YEKIKITHI AKINIU 36:23 - Sumi Naga CL (Re-edited) Bible (BSI)

²³ “Persia kükau Cyrus no ishi piani, ‘Ampeu, Kungugha Lhou no ayeghi lo kükaqha kümtsü I tsüvae, eno Pa no Judah lo Jerusalem lo Pa chineki shiqhe peni keu za I tsü ani. Tighenguno nongu khunoqo Paw timiqo keno Ampeu Alhou no pa gholo apeniu. Pa ye wolu nani.’”

BAIBEL (BSI)

²³ “Hipau ye Persia Kukatou Cyrus no ahza tsu akeu. AMPEU, Kungugha Lhou no ayeghiqha kumtsu shou ipelo ayeh kipeu shipeke eno Juda lo Jerusalem phughilo pa ghenguno achineki shipeni keu makho itsu puani. Ike, nongu khunono Alhou wu timiqo keno tilau wulo eno AMPEU nongu Lhou no nongu gholo apeniu!”

YEKIKITHI AKINIU 36:23 ပူးပေါင်းရင်းမြစ်များ

YEKIKITHI ATUGHIU 29:5

hinguno alau ghi ameshoyi ngo ghükayi kümlami no ala jeli lono kütshakügha shi mlasü peniye ke. Tishiaye ishi, khuu no pa ampi kishekimthe keu shi puloniqhiyi Ampeu lau akümllagho tsünishi ani kea?”

YEKIKITHI AKINIU 36:22

Persia kükau Cyrus yepe mpe atüghüu lo Ampeu no tungkupu Jeremiah vecheo pi püakeu shipuku niye Pa no Cyrus mlo peitha püzü pa kükaqha lo sheshu eno akiye lo ghi ishi yeve:

EZRA 1:1

Persia kükau Cyrus mpe atüghüu lo, Ampeu tsa Jeremiah kichi lono pikeu shikupu niye, Ampeu no Persia kükau Cyrus ghungu xukutho, ikehu pa no pa kükaqha kümtsü lo ashekushu lakhi shino tipau akiye lo süve:

EZRA 7:13

I kükaqha lo Israelmi momu pano chinemi momu Levimi khukhumu Jerusalem lo iqhonishi aghi kemi ye o gholo iqho penike I no xaküthaza mla ani.

LESHELE 136:26

Kungugha Lhou lau shikimthi keu tsülo, kughengu Paw iqemokeu kikimiye ye alholo acheni.

ISAIAH 41:2

‘Kipelau no aghütou saighikeu hiye khuu no kea? Pa nepa kümtsü lo tokulu no pape keu huye khuu kea? Pa no shiyeqo kütsakungovepe, tishikeu lono kükamiqo nedaqoda ke; pa zütakikihi no panoqo pesü ayeghimkhu toi shivetsü, eno paw shexilika no panoqo aghijini toi shivetsü ke.

ISAIAH 44:5

Timi hipau no pinani, ‘Ni ye Ampeuw ke,’ milakhiu no Jacob lau ighamku nani, lakhiu no pa u lo ‘Ampeuw’ ipi yepuku nani, eno pa je Israel ipi ku nani.”

ISAIAH 45:13

I no achipiu-mikucho lono pa xukuthovae; pa laghi kümtsü I no shikümzüve tsü nani; Pa no Iw mishighüna shiqhe nani eno Iw timi haphe sawuve kemi khaqhiphe nani, ame momu asaxü ghenguno pa ye hi shimo nani,” ipi aqokitikhi Mpeu no piani.

JEREMIYA 27:6

Itehi ayeghi hipaqo kümtsü pesü I qeu Nebuchadnezzar Babylon kükau u lo süve tsüae, eno aluza lo tüghashi ghi pa huthu penike tsüvae.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 2:37

O akükau, no ye kükami shou akükau, kungugha Lhou no kükaqha, aküka, akumto, eno ajuküvü o tsüvae,

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

DANIEL 5:18

O akükau, Shishe Akiqheu Lhou no aküka, kiqhekighe, ajuküvü eno kükanguagha o pu, Nebuchadnezzar tsüe.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

DANIEL 5:28

PERES, o kükaqha ye kijethavae eno Media ngo Persia tsüvae.”

DANIEL 6:28

Tighenguno Darius yepe eno Persiami Cyrus yepe ghuloki lo Daniel hipau ye kinikülü shive.

MICAH 4:10

O Zion limi, totimi no apunu küsü lo aketoi ihi eno ighalo, kughengu itehi nongu ye mishighüna lono ipeve nani eno aluza qhalo xüuve niae; nongu ye Babylon lo wuniae. Tilauno nongu xaphelu nani; Ampeu no nongu ghümi u lono nongu xachilelu nani.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?