YEKIKITHI AKINIU 35:7 - Sumi Naga CL (Re-edited) Bible (BSI)

⁷ Josiah no achinemi kumomi ghenguno Hechekulu kümllagho shi ambe ngo ane 30,000 eno amshitsü 3,000 ikhiphetsü; hipaqo ye akükauw lhoxü loji lono tsüe.

BAIBEL (BSI)

⁷ Timiqo pelo Hechekulu ghulhulo peitha penike Akukau Josiya no pa mishi ngo bheri loji lono bheri, bheriti, aneti 30,000 eno amshitsu 3,000 qhasutsu ke.

YEKIKITHI AKINIU 35:7 ပူးပေါင်းရင်းမြစ်များ

KUKAMI ATUGHIU 8:63

Solomon no amshitsü 22,000 eno ambe lakh lakhi qhethonhe muku pesü külakishi kümllagho tsü. Hitoi akükau eno timi kümtsü no achineki ikhiphekütsü shilu.

YEKIKITHI ATUGHIU 29:3

Akimthe ki ghenguno tinhemgha tsüve keu gholo itaghi I no I Lhou ki kishilo amlo tsüqhiyi chekeu ghenguno Iw lüthü kinibo lono ameshoyi ngo ghükayi hitoi tsüve ani:

YEKIKITHI AKINIU 30:24

Judah kükau Hezekiah no akümllagho ghenguno ahohomi amshitsü 1,000 eno ambe 7,000 tsü, eno hiyampemi no amshitsü 1,000 eno ambe 10,000 tsü. Achinemi kutomo no pano kishekimthelu.

YEKIKITHI AKINIU 31:3

Akükau no qhasü tsükeu ye paw lüthü lono akipti kümllagho ghenguno: ti ye ina kijili akipti kümllagho, Sabbath, aqhi kithe lo akipti kümllagho, eno Ampeu Yezah kiqi lono ampe lo tiqhetini ghenguno ke.

YEKIKITHI AKINIU 35:6

Tishino Hechekulu mbe ghiqhi no nongu ampi kishekimthe lo, eno Ampeu no Moses vecheo azah tsükeu kiqi lono no thiküzümi ghenguno kutolo.”

YEKIKITHI AKINIU 35:8

Paw hiyampemi ghi puloniqhiyi timiqo, achinemi, eno Levimi lau hitoi shi küqha sütsü; Hilkiah, Zechariah eno Jehiel, Alhou chineki lo atomi hipaqo no ambeti ngo aneti 2,600 eno amshitsü 300 pesü achinemi lau Hechekulu kümllagho shi tsüe.

ISAIAH 32:8

Ikemu gihuküzümi ye agigihupu kukughu shicheni, eno agigihupu lo puthugho cheni.

EZEKEL 36:38

Aghakishi mbe, Jerusalem lo tiqhetini ghulhu lo ambeloji toi, ixapinyi akeu mishighünaqo ye timi loji no chhive nani. Tileno panongu no Ni ye Ampeu kepi ithi nani.”

EZEKEL 45:17

Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.