YEKIKITHI AKINIU 35:23 - Sumi Naga CL (Re-edited) Bible (BSI)

²³ Ikelo apiji kipemi no akükau Josiah chheve. Tileno akükau no pa qemi vilo pi, “I sasü wuve lo, kughengu ni ye zaghishi izavae.”

BAIBEL (BSI)

²³ Aghu shi akelo Akukau Josiya ye Ijipmi piji no pa veve. Pano paqemiqo vilo ishi ahza tsu, “Isasu wuvelo; niye aghuza kitikhi shivae!”

YEKIKITHI AKINIU 35:23 ပူးပေါင်းရင်းမြစ်များ

BOTHUBO 49:23

Asüzü kipemi no mijimlai pa kaqhi, apiji vepuwu no shishe pa kijipüsae,

KUKAMI ATUGHIU 22:34

Ikemu timi lakhi no inapügha paw shexilika kapuwu kelono akükau Ahab kichiqho lo vesüve tsü. Ikehu pa no paw khurkulu sakicheu vilo pi, “Tsüghüve no aghüshiqa lono I saipeve lo, kughengu ni ye izavae.”

KUKAMI AKINIU 8:29

Akükau Joram no Syria kükau Hazael sasü Ramah lono aghü shike lono Syriami no pa ghüzave kehu viluve niye Jezreel lo idewove. Eno Jehoram nu Ahaziah, Judah kükau ghi chesü Jezreel lo Ahab nu Joram no izave kehu pütsa niye iqie.

KUKAMI AKINIU 9:24

Jehu no pa kumto kümtsü süno paw shexilika kapuwu no Joram bighi dolo vesüve tsükelo apiji no pa mlo vepilive tsü eno pa ye paw khurkulu lo ikiqive.

YEKIKITHI AKINIU 18:33

Ikemu timi lakhi no inapügha paw shexilika kapuwu kelono Israel kükau kichiqho lo vesüve tsü. Tileno pa no paw khurkulu sakicheu vilo pi, “Tsüghüve no aghüshiqa lono I xapusü ipevelo, kughengu ni ye izavae.”

YEKIKITHI AKINIU 35:22

Ikeghi Josiah no idewo move, eno pa ju kilive no aghü shinike wuve. Pa no Alhou tsa Neco no pikeu inimo no aghü shiniye Megiddo qa yeghi lo ighi.

YEKIKITHI AKINIU 35:24

Ikehu pa qemi no khurkulu lono pa khapesü paw khurkulu akiniu lo süve no xapusü Jerusalem lo wuve. Tilauno pa ye thive eno pa puasüqo kumoki lo qhove. Judah ngo Jerusalem lo akemi kümtsü no Josiah ghenguno mloqa.

AKUMLO 3:13

Pa no Pa leghubo lo apijiqo pesü I michilothi lo vesütsü;