YEKIKITHI AKINIU 28:15 - Sumi Naga CL (Re-edited) Bible (BSI)

¹⁵ Timi khunoqo je kuphe keno, tipaqo no ithu no anhemgha lepughi keu lono aphimini pesü akughumi aphikümsa shi akeqo pipeve. Panongu no tipaqo aphimini eno apukhuqho pipe, chuqu-kusho tsüve, eno nukisheve. Tishino khurhaqo lono panongu ngaqo kümtsü xapusü Jericho lo amsabo mishighüna lo pano bolomi lau saghitsü. Eno panongu ye Samaria lo idewove.

BAIBEL (BSI)

¹⁵ eno timi bidi hu kishephelu puzu anhemgha lepughi keu lono aphimini pesu akughumi ghili kutotsu peni keu shive. Panonguno aphimini ngo apukhu kuqho pupenike tsu, kuchu kushopu lukumkha panoqo tsu eno panoqo ghuzaku lo oliv teli pesu sutsu. Khunoqono ala chenikeu lo lhokutuve keno gadaha shou kughuqa eno akughumi kumtsu Juda ghakhulo Jerikho, amsabo phughi lo sachile sawove. Tithiu Israilmi ye Samaria lo akilo idechile wove.

YEKIKITHI AKINIU 28:15 ပူးပေါင်းရင်းမြစ်များ

KUKAMI AKINIU 6:22

Pa no khochile, “Moe, no ye aghüshi lono o zütakikihi ngo shexilika pesü akughumi shi küghalu keqo pithiveni keshea? Asho ngo azü pesü panoqo tsülo, eno panongu pelo chusho no pano mpeu lau idewo pelo.”

KUKAMI AKINIU 6:23

Ikehu pa no panoqo ghenguno aghulhu kije kutotsü, panongu no tsaqütsalei chushove kethiu pa no puwove, eno panongu no pano mpeu lau wove. Tithiu Syriami ye Israel yeghi leighi move.

YEKIKITHI AKINIU 28:12

Ephraimmi sakiphemi khami ghi aghüshi lono idewo chekemi lachile; tipaqo ye Jehohanan nu Azariah, Meshillemoth nu Berekhiah, Shallum nu Jehizkiah, eno Hadlai nu Amasa.

YEKIKITHI AKINIU 28:14

Ikehu ghüshimi no akughumi ngo anhemgha hakholu keqo pesü sakiphemi ngo hoho zülo qhivetsü.

EZRA 2:34

Jericho nuli 345.

NEHEMIA 5:12

Panongu no pi, “Nino hipaqo tsüchileve no pano launo kiumu lumoveni. Nono pike toi nino shini.” I no achinemi kuno sakiphemi pelo panongu no piveke toi shikupu penike tushoqhipe.

ISAIAH 58:7

Kümvü keu ye müzüthi aghi kemi sasü nongu chuqupu küsajeni keu, eno aki küha kemi nongu ki lo sasüni keu, aphimini küha kemi aphimini tsüni keu, eno alimi launo itshü wuve moni keu noke kumo keshea?

Luke 6:27

“Khunoqo hi chilu ani keno, I no nongu vilo piani, No ghümi kimiye lo, nongu mithi kemi lau akivi mla lo,

Luke 8:27

Kughou Jisü no ashuka lono ipeghi keno, mishighüna lono timi lakhi, khuu tüghami no sa-ache keno, ighi no pa sasü kusholu. Pa ye ado kushuo lono aphimini pumo, eno aki lo kumono akumo kilive lo ache.

Luke 8:35

Timiqo no ti juniye wu, eno panongu no Jisü lau ighi kelo khuu philono tüghamiqo haphe keno, timi hu Jisü pukhu philo iqa no aphimini pepusü akükümsü ghi achipilo aghi keu ithulu, panongu ye msave.

Apostolmi 9:39

Peter no ithu pama gholono wuve. Pa no ighi kelo pa sasü kunguu chebo lo iku. Chimemi kümtsü pa phivilo ngono mloqa eno Dorcas no panoqo gholo ache kelo mlakeu phimini pa piye.

Rommi 15:1

Ningu khunoqo no aküpülü lo mtotoi ani keno, ningu ampi pulou kumono miqemlei akeqo no ikiqive kelo xaqhe masa kepu ani.

ZAKINIU 34:3

Negeb ngo aqa yeghi, ti ye Jericho Khila, amsabo mishighüna eno Zoar kutolo.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

XAKUTHAMI 1:16

Moses pangu Kenimi kughukomi ghi Judah timiqo gholono, Amsabo phughi lono Negeb lo Arad phivilo, Judah sayeqha kutolo iqho eno tilau küghünauve.