YEKIKITHI ATUGHIU 12:18 - Sumi Naga CL (Re-edited) Bible (BSI)

¹⁸ Tile aghütomi shighi dolo atou timi lakhi Amasai, ipikeu shou Alhou Ghungu ikughive no pa no pi, “O Jesse nu David, ningu ye ow, eno o gholo anie, O David! O gholo eno o kukuphumi lau aloino keu alo, kughengu o Lhou no o kuphu achenie.” David no panoqo saluve no paw ghüshimi mqo lo kijemi shivepe.

BAIBEL (BSI)

¹⁸ Alhou ghunguno panongu gholo timi lakhi Amasai, ipikeu khuu Alhou ghunguno peitha akeno athiuye “Shighi” shou Zahtsuu shiluve keno pano ighamuku pi, “Jese nu David, ninguye owue! Tokuluye owu eno okuphu akemi wu ghie! Alhou no ogholo ani.” David no panongu pa gholo sasulu eno panoqo pesu pawu ghushimi gholo kijemi shi luvepe.

YEKIKITHI ATUGHIU 12:18 ပူးပေါင်းရင်းမြစ်များ

SAMUEL AKINIU 15:21

Ikemu Ittai no akükau khochile, “Ampeu xü ani eno akükau I mpeu xü anike, khile khilemu I mpeu akükau no wukeu lo xümu thimu o qeu ghi wunie.”

SAMUEL AKINIU 17:25

Absalom no Joab züqhulo Amasa pesü ghüshimi shou ampeu shivepe. Amasa ye Ishmaelmi Ithra nu ke, pa ye Nahash nonga Abigail sasü akibo shive, li ye Zeruiah tsünipu, Joab paza ke.

SAMUEL AKINIU 19:13

Eno Amasa vilo pilo, ‘No ye I ghi eno I shi kekumo? I no ishi no o pesü Joab züqhulo Iw ghüshimi zatsüu shive pemo aye Alhou pelo I ghime peni.’”

SAMUEL AKINIU 5:2

Wovekeu lo, Saul no ningu shou akükau shi akelo ghi, nono Israel ghüshiqo lo saphe ighike. Eno Ampeu no o vilo pi, ‘Nono Iw timi Israelmi kheu shi nani, eno nono panongu yepeu shi nani.’”

KUKAMI ATUGHIU 9:22

Ikemu Solomon no Israelmi ye aqüaxe shi peithamoe; panongu ye paw ghüshimi, kijemi, ghüshimi zatsümi, kepten, khurkulu zatsümi, eno khurshimi kiqi lono peithae.

KUKAMI AKINIU 10:15

Jehu no tileno wuche kelo Rekhab nu Jehonadab no pa sasü kusho niye ighi. Jehu no petha tsüno pi, “I mlo no o lau kuchou shi aketoi, o mlo ye I lau tishi anima?” Jehonadab no khochile, “Tishi ani.” Jehu no pi, “Tishi aghi aye, o u I tsülo.” Jehu no pa sünhepe khurkulu lo pukuve.

KUKAMI AKINIU 10:5

Ikehu kükaki jukütsü akeu ngo aphughi jukütsü akeu pama no layemi ngo jukükütsümi sasü küqha no Jehu lau pi puwu, “Ningu ye o qemi eno nono kiukiu pimu shini. Ningu ye khumu pesü akükau shimoe. Nono kiu no akiviu keno shilo.”

KUKAMI AKINIU 9:32

Pa no pishipuku juno pi, “Khuu no I küdau ania? Khuu no kea?” Shoko kinia küthüa no pishipipe pa ju.

YEKIKITHI ATUGHIU 11:11

Atüghüu no Jashobeam, pa ye Hakhmonimi eno aghütomi akighicheu küthü gholo lakhi. Ghuthu lakhi lo pa no angu pesü timi 300 küpüghü no kümtsü pithive tsü.

YEKIKITHI ATUGHIU 12:17

David no panoqo sholu nike khalau ipeghi no pi, “Nongu no aküsami kiqi lono I kuphu niye ighi aghi aye, I mlo ye nongu gholo ani; ikemu I küghape I ghümi lau thechu niye aghi aye, I u pesü nongu shou bemo namu, ni puasü Lhou no nongu sakiyi nani.”

YEKIKITHI ATUGHIU 2:17

Abigail nu no Amasa, papu ye Jether Ishmael laghami.

ISAIAH 59:17

Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

MATTHEW 12:30

Khunono I gholo kumo keno I külami, eno khunono I sasü hekumqo tsümo keno kütami hapupove cheni.

Galatiami 6:16

Khunono hipa khuaye lono checheni keno, aloino keu eno kimiyekini no pano shou, eno Alhouw Israelmi shou apeni.

XAKUTHAMI 13:25

Pa no Zorah ngo Eshtaol küma dolo Mahaneh-dan lo ake lono Ampeu küka no pa xukutho thuve.

XAKUTHAMI 3:10

Ampeu Ghungu no pa shou ikughi eno pa no Israelmi shou xaküthau shive. Pa no aghüshi lo wukelo, Ampeu no Cushan-rishathaim, Mesopotamia kükau pesü pa u lo süvetsü. Pa no Cushan-rishathaim shou toluve.

XAKUTHAMI 6:34

Ikemu Ampeu Ghungu no Gideon peitha luve, pa no afuko igha eno pa pape penike Abiezermi kütüghü.

RUTH 1:16

Ikemu Ruth no khochile, “I vilo o qhive lopi kevi momu o papemo no idewove lopi kevilo. Kughengu nono khile wuni keno ni ghi wuni eno nono khile ngoni keno ni ghi ngoni. Ow timi no Iw timi shiveni eno o Lhou no I Lhou shiveni.

SAMUEL ATUGHIU 16:4

Ampeu no azah tsüke toi Samuel no tishi nike Bethlehem lo ighi. Mishiphu tipau lo layemi no pa sasü kushoni ye msa khokhoshi ighi no pi, “No ye külakishi lono ighi anima?”

SAMUEL ATUGHIU 16:5

Pa no pi, “Külakishi lono Ampeu lau aghakishi tsüniye ighi ani. Nongu ampi kishekimthe lo, eno I gholo aghakishi lo ighilo.” Pa no Jesse ngo pa nuliqo kishekimthe no aghakishi lo kusü.

SAMUEL ATUGHIU 22:7

Saul no pa qemi vilo pi, “Inilo, Benjamin timiqo; Jesse nu David no aluza ngo atsailu nongu kümtsü tsülu nanio? Nongu kümtsü pesü qhethonhe eno aqhe zatsüu shitsü nani keshea?

SAMUEL ATUGHIU 24:12

Ampeu no nikujo dolo xathatsü peniu, Ampeu no o lau I mkhü lutsü peniu, ikemu I u ye o shou süqhemo nani.

SAMUEL ATUGHIU 24:13

Khaghilo ahole tsa no pike toi, ‘Kixikilami u lono kixikila ipeghi cheni.’ Ikemu I u ye o shou bemo nani.

SAMUEL ATUGHIU 24:16

David no atsa hipaqo Saul vilo piqhi khavi, Saul no pi, “I nu David, hi ye o sütsa keshea?” Eno Saul no ighamku qauve.

SAMUEL ATUGHIU 8:12

Pa no qhethonhe zatsüu, lhopungu zatsüu, eno pa yeghi hokideni kemi, paw ghile kuhumi, pa ghüshi nanuqo mlani kemi, eno paw khurkuluqo ghenguno tinhemgha mlani kemi süsü nani.