YEKIKITHI AKINIU 26:5 - Sumi Naga CL (Re-edited) Bible (BSI)

⁵ Zechariah no xüake lo Ampeu sükümsa lono pa kütsü che, eno pa no Alhou pülü ake tivilo Alhou no pa pelo ikoishe lupe.

BAIBEL (BSI)

⁵ Achine kudau pa kukutsuu Zekharia xuaphi kutolo pano amikucho shi AMPEU qeche ke eno Alhou no pa kumghatsu ke.

YEKIKITHI AKINIU 26:5 ပူးပေါင်းရင်းမြစ်များ

BOTHUBO 41:15

Eno Pharaoh no Joseph vilo pi, “I no asamo lakhi pumoe, ikemu khunomu tipau hepho luamoe. I no o ghili chiluke kughou nono asamo chiluni keno no ye tipau hepholu cheni” ipie.

BOTHUBO 41:38

Eno Pharaoh no pa qemi vilo pi, “Alhou Ghungu alolo akemi timi hitoi keu ningu ye ithulu nani keshea?”

KUKAMI AKINIU 15:34

Papu Uzziah no shikeu kiqi lono pa ye Ampeu zülo kiu no achipi keno shike.

YEKIKITHI ATUGHIU 22:11

“Ikehu I nu, Ampeu no o gholo apeni, tishianguno Pa no o ghenguno piqhi püake toi o pelo Ampeu o Lhou ghenguno aki shiqhilu penie.

YEKIKITHI ATUGHIU 22:13

Tsala Ampeu no Moses vecheo Israelmi tsükeu khuaye eno pimheyeqo nono tsaqütsalei pelu aye, no ye ikoishelu nani. Akumto shino amlo kuloghi shilo. Msa kevi; alomtshüve kevilo.

YEKIKITHI AKINIU 14:6

Pa no Judah lo aliwo kumto mishighünaqo shiqhe, kughengu aghakhu ye akulhoqhi ake. Tipa ghuloki lo pa ye aghü shimoe kughengu Ampeu no alokughuno pa tsüke.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 24:2

Achineu Jehoiada no xüake tivilo Joash ye Ampeu zülo kiu no achipi keno shiche.

YEKIKITHI AKINIU 25:8

Ikemu nono wuni aye wulo, aghüshi ghenguno mtolo. Alhou no o ghümi zülono o pelo ikiqivepe nani, kughengu Alhou ye kuphulu kepu eno ikiqivepe kepu küka ani.”

YEKIKITHI AKINIU 26:4

Pa ye Ampeu zülo kiu no achipi keno shike, ti ye papu Amaziah no shikeu kiqi lono.

YEKIKITHI AKINIU 27:6

Ikehu Jotham ye akumto shive kughengu pa no Ampeu zülo müzüchoi xüke.

YEKIKITHI AKINIU 29:1

Hezekiah ye ampe muku pungu shi akelono ayepelu eno Jerusalem lono ampe muku toku ayepe. Pa za ye Zechariah nga Abijah.

YEKIKITHI AKINIU 32:30

Hezekiah hipau no Gihon züpuki lashou mikeve tsüno azü pelo David phughi kulolau qoiqive peke. Hezekiah ye pa kümla thokha lo tokulu shie.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 10:1

Akükau Cyrus mpe aküthüu lo Daniel, khuu Belteshazzar ipi kuvetsü keno, pa lau atsa lakhi piyesü. Atsa huye kuchou, eno tipau ye aküküpna kije vehuke. Pa ye atsa vethaluve eno kungunhetsü vethakulu ghi ae.

DANIEL 2:19

Tithiu putho lo kungunhetsü lakhi lono tuqhou küsü püakeu Daniel lau pephe piye. Tileno Daniel no kungugha Lhou shikimthi.

DANIEL 5:16

Ikemu no ye hepho piyelu nani eno aküküpna xathalu nanie pi I no chiluvae. Nono akiye philu eno tipau hekupho I pelo ithilupe aye, hughaike phi o pipeni eno ameshoyi chi o kuo lo xipipe no kükaqha lo yepeu aküthüu shipenie.”

HOSIYA 6:4

Ni ye o pesü kiu shiveni kea, O Ephraim? Ni ye o pesü kiu shiveni kea, O Judah? Nonguw kikimiye ye inaqhe kimhi toi, itheno hauve keu tsüzü toike.

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

JOSHUA 1:7

Qeti akumto shilo eno shishe amlo kuloghi shilo, eno I qeu Moses no azah tsükeu kümtsü kutokupui shi pekupu lo. Tipau lono ajeu momu piyiu tsüghüwu kevilo, tishikeu lono nono khila khila wumu, no ye akivishi tokulu shinani.

JOSHUA 1:8

Ayezah kaku hipau ye o kichi lono ikhive kevilo ikemu no ye tile yepüa keqo pekupu lunike ghenguno, putho pucho tipau shou kümsüputho alo.

XAKUTHAMI 2:7

Joshua no xüake kutolo, Israelmi ye Ampeu huthu ache, eno pa thiu layemi khunoqo Ampeu no Israelmi lau akümla kije mlatsü keu ithulu keno, pano küxü tivilo Israelmi ye Ampeu huthu cheke.