YEKIKITHI AKINIU 29:34 - Sumi Naga CL (Re-edited) Bible (BSI)

³⁴ Ikemu achinemi no aghulo likhi kehu akipti kümllagho kümtsü pitimla kepu shive, tighenguno achinemi kütami no panongu shikimthe lumphi kutolo pano thiküzümi Levimi no panongu kuphu, ti ye akümla kishekha moke kutolo, kughengu achinemi nguno Levimiu no pano shikimthe keu lo amlo tsüqhiyi ae.

BAIBEL (BSI)

³⁴ Lhoxu hipaqo heqhinike achinemi lukumkha shi aghimove ke ghenguno akumla shitamo ke kutolo Levimino panoqo kuphuke. Tithiu ye achinemi kutomono achinepulo pano likhi panoqo pesu akimthe shiluve. (Achinemi nguno Levimiqouno amikucho shi achinepu lo akimthe shi aghikha ke.)

YEKIKITHI AKINIU 29:34 ပူးပေါင်းရင်းမြစ်များ

KUKAMI AKINIU 12:6

Ikemu Joash yepe mpe muku aküthüu shivemu achinemi no achineki lo kumu shikithe moe.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

YEKIKITHI AKINIU 29:33

Kishekimthe keu kümllagho ye amshitsü 600 eno ambe 3,000.

YEKIKITHI AKINIU 29:5

eno panoqo vilo pi, “Levimiqo, I tsa inilo! Nongu kishekimthe lo, Ampeu nongu puasü Lhou ki ghi shikimthe lo, eno Akimthe-a lono kitiqeve keu jeli kümtsü ikhive lo.

YEKIKITHI AKINIU 30:15

Panongu no aqhi akiniu atsala chighiabidiu lo Hechekulu ghenguno ambe heqhi. Achinemi ngo Levimi ye mithe mlano akehu kujove no panongu ampi shikimtheve no tithiu no akipti kümllagho pesü Ampeu kilo iloghi.

YEKIKITHI AKINIU 30:24

Judah kükau Hezekiah no akümllagho ghenguno ahohomi amshitsü 1,000 eno ambe 7,000 tsü, eno hiyampemi no amshitsü 1,000 eno ambe 10,000 tsü. Achinemi kutomo no pano kishekimthelu.

YEKIKITHI AKINIU 30:3

panongu ye ado achipi lono ikhilu mlave, kughengu achinemi kishekimtheve kemi no lukümkha shimono ae, eno timiqo ghi Jerusalem lo hekütsü mlano ake.

YEKIKITHI AKINIU 35:11

Tishino panongu no Hechekulu mbe ghiqhi no achinemi no aji mighelu keu pesü küzüte, eno Levimi no lhoxüqo yiko lha.

EZRA 6:20

Kughengu achinemi ngo Levimi ye panongu ampi shikimthe luve; kümtsü no akimthe shi ae. Tighenguno panongu no haküghütsüve no ideighi kemi ghenguno, pano lojimi achinemi ghenguno, eno panongu ampi ghenguno ishi, Hechekulu mbe ghiqhi.

LESHELE 26:6

O Ampeu, ni ye akipimi küküha michishi I u mütsüve no O kümlla khache homxa ghi,

LESHELE 7:10

I züto ye Alhou gholo ani, Pa no amlo lo müzüchoi kemi xalu cheni.

LESHELE 94:15

kughengu kuchou xakütha ye amikuchomi lau ideighi cheni, eno amlo kümzümi kümtsü no ti pape nani.

EZEKEL 44:11

Panongu ye I kimtheki lo hukuthumi shi nani, achineki lo khaghoqo jukuto eno hukuthu kümla shi nani. Panongu no akipti kümllagho ghiqhi nani eno timiqo ghenguno aghakishi tsü nani, panongu no timiqo huthuni ke panoqo zülo puthugho nani.

AKIKIHI 18:3

Panongu no o kibolomi ngo aphiki shou aghukhemi shipelo ikemu panongu ye akimthe-a lo abohu ngo akiptia phivilo ighipe kevilo, kughengu tishi aye, panongu eno nongu ghi thive nani.

AKIKIHI 8:15

Kughou nono Levimi shikimtheve no akimchi kümllagho shi tsüve akeno, tithiuno panongu ye Aphiki lo mlaithani ke iloni.

AKIKIHI 8:19

Eno Israelmi ghenguno Aphiki lo hukuthu kümla eno tha-lo keu kümla shi penike I no Israelmi gholono Levimi pesü agho lakhi shi Aaron ngo pa nuliqo tsüvae, tishianguno Israelmi no mthamini Akimthe-a phivilo ighilu namu panongu lau asagha ighimo nani.”