YEKIKITHI AKINIU 15:7 - Sumi Naga CL (Re-edited) Bible (BSI)

⁷ Ikemu nongu ye akumto shilo! Nongu u qeive kevilo, kughengu nongu kümla ghenguno asaxü tsü nani.”

BAIBEL (BSI)

⁷ Ikemu nonguye akumto shilulo eno aghuthisu kevilo. Nonguno kiu kumla shini keno tiye asaxu tsunani ke.”

YEKIKITHI AKINIU 15:7 ပူးပေါင်းရင်းမြစ်များ

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

YEKIKITHI AKINIU 19:11

Julo, achinetou Amariah no Ampeu chineki vehu kümtsü lo nongu shou ampeu, Ishmael nu Zebadiah, Judah lo angh no akükau vehu lo ampeu, eno Levimi no hiyampemi shi nongu huthu nani. Amlo kuloghi shino mla lo eno Ampeu no akümzümi gholo apeni!”

YEKIKITHI AKINIU 32:7

“Mtotoi eno amlo kumto shilo. Assyria kükau ngo pa gholo hi amqo shishe kije chekeqo jupe msa kevi momu aghüthisü kevilo, kughengu pa gholo chekeu nguno akichiu ningu gholo ani.

LESHELE 19:11

Tinguno alau, tipaqo vecheo O qemi ghutulu cheni; ti papelu keu lo asaxü kije ani.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

LESHELE 58:11

Timiqo no pi nani, “Mtsüqheino amikuchomi ghenguno asaxü ani; mtsüqheino ayeghi shou xaküthau Alhou ani.”

JEREMIYA 31:16

Ampeu no ishi piani: “O küqa ghügha tavelo, eno o nhezü kipiji tavelo, kughengu o kümla jume ani, ipi Ampeu no sheshu, eno panongu ye aghümi yeghi lono ideighi nani.

DANIEL 10:19

Pa no pi, “O shishe kimiyekicheu timi, msa kevilo, aloino keu o lolo alo; akumto shilo eno amlo loghilo.” Eno pa no I pütsa akelo ni ye akumto shikithe luve no pi, “I mpeu no pijulo, kughengu nono I shikumtovae.”

ZEKHARIA 8:9

Aqokitikhi Mpeu no piani: “Aqokitikhi Mpeu ki boqha ghoke tsala lo tungkupmi kichi lono atsa hipaqo pikeu chilu ighi kemi nongu kümtsü no achineki shiqhelu kepushi nongu u mtotoi luvelo.

MATTHEW 5:12

Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

MATTHEW 5:46

Kughengu nongu kimiye kemi likhi nongu no kimiye aye, tile nongu saxü kiu anani kea? Yepekaw zame küqhamiu ghi tishi chenike kumo?

MATTHEW 6:1

“Mthamini nongu ye timi pelo ithulu peniye aküpülü khuaye nongu no papelu chekeu pesü aqha zülono shipiyelu nosake tsükhüi lo, nongu no tishi aye kungugha lo nongu Papu launo ajume ithulumae.

MATTHEW 6:18

tishianguno tuqhoushi achekeu o Pu nguno alau ye nono kümvü akeu kütami no ithulu monani. Eno tuqhou no ithulu chekeu o Pu no ajume o tsü nani.

MATTHEW 6:4

tishianguno nono tsü akeu ye tuqhou vehu shilu nani. Eno tuqhou no ithulu chekeu o Pu no ajume o tsü nani.

MATTHEW 6:6

Ikemu kughou nono inikhuni keno, o chebo lo ilolo eno aki khaveno tuqhoushi achekeu o Pu lau inikhu lo. Eno tuqhou no ithulu chekeu o Pu no ajume o tsü nani.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

1 Kor. 3:14

Khuno kümla aboqha shou shipuku püakeu no pitipüha mlani keno pa ye asaxü ithulu nani.

1 Kor. 3:8

Abo shosü keu ngo azü pusü keu pama gha athoe, pütüta no mlasü keu kiqi lono ajume ithulu nani.

Ephesiami 6:10

Ashekhashi, Ampeu küka kumto lono mtotoi shilo.

Kolosiami 3:24

Ampeu launo amheghi shi o saxü ithulu nani kepi ithilo. No ye Ampeu Khristo qe anie.

IBRIMI 10:35

Tighenguno nongu mlo kuloghi shilo, tino ajume kije süghi cheni.

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

JOSHUA 1:6

Akumto shilo eno amlo kuloghi shilo, kughengu I no panoqo puasü tsünike piqhi püakeu, nono sakipheu shino panongu pelo ayeghi tipau hu amheghi shi ighilu penani.

JOSHUA 1:7

Qeti akumto shilo eno shishe amlo kuloghi shilo, eno I qeu Moses no azah tsükeu kümtsü kutokupui shi pekupu lo. Tipau lono ajeu momu piyiu tsüghüwu kevilo, tishikeu lono nono khila khila wumu, no ye akivishi tokulu shinani.

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

JOSHUA 14:14

Tighenguno ishi kutolo, Hebron ye Kenizimi Jephunneh nu Caleb mheghi shive, kughengu pa no amlo kuchopu no Ampeu Israel Lhou papeke.

2 John 1:8

Nongu jukutolo, tishianguno nino nongu ghenguno kiu mla püani keno pühave mono nongu no asaxü qhoi ithulu nani.

RUTH 2:12

Nono kiu mlave akeno Ampeu no lochile peni, eno Israelmi Lhou Ampeu, khuu chishibo qholo nono itshü luniye ighive akeno Pa pelo asaxü kuchopu o tsü peniu!”