SAMUEL ATUGHIU 25:39 - Sumi Naga CL (Re-edited) Bible (BSI)

³⁹ Kughou David no Nabal thivae pi chilu keno, pa no pi, “Ampeu khuu Nabal no I thaigha keu mkhü lutsü, eno akumou shiniye akelono Pa qeu hakholu keno, Pa je sheqhelo. Ampeu no Nabal lhoksa pesü pa ampi kütsü lo pukuve tsüae.” Tithiu David no li pesü pa nipu shinike timi puwu no Abigail vilo pi.

BAIBEL (BSI)

³⁹ Kughou David no Nabal ye thivae pikeu chilukeno pano pi, “AMPEU shelo! Pano Nabal shou amkhu luve tsua, kughengu pano itha igha keu ghenguno eno ni pa qeu pelono kuqu pimi veniye akelono suchileluve peke. AMPEU no Nabal kumla lhoksa ghenguno pa ghimevae.” Tishive kethiu David no Abigail sa anikeu shi asutsa tsupuwu.

SAMUEL ATUGHIU 25:39 ပူးပေါင်းရင်းမြစ်များ

SAMUEL AKINIU 1:16

Eno David no pa vilo pi, “O ji no o kütsü lo ikuve peniu, kughengu o likhi o kichi no o pimi ghi thopi shivae, eno pi, ‘I no Ampeu no nukishe keu ghiqhivae.’”

KUKAMI ATUGHIU 2:44

Akükau no Shimei vilo hi ghi pi, “Nono I pu David lau alhoksa shikeu kümtsü no ghi o mlo lo ani. Ikehu Ampeu no o kümla pesü o kütsü shou pukutsü nani.

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

ESTHER 9:25

Ikemu kughou no akükau zülo hipa vehu süghi keno, pa no akiye lono azah tsüve, eno Haman no küsakügha kukughu Jewmi shou shiniye shikeu huno pa kütsü shou ikughive, eno pa ngo pa nuliqo ye tshükiqhi-a lono tshüqhi pithi kepu shive.

LESHELE 7:16

Paw pishikiqhi no pa kütsü shou ikughi cheni, eno paw ngukangugha no pa boghe shou ikughive cheni.

LESHELE 9:5

Nono shiyeqo lomipi; Nono küsaküghami pühave tsüe; Nono alhokupuju eno alholo panoqo je nuxave tsüe.

AHOLE 18:22

Khunono anipu phuluni keno pano küxü lo akivi phuluvae eno Ampeu no pa lau akivipu shive tsüae.

AHOLE 19:14

Aki ngo küakini ye apuaza launo ighilu cheni, ikemu lotsü-loghü nipu ye Ampeu launo ke.

AHOLE 22:23

kughengu Ampeu no panongu she petsüni aphi eno pano pükaqhi püakemi küxü luve tsüni aphike.

AHOLE 31:10

Khuu no anipu kighiche phulu nani kea? Li ye achiku nguno amekushou ke.

AHOLE 31:30

Puyelei keu ye pishikiqhi, eno ajukivi ye amekühae ikemu totimi khuu no Ampeu sümsa cheni keno akishe tsüküzüe.

ALE KIMCHI 8:8

Ningu ye achepu lakhi akichhi kühakeu anie. Li ini ighike tsala lo li ghenguno kishiveni kea?

MICAH 7:9

I no Ampeu zülo axine shive kehu Pa no I she petsü eno I ghenguno xathatsü moke dolo ni ye Pa xukighide xapu niae. Pa no aküvü lo I saipeghi nani; Pa no saphutsü keu shou I no jupuku anani.

2 Kor. 13:7

Ikemu nongu pelo akumou shipemo nike nino Alhou vilo inikhu ani—ningu ye pekuju lo toluvae piniye ke kumoe, ikemu nino tomove ketoi aghimu kiu no achipi keno nongu pelo shipeniye ke.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.

XAKUTHAMI 5:2

“Ampeu no Israelmi sakipheu shi timiqo no akutoshi no pulolu, Ampeu sheqhelo!

SAMUEL ATUGHIU 24:15

Tighenguno Ampeu no nikujo dolo xathatsü peni, eno I saphu tsüno o u lono I xaphetsü peni.”

SAMUEL ATUGHIU 25:26

Ikehu itehi, Ampeu xü anike eno I mpeu no xüake toi, nono aji peleni ye akeu lono Ampeu no o hakhalu ketoi, itehi o ghümi eno khunoqo o shou alhoksa shiniye phucheni keno tipaqo pelo Nabal toive pelo.

SAMUEL ATUGHIU 25:32

David no Abigail vilo pi, “Ampeu, Israel Lhou khuu ishi tsala lo o puwu no I sasü kusholupe keno, Pa sheqhelo!

SAMUEL ATUGHIU 25:34

Kughengu Israel Lhou xü anike mtsüqheino o ghüzave niye akeu lono Pa no I hakhalue, nono mtazü I sholu moke aye, kuchou no thanau Nabal kilo kiptimi lakhimu püxü moni cheke.”

SAMUEL ATUGHIU 25:40

Kughou David qemi no Carmel lo Abigail lau ighi keno, panongu no li vilo pi, “David no o pesü pa nipu shinike o lau ningu puwu ani.”

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.