YEKIKITHI AKINIU 17:9 - Sumi Naga CL (Re-edited) Bible (BSI)

⁹ Panongu no Ampeu Yezah Kaku pesü Judah lo mishighüna kümtsü wuno timiqo shika.

BAIBEL (BSI)

⁹ Panonguno AMPEU wu Ayehza kaku pesu Juda lo taun kumtsulo wu puzu tipau pesu timiqo shikapiye ke.

YEKIKITHI AKINIU 17:9 ပူးပေါင်းရင်းမြစ်များ

YEKIKITHI AKINIU 15:3

Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

YEKIKITHI AKINIU 19:8

Tinguno alau, Jehoshaphat no Jerusalem lo Levimi ngo achinemi khami eno alitomi Ampeu je lono xakütha tsü penike eno aküküpna xatha penike süsü. Panongu ye Jerusalem lo hiyam ache.

YEKIKITHI AKINIU 35:3

Levimi khunono Israelmi shika eno Ampeu lau akimthe shicheni keno, tipaqo vilo pa no pi, “Akimthe puloshoqhi bohu ye David nu Israel kükau Solomon no shikeu kilo qhivelo. Nongu ye abighi lono peche kelau kumoae. Itehi nongu ye Ampeu nongu Lhou eno Paw timi Israelmi huthulo.

NEHEMIA 8:7

Levi laghami hipaqo ghi timiqo lau Ayezah hepho piyekeu lo kuphutsü, Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, eno Pelaiah.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

MATTHEW 10:23

Kughou aphughi lakhi lono nongu pishipujuni keno, kütau lakhiu lo povelo, kughengu I no kuchou no nongu vilo piani ke nongu no Israel lo aphughi kümtsü lo wumphi lono Timi Nu ighive nani.

MATTHEW 11:1

Kughou Jisü no pa khopemi chighikini lau akükütsütsa tsüve keno, pa ye tileno chesü aphughiqo lo shika eno kütsü nike wuve.

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

John 5:46

Nongu no Moses pülüke aye nongu ye I pülüni cheke, kughengu pa no I ghili yeke.

Apostolmi 13:15

Moses Yezah eno Tungkupmi kaku phisü kethiu sinagog lo yepemi no pama lau atsape tsüpuwu, “Athiküzümi, nokujo no timiqo shikumto kepu tsa aghi aye pilo.”

Apostolmi 15:21

Kughengu khaghi tiqheli lono aphughi kümtsü lo Moses Yezah sheshu ighivae, eno Sabbath atsütsü sinagogqo lo phisü acheni.”

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

Apostolmi 8:40

Philip ye Azotus lo aghive, eno Caesarea tomoke kutolo aphughi pa no hecheke kümtsü lo atsakiviu pesü sheshue.

Rommi 3:2

Kuchou no pithuni keloye ala kümtsü lono thono, Alhou tsape ye Jewmi lau tsü paghie.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.