümtsü lo layemi kisheve tsü kethiu, akighini eno kümvü keu lono panongu pesü pano no pülüluve keu Mpeu lau kulhuqhi tsü.

2 Tim. 2:2

eno thopimi kutomo küa lono I no pikeu, nono chilu püakeu tsaqo pesü pükhükulumi khunono kütami shikalu nani keno, tipaqo pichebe lo.

Titus 1:5

I no Crete lo o qhive keu ye hipau kimji lono ke, o pelo kiu shikha move keno kithikiyi shive tsüno mishiphu kümtsü lo I no azah o tsüke toi kichimi süsü peniye ke.