YEKIKITHI AKINIU 6:14 - Sumi Naga CL (Re-edited) Bible (BSI)

¹⁴ eno inikhu, “O Ampeu, Israel Lhou, tsütsü qholo eno yeghi shou khumu O toikeu Lhou kühae! Nono O qemiqo no amlo kuchopu ikhiphepe aghokulu shi ake thaqhü lo, Ow timiqo sasü puloshoqhi shikeu pape, eno O kikimiye panongu lau pephe piyeke.

BAIBEL (BSI)

¹⁴ Pano ishi inikhu, “O Israilmi Lhou, AMPEU, kungughalo eno ayeghilo ghi otoike Lhou khuumu kuha. Noye oqemiqo lau puloshoqhi shikeu tamomitheno kikimiye pa gholuche kemi lau piye cheni.

YEKIKITHI AKINIU 6:14 ပူးပေါင်းရင်းမြစ်များ

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

BOTHUBO 33:20

Tilehi pa no akümlla-khache shiqhe eno tipa-a pesü El-Elohe-Israel kuvetsü.

BOTHUBO 35:10

Eno pa vilo pi, “O je ye Jacob ke; ikemu itehi o je ye Israel ipi kuniae.” Ikehu Alhou no pa je Israel kuvetsü.

BOTHUBO 5:24

Pa ye Alhou gholo checheke, eno pa ye phumlave, kughengu Alhou no pa sawuve.

SAMUEL AKINIU 7:22

Tighenguno No ye kije ke, O Ampeu Alhou. Ni kini lono chilu keu kiqilo O toi keu khumu kühae, eno O nguno alau ye Alhou kütau kühae.

KUKAMI ATUGHIU 18:36

Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.

KUKAMI ATUGHIU 3:6

Solomon no khochile, “Nono I pu David o qeu lau iqemokeu kikimiye kije piye, kughengu pa no O zülo pükhükulu eno mikucho lono, eno müzüchoi xüche ke. Nono O kikimiye kije tipau pa ghenguno qhitsü eno ishi ye pa kükalakhü lo iqalu penike anu pa tsüe.

KUKAMI ATUGHIU 6:12

“Nono aki hipau mla akeu vehu lo, nono I yezah lo cheche, I khuaye lo gholu, eno I zakütsü kümtsü pelu aye, I no o pu David lau piqhi püakeu, o vecheo shikupu tsüni.

KUKAMI ATUGHIU 8:23

eno pi, “O, Ampeu Israel Lhou, atsütsü qholo eno ayeghi shou khumu O toike kühae, Nono O qemi no amlo kuchopu ikhiphepe aghokulu shi ake thaqhü lo Ow timiqo sasü puloshoqhi shikeu pape eno O kikimiye panongu lau pephe piye ke.

YEKIKITHI ATUGHIU 29:10

Tighenguno David no aqo küa lono Ampeu sheqhe ghi pi, “Alholo eno pülhapuju ni puasü Israel Lhou, O Ampeu, No ye sheqheküzüe.

YEKIKITHI ATUGHIU 29:20

Tishino David no aqomi azah tsü, “Ampeu nongu Lhou sheqhelo!” Eno kümtsü no pano puasü Lhou, Ampeu sheqhe, eno agigihu michishi panongu kütsü pishiqhope Ampeu ngo akükau tsü.

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

YEKIKITHI AKINIU 6:17

Tighenguno itehi, O Israel Lhou, Nono O qeu I pu David vilo pikeu tsa achipika tsülo.

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

LESHELE 86:8

O Ampeu, O toikeu lhou kütau khumu kühae, O kümla toike kiumu kühae.

LESHELE 89:28

I no alhokupuju Iw iqemokeu kikimiye pa sala qhitsü nani, eno Iw puloshoqhi ye pa ghenguno akumto shi qhinani.

LESHELE 89:6

Kughengu atsütsü qholo khuu no O sasü kimhe luni kea? Kungughami khuu no O toike ani kea?

LESHELE 89:8

O Ampeu aqokitikhi Lhou, O Ampeu, O pükhükulu no O vehope aketoi khuu no O toi akughushu kea?

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

IPEKULU 8:6

Ikehu Aaron no Egypt lo azü akeqo shou pa u xachho, ikelo achuyiqo no ipeghi no Egypt yeghi nhachhive.

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 10:6

O Ampeu, O toike kühae; No ye kije, O je ye aküka kije ke.

DANIEL 9:4

I no Ampeu I Lhou lau inikhu eno axine piphe no pi, “O Ampeu, akughushu eno agigihupu Lhou, khunono Pa kimiye eno Pa yezah pape cheni keno tipaqo lau Paw puloshoqhi ngo iqemokeu kikimiye chekeu,

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

ZAKINIU 3:24

‘O Ampeu Alhou, No ye itehi no O kighiche eno akumto pesü O qeu piyethu aphie. Kughengu Ow akümzapu kümla Nono shi aketoi kungugha lo eno ayeghi lo alhou khuu no shikulupu kea?

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.