YEKIKITHI ATUGHIU 12:16 - Sumi Naga CL (Re-edited) Bible (BSI)

¹⁶ Itaghi Benjamin ngo Judah laghami khami no David lau sükusho-a lo ighi.

BAIBEL (BSI)

¹⁶ Ghuthu lakhi Benjamin ngo Juda laghalo timi amqo lakhino David ghukhu alo ighi.

YEKIKITHI ATUGHIU 12:16 ပူးပေါင်းရင်းမြစ်များ

SAMUEL AKINIU 23:14

David ye sükusho-a lo ae, eno Philistiami mqo no Bethlehem lo ae.

YEKIKITHI ATUGHIU 12:15

Ampe lo aqhi atüghüu ghuloki lo kughou Jordan zü no amkü kutolo qochili akeno, timi hipaqo no katha iku tilau kipelau no kulolau kuto akhila lo küghüna akemi kümtsü hapupo khave.

YEKIKITHI ATUGHIU 12:17

David no panoqo sholu nike khalau ipeghi no pi, “Nongu no aküsami kiqi lono I kuphu niye ighi aghi aye, I mlo ye nongu gholo ani; ikemu I küghape I ghümi lau thechu niye aghi aye, I u pesü nongu shou bemo namu, ni puasü Lhou no nongu sakiyi nani.”

YEKIKITHI ATUGHIU 12:8

Gad laghami aghükishi lo puju-pejuve kemi ajekipi ghütomi, azüto eno angu kipe lo shitsami no asayeqha lo David no sükusho-a lo akelono pa gholo küqhaluve. Panongu gi ye abongshuu gi mihi eno naghuto lo ashe toi mthüe.

LESHELE 68:27

Benjaminmi, panoqo dolo aghulou no azüu shi saphesü cheni, Judah sakiphemi, Zebulun sakiphemi, Naphtali sakiphemi ye aqokitikhi gholo ani.

JOSHUA 3:15

eno achinemi Puloshoqhi Bohu peche keqo no Jordan tove no panongu pukhu azü lo nesü kemtsa (ti ye ghile tusho shia eno aghoki ye amkü kutolo qoa),

SAMUEL ATUGHIU 22:4

Pa no Moab kükau gholo panoqo qhive, eno David no sükusho-a lo ake kutolo panongu no Moab kükau gholo ae.

SAMUEL ATUGHIU 22:7

Saul no pa qemi vilo pi, “Inilo, Benjamin timiqo; Jesse nu David no aluza ngo atsailu nongu kümtsü tsülu nanio? Nongu kümtsü pesü qhethonhe eno aqhe zatsüu shitsü nani keshea?