YEKIKITHI AKINIU 36:19 - Sumi Naga CL (Re-edited) Bible (BSI)

¹⁹ Panongu no Alhou ki pitive tsü, Jerusalem liwo hepholeve tsü, kükaki ngo akughupu bohu kümtsü pitive tsü.

BAIBEL (BSI)

¹⁹ Pano Achineki ngo aphughi pitilevetsu eno tipaqo gholo kukaki ngo tipaulo kinikulu ghi pitile kuqhavetsu eno aphughi puwupuakeu ghi kubolevetsu.

YEKIKITHI AKINIU 36:19 ပူးပေါင်းရင်းမြစ်များ

KUKAMI ATUGHIU 9:8

Aki hipau ye ixapinyive nani, eno hi veche iqhoiqi kemi kümtsü no akümza qhiyi pi nani, ‘Kushiye Ampeu ye hipa yeghi eno aki hipau shou hi shivetsü kea?’

YEKIKITHI AKINIU 34:24

Ampeu no ishi piani, Julo, I no a-a hipau lo eno xüküami lau kütsakungo süghini cheni, eno kaku hipau lo ghukusho tsa yepüa keqo kiu Judah kükau zülo phisüve akeno kümtsü shikupu nani.

YEKIKITHI AKINIU 7:20

I no I yeghi o tsü püakeu lono o hapheve nani eno aki khikhi I no I je ghenguno shikimthepe püani keno, ti ghi I zülono ikhive nani. Eno hipau pesü küghakiche tsa eno thoküghapu shivetsü nani.

NEHEMIA 1:3

Panongu no I vilo pi, “Hakiphi sawuve keu lono xülu no aghakhu lo ideighi keqo ye shishe aghime eno akukujopu shi ani. Jerusalem kupuwu ye kütsavae eno paw khaghoqo ye ami no pitivae.”

NEHEMIA 2:3

I no akükau vilo pi, “Akükau pelo axüshu peniu! Ni ye kishino I puasüqo kumo kuqho phughi ixapinyi ani eno tipa khaghoqo pitileve apüzü amlo samono ngo luni kea?”

LESHELE 79:1

O Alhou, shiyeqo ye O mheghi lo iloghivae; panongu no O kimthe chineki shipixive tsüae; panongu no Jerusalem kütsavae.

LESHELE 79:7

Kughengu panongu no Jacob tsüqhi chuvae eno pa ghüna-a kütsave tsüae.

LESHELE 80:16

Panongu no ami pesü ti pitive tsüae; ti loqhivae; axukighide lono pano kütsave lo!

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

JEREMIYA 21:10

Ni ye mishighüna hipau shou akivipu kumono aküsapu ghenguno I kupulo shivae, Ampeu no asheshu: ti ye Babylon kükau u lo süvetsü nani eno pa no ami no pitive nani.’

JEREMIYA 21:14

Nongu kümla xathi kiqi lono I no nongu ghime nani, ipi Ampeu no asheshu; I no li ghasü lo ami süvetsü eno tino li hokümxa kümtsü pitive nani.”

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

JEREMIYA 7:14

tighenguno I no Shiloh lo mlake toi, nongu no pükhübe chekeu, I je lono kukeu kibo shou eno no puasüqo tsükeu yeghi shou ghi titoi shinani.

JEREMIYA 7:4

Pishikiqhi tsa hipaqo shou pükhübe kevilo: ‘Hi ye Ampeu chineki, Ampeu chineki, Ampeu chineki ke.’

AKUMLO 4:1

Ameshoyi ye kishi thibuiva, thakimtheve keu meshoyi ye kishi kiliva kelae! Alaghila kümtsü lo akimthe tuquqo ye apanaghavae.

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

ZEKHARIA 1:6

Ikemu I tsa eno I yezah khikhi I no I qemi tungkupmi azah tsü keno tipaqo no nongu puasüqo züthave ke kumo? Tileno panongu no xaide no pi, ‘Aqokitikhi Mpeu no ni laghi eno ni kümlaqo ghenguno ningu lau kiu shiniye akeno Pa kimji kiqi lono shivae.’”

Luke 21:6

Jisü no pi, “Nongu no itehi hile kiu ithulu ani keno atu lakhimu lakhi shou küqape ngomoni keu tsala ighi nani.”