YEKIKITHI AKINIU 16:9 - Sumi Naga CL (Re-edited) Bible (BSI)

⁹ Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

BAIBEL (BSI)

⁹ AMPEU ye khunoqono pa lau amlolo aghokulu shi acheni keno tipaqo shikumtoni ke paye ayeghiqha kumtsu thebei jukuto acheni ke. Noye aghuzu nikha shivae eno tighenguno itehi nguno hilauye noye pulhapuju lo aghu shi ananike.”

YEKIKITHI AKINIU 16:9 ပူးပေါင်းရင်းမြစ်များ

BOTHUBO 31:28

Eno kushiye I pelo I tilimiqo müma no kinipuwo pemo kea? No ye mbomzü shivae.

SAMUEL AKINIU 24:10

Ikemu timi kikihi luve kethiu David lolo alokughuno kühave. Eno pa no Ampeu vilo pi, “I no kiu shive akeno ti ye axine kije shivae. Ikemu O Ampeu, itehi kimiyeno O qeu kipimi peve tsülo, kughengu I no ighono mbomzü shivae.”

KUKAMI ATUGHIU 15:32

Asa ngo Baasha küxü tivilo aghü shikile ache.

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

YEKIKITHI ATUGHIU 21:8

David no Alhou vilo pi, “I no hipau shikeu lono axine kije shivae. Ikemu itehi ye kimiyeno O qeu kutokumo peve tsülo, kughengu ni ye ighono mbomzü kümla shivae.”

YEKIKITHI AKINIU 15:17

Ikemu qhemghaike-aqo ye Israel lono ikhimoe. Tishinamu Asa mlo ye pa küxü kupuju lo Ampeu lau amikucho shiche.

YEKIKITHI AKINIU 15:19

Asa yepe mpe shighi apunguu kutolo aghükishi kiumu kühae.

YEKIKITHI AKINIU 16:10

Asa no tungkupu shou amlo ideve no pa küghape ayikichhe no tshüpe qhive. Eno hipa ghuloki lono Asa no timi khami ghi ghimeve.

YEKIKITHI AKINIU 19:9

Pa no azah panongu tsü: “Nongu ye Ampeu sükümsa, amikucho eno amlo kuchou no hitoi shilo:

YEKIKITHI AKINIU 6:20

O nhethi no putho pucho aki hipau lo jupuku tsüalo, a-a hipau ye Nono, ‘I je tile anani,’ ipi püakeu shilu pelo, tishianguno o qeu no a-a hipau küdau jupuwo inikhu kelo Nono chilutsü nani.

EZRA 5:5

Ikemu panongu Lhou nhethi ye Jewmi layemiqo shou ae, eno asütsa no Darius tove no yesü lono hipau khokichile ideighi moke kutolo panongu ye panoqo lakha moe.

JOB 28:24

Kughengu Pa no ayeghi shekha kuto jupuwo no atsütsü qholo akeu kümtsü ithulu cheni.

JOB 31:4

Pa ye I laghi ithulu eno I pukhu nepa kümtsü kihi chemo keshea?

JOB 34:21

“Kughengu Pa nhethi no timi shou jupuku acheni, eno pa pukhune kümtsü Pa no ithulu achenie.

LESHELE 113:6

Khuu kungugha lono atsütsü eno ayeghi lo jupiqi acheni keno Pa toike khuu ani kea?

LESHELE 33:14

Pa kükalakhü khile Pa no iqa ani keno tileno Pa no ayeghi lo küxümi kümtsü jucheni,

LESHELE 33:15

pano kükümsü kümtsü kutotsü chekeu huno pano kümla kümtsü jukuto cheni.

LESHELE 33:18

Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

LESHELE 34:15

Ampeu nhethi ye amikuchomi shou jupuku cheni eno Pa kini no panoqo ghügha chilu tsü cheni.

LESHELE 37:37

Tukutiye küha kemi amichi shilo eno akümzümi ju püalo, kughengu külakishimi ghengu ye hithiu tsala kivi ani.

AHOLE 15:3

Ampeu nhethi ye a-a kümtsü lo alhoksami ngo akivimi jukuto acheni.

AHOLE 5:21

Kughengu timi küxü ye Ampeu zülo ithulu püqai, pa laghi kümtsü Pa no jukuto acheni.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

JEREMIYA 16:17

Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

JEREMIYA 5:21

“Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

ZEKHARIA 4:10

Kughengu khunono akikishi lo ajuichemo kepi aghüthisü akeno alovive nani, eno Zerubbabel u lo akimghitu ithulu nani. “Akulu tsüni hipaqo ye Ampeu nhethi ayeghiqha kümtsü shou jupuku achekeu ke.”

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

Luke 12:20

Ikemu Alhou no pa vilo pi, ‘Mbomzüu! Itijiu no o küxü avehupu shivae, eno nono kutope püa keqo ye khuuw shive nani kea?’

1 Kor. 15:36

No aghüzüu! Nono kiu yisü keno, tipau thimphi kutolo aküxü lhoipeghi chemoe.

Galatiami 3:1

O Galatiami mbomzümiqo, khuu no nongu shiküghüzüve kea? Jisü Khristo ye nongu nhethe lono pekipheshi yedave ke.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

1 Peter 3:12

Kughengu Ampeu nhethi ye amikuchomi shou acheni, eno Pa kini kughope pano kighini initsü cheni. Ikemu Ampeu ye alhoksa shiche kemi mjochile cheni.”

SAMUEL ATUGHIU 13:13

Samuel no Saul vilo pi, “No ye mbomzü kümla shivae. No ye Ampeu o Lhou no azah o tsükeu pemovae. Kughengu Ampeu ye alholo o kükaqha pesü Israel kümtsü shou iqhikumto tsüniye ake.