YEKIKITHI AKINIU 6:41 - Sumi Naga CL (Re-edited) Bible (BSI)

⁴¹ “Itehi ithulo, O Ampeu Alhou, No eno Ow Puloshoqhi kumto kulhokiqhi-a lo ilolo. O chinemi no xakulupu pepu pelo, Ow timiqo no O kivi lo alovilu pelo.

BAIBEL (BSI)

⁴¹ Itehi ithughilo, AMPEU Alhou, owu Puloshoqhi Bohu gholono okuka michishi, Achineki lo iloghilo eno pulhapuju acheuvelo. Achinetomi no mlakeu kumtsu kumghatsulo eno owu timi jeliqo pelo okivi hu jupe alovi apelo.

YEKIKITHI AKINIU 6:41 ပူးပေါင်းရင်းမြစ်များ

YEKIKITHI ATUGHIU 28:2

Pa no puthugho no pi: “I thiküzümi eno Iw timiqo, I tsa inilo. Ni Lhou pukhu kinepu-a eno Ampeuw Puloshoqhi Bohu kiqhipu-a ghenguno ni ye aki lakhi mlanie pi I mlo lo ache, eno tighenguno thokha kutope qhie.

NEHEMIA 9:25

Panongu no aliwo kuptu phughiqo, aghüma yeghi, thime kivi akeu kiqo, azükikhe chhu püakeu, atsailu, olive ghutu, axathibo kupukuno shi akeqo kümtsü hakholu. Panongu no aghapiqi chu no O kivi lo alopiqilu.

LESHELE 110:2

Ampeu no ow akughushu yekipe küsü Zion lono puwu tsüke. O ghümi gholo ayepelo!

LESHELE 132:16

I no xakulupu phimini pesü li chinemi pipe nani, eno akimthemi no alokivi lono ighamku nani.

LESHELE 65:11

Nono kupukuno shi ampe kupuju kümghatsü; kupukuno shi kehu akhokupu khurkulu yeli qole ke.

LESHELE 65:4

O kungo-a lo ngo penike Nono khuu kishelu eno kupunu saghini keno pano lokivipue! O kilo akivi eno O chineki lo akimthe ghenguno ningu ye aghaqilu nani!

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

ISAIAH 61:6

Nongu ye Ampeu chinemi kepi ku nani, panongu no nongu ye Ni Lhou qemiqo kepi ku nani; nongu no shiye kütamiw kinikülü peitha nani, eno panongu jekipi shou no, nongu no akijivile nani.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

ZEKHARIA 9:17

Kughengu Pa kivi eno Paw jukivi ye kishi kije kelae! Ashothi no apumiqo eno atsaizü kithe no ilimiqo pelo nibonilei lupe nani.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Galatiami 3:27

Kughengu nongu khije no Khristo lau baptiz shisü luve akeno Khristo pepu luvae.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

FILIPIAMI 4:4

Alhokuthu Ampeu lono alovilo, I no itaghi pini: alovilo!

JOSHUA 3:13

Eno kughou Puloshoqhi Bohu kipemi no azü lo apukhu nesüni keno, ayeghiqha Mpeu no Jordan zülo ngoluve nani, eno Jordan zü huno qowu move nani, eno qoiqi chekeu züno kuchope kunguu ikuve nani.”

Piyeküsü 19:14

Kungugha lo ghüshimi no khurshi kimiye shou iqa no phepheike phi kimiye eno tsüghükhüi keu pepusü pa papeche.

Piyeküsü 19:8

Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.