Titus 1:7 - Sumi Naga CL (Re-edited) Bible (BSI)

⁷ Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

BAIBEL (BSI)

⁷ Akukuholo sakiphemi lakhiye Alhou kumlalo atsukupumike ghenguno paye tukutiye kuhakemi shimasae. Paye agho aghoshi kemi, lolemi, shokumzumi, aka-aghami, alakimnemi shimoni,

Sümi Tiqhelimi Bible

⁷ Akukuho lo sakiphemi lakhi ye Alhou kibo jukütsü ani kehu, pa ye tukutiye küha kemi shi aghí moayesa, amlo-idekalo kemi shimoni, aji shokümzümi shimoni, mutomushu kemi shimoni momu amikucho kumo lono alá shive niye phu kemi shimoni.

Titus 1:7 ပူးပေါင်းရင်းမြစ်များ

BOTHUBO 49:6

I ngulho ye pama hoho lo kuloji moe; O I juküvü, pano loji lo küqha kevilo. Kughengu panongu no amlo kighide lono timiqo pithike, eno ithipüqai amshitsü püka love tsüe.

AHOLE 14:17

Amloide kalo kemi ye anikha kümla shiuve cheni, alhoksa kuchughu chekemi ye timi kimthibo ke.

AHOLE 15:18

Aji kumqhomi no mtomshu keu huthuphe cheni, ikemu asheshino amloide kemi no küghüqü tsü cheni.

AHOLE 16:32

Asheshino amloide chekemi no aghütomi nguno akiviue, alikhi aghasülu keu no aphughi lelu keu nguno akiviue.

YETSAPIU 7:9

O mlo lo lolhülo axuide kevilo; kughengu axukighide ye anikhami mlo lo acheni.

ISAIAH 28:7

Tungkupmi ngo achinemi ghi aji kümka shopusü nanashi cheni; atsaijiu no panoqo munove akehu panongu ye anhetsü ghi zazashi, eno küghakütha lo ghi izüvui ke.

EZEKEL 44:21

Achinemi khumu akikhala alou iloghi kelo aji shomoni.

ACHINE 10:9

“Kughou nongu no kuposhukulu phiki lo iloni keno, no shiaghi na o nuli namu atsaiji momu akümka ji sho kevilo, tikumo aye nongu ye thive nosae. Hi ye tiqheli kümtsü lo acheni keu pimheye shini.

MATTHEW 24:45

“Tishiaye, khuu no pükhübekulu eno alokütsü qeu kea? Pa mpeu no pa pelo ado achipi lono aqemi kütami peitha eno achuqupu tsü penike akibo kulhuqhipe tsüve keu huke.

Luke 12:42

Ampeu no pi, “Tishi aye, pükhükulupu eno alokütsü jukükütsüu, khuu shou pa mpeu no aki lo aqemi kütami mijetsü eno ado achipi lono panoqo tsüjeve penike kuchoqhitsü keno, timi huye khuu kea?

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

FILIPIAMI 1:1

Khristo Jisü qüaxemi, Paul ngo Timothy, no Philippi lo küpülümi khunoqo Khristo Jisü laumi shino akukuho lo kichimi eno deaconmi gholo akhani keno kümtsü lau ye ani.

Titus 1:5

I no Crete lo o qhive keu ye hipau kimji lono ke, o pelo kiu shikha move keno kithikiyi shive tsüno mishiphu kümtsü lo I no azah o tsüke toi kichimi süsü peniye ke.

Titus 2:3

Topu layemi ghi titoi ghushoghili lo gihuküzüpu shimasae, xikishimi momu aji qüaxemi shikepu kumoe. Panongu ye akivi pesü timi shika masa,

1 Peter 4:10

Milakhikhi no Alhouw küpükini gho ithulu püake toi, tipaqo peitha kithimi shino lakhino lakhi huthu kilelo:

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,