XAKUTHAMI 16:28 - Sumi Naga CL (Re-edited) Bible (BSI)

²⁸ Tile Samson no inikhu, “O Ampeu Alhou, kimiyeno I kümsülu tsülo eno thosülo küka ghuthu lakhi I tsülo, O Alhou, tishikeu lono I nhethi lejove tsükeu ghenguno I no Philistiami shou amkhü luveni.”

BAIBEL (BSI)

²⁸ Tileno Samson no inikhu, “Akughushu MPEU, kishima ikumsululo; kishima Alhou, thosu kuka ghuthu lakhi itsulo, tishi anguno Filistiyami no inhethi lejoluve tsukeu ghuthukhave lono amkhu kulupu shilupelo.”

XAKUTHAMI 16:28 ပူးပေါင်းရင်းမြစ်များ

YEKIKITHI AKINIU 20:12

O ni Lhou, No ye panongu shou xakütha puku tsümo keshea? Kughengu hi aqokitikhi kije ni leniye chekemi zülo ningu ye aküka kühavae. Ningu ye kiu shikepu keno mthavae, ikemu ningu ye O lau ju anie.”

LESHELE 10:12

Ithulo, O Ampeu Alhou, O u süqhelo; aghime shi akemi kümsümave kevilo.

LESHELE 116:4

Tileno I no Ampeu je kue: “I no inikhu ani, O Ampeu I xalulo!”

LESHELE 143:12

Ow iqemokeu kikimiye lono Nono I ghümi hathave nani, Nono I ghümi kümtsü kütsave nani, kughengu ni ye O qeu ke.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

JEREMIYA 15:15

O Ampeu, Nono ithi ani; I kümsülu eno I xuju tsülo, I ghime akemi lau I mkhü lutsülo. Nono aghümi lau kutuu anipi I pelo thivepe kevilo; O ghenguno I thaigha akeu ithi tsülo.

JONAH 2:7

Kughou I küxü hau cheghi keno, I no Ampeu kümsülu, eno I kighini no O lau, O kimthe chineki lo ighie.

2 Tim. 4:14

Ayikiyiqiu Alexander no ighono I kijipüsae; Ampeu no pa kümla kiqi lono tsüchile nani.

IBRIMI 11:32

Hinguno alau ni ye kiu pinia? Gideon, Barak, Samson, Jephthah, David, Samuel, eno tungkupmiqo ghili pinike ni ye ado kühae,

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

XAKUTHAMI 15:18

Samson ye ighono tüghüthive, ikehu pa no Ampeu vilo pi, “Nono xakulu kije hipau pesü o qeu tsüe, ikemu itehi ni ye atüghü no thive cheake aphighüyiko ghamo kemi Philistiami u lo iloveni keshea?”

XAKUTHAMI 16:27

Aki tipau lo kiptimi totimi no chhitoi kuhoqhe ae. Philistiami yepemi kümtsü tile ae, eno aki tsüqau ghi kiptimi totimi 3,000 kutolo Samson juae eno pa pelo panongu lopivi tsü apeke.

XAKUTHAMI 16:29

Tishino Samson no aki tsükucho amtau küma, khikhi no aki choqhepe akeno, ti küma mtuluve. Pa u ajeu no lakhi eno piyiu no lakhiu mtuluve.

XAKUTHAMI 5:31

“Hitoi o ghümi kümtsü thive pelo, O Ampeu! Ikemu o küsami ye khetsünhe no ipeche ketoi vülu pelo.” Eno aghakhu ye ampe lhobidi alokughuno shi akulho qhilue.