YEKIKITHI AKINIU 24:21 - Sumi Naga CL (Re-edited) Bible (BSI)

²¹ Ikemu panongu no pa shou küsüqe, eno akükau zakütsü lono Ampeu ki khala lono atu pesü pa veqhive.

BAIBEL (BSI)

²¹ Akukau Joas no Zekharia pithiveni keulo kuqhaluve eno akukau zah kutsu lono timiqono achineki khala lono atu pesu Zekharia veqhi pithive.

YEKIKITHI AKINIU 24:21 ပူးပေါင်းရင်းမြစ်များ

KUKAMI ATUGHIU 21:13

Eno küsaküghami kini no ighi no pa zülono timiqo küa lono Naboth nguku, “Naboth ye Alhou ngo akükau ghushovae.” Ikehu panongu no pa sasü aphughi khalau ipe no atu pesü veqhive.

YEKIKITHI AKINIU 25:16

Ikemu pa no pi aphi lono Amaziah no ghechile, “Ningu ye o pelo akükau mijekütsüu shivepe akea? Tavelo! Kushiye o pithive apeni kea?” Ikehu tungkupu no tave, ikemu ishi pi, “I no ithi anike Alhou ye o kütsave niye shivae, kughengu nono hi shive no Iw mijekütsü ini movae.”

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

LESHELE 94:21

Amikuchomi küxü lachile niye panongu no kuloji kumqo eno pimihami pithive nike xatha cheni.

JEREMIYA 11:19

Ikemu ni ye ambeti ivünhei ghikiqhi-a lo sawu cheke toike. Ni ye panoqo no I shou alhoksa ishi kuchughu akeu mthae, “Ningu axathi gholono asübo kütsaveni, küxümi yeghi lono pa pithiveni, tishino pa je kümsü chilelu moveni.”

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

JEREMIYA 20:2

Pa no Jeremiah tungkupu heqhi, eno Ampeu ki Benjamin Khagho lashou khathape qhive.

JEREMIYA 26:2

“Ampeu no ishi piani: Ampeu kikhala lo puthugho lo, Ampeu kilo mlla nike ighi kemi Judah lo mishighüna kümtsü vilo I no o pelo pi penike azah tsükeu pesü pilo, atsathi lakhimu süchile kevilo.

JEREMIYA 26:21

Kughou Akükau Jehoiakim ngo pa ghütomi eno hiyampemi no pa tsa chilu keno akükau no pa pithiveni ke phuthu. Ikemu Uriah no hipau tsa chilu kelo msave no Egypt lo poka wuve.

AMUS 5:10

Panongu no khagho lo shikithetsü kemi mithi, eno kuchou tsa pi kemi jukuchhube cheni.

MATTHEW 21:35

Mishikulumi no pa qemi lakhi küghape heqhi, lakhi pithivetsü, eno lakhi ye atu pesü veqhive.

Luke 11:51

Abel ji lono wo tungkupu, khuu akiptia ngo achineki khala alou dolono pithive keno, Zechariah kutolo. Iyei, I no nongu vilo piani, hipa tiqhelimi no khokichile tsü masa nani.

IBRIMI 11:37

Atu pesü panongu veqhi, amta lono xapho kini shive, azütakikihi no ghiqhive. Panongu ye ambe ngo ane yiko pepusü itsüche, aqüagha, shikighime, peitha püsa,