YEKIKITHI ATUGHIU 14:10 - Sumi Naga CL (Re-edited) Bible (BSI)

¹⁰ David no Alhou küsütsaju, “Ni ye Philistiami sasü küpüghü kepu kema? No ye panoqo pesü I u lo sütsü nima?” Eno Ampeu no pa vilo pi, “Wulo, I no panongu pesü o u lo sütsünie!”

BAIBEL (BSI)

¹⁰ David no Alhou vilo iniju, “Niye Filistiyami halelu nani ma? Noye tokuluu itsu nima?” AMPEU no khochile, “Iye, halewulo! Ino tokuluu otsu nie!”

YEKIKITHI ATUGHIU 14:10 ပူးပေါင်းရင်းမြစ်များ

SAMUEL AKINIU 2:1

Tithiu David no Ampeu vilo iniju, “Judahw mishighünaqo lakhi lo ni ye iqholu nanima?” Ampeu no pi, “Iqholo.” David no pi, “Khipa-a lo iqhoni kea?” Pa no pi, “Hebron lo.”

SAMUEL AKINIU 5:19

David no Ampeu vilo ighiju, “Ni ye Philistiami mjochile nike iqho kepu kemo kea? No ye I u lo panoqo phesü tsüni kema?” Ampeu no David vilo pi, “Iqholo, kughengu I no mtsümishei o u lo Philistiami phesüve tsüni.”

SAMUEL AKINIU 5:23

Kughou David no Ampeu vilo ighiju keno, Pa no pi, “No ye iqho kevino panongu thiu no homxa wulo, eno Balsam süboqo ghüngü lono panongu lelo.

KUKAMI ATUGHIU 22:6

Israel kükau no tungkupmi 400 qhalo kukütsü no pi, “Ni ye Ramoth-gilead lewu kepu kema?” Panongu no pi, “Lewulo, kughengu Ampeu no tokulu akükau tsü nani.”

YEKIKITHI ATUGHIU 13:3

Tishino ni Lhouw Puloshoqhi Bohu sachile süghiveni, kughengu Saul ghuloki lo ningu ye alokümsü kühave ke.”

YEKIKITHI ATUGHIU 14:11

Ikehu David no Baal-perazim lo iqho no tilauno panongu theqhi khave, eno pa no pi, “Azü khepucho püakeu mpa ipeghi keshi Alhou no I vecheo I ghümi shoxü ilo leluve tsüae.” Tighenguno tipa-a pesü Baal-perazim kuvetsü.

YEKIKITHI ATUGHIU 14:14

kehu kughou David no itaghi Alhou sasü küsütsaju keno, Alhou no pa vilo pi, “No ye panongu gizüu no kumono chenabo küdau no homxasü panoqo zübou no lelo.

YEKIKITHI ATUGHIU 14:9

Tipau ghuloki lo Philistiami no Rephaim Khila lo akemi leighi.

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

SAMUEL ATUGHIU 30:8

Eno David no Ampeu vilo ighiju, “Ni ye hipa mqo hawu nima? Ni ye panongu halu nanima?” Pa no khochile, “Hawulo, kughengu mtsüqheino nono haluve no xaphelu nani.”