SAMUEL ATUGHIU 25:28 - Sumi Naga CL (Re-edited) Bible (BSI)

²⁸ Kimiyeno o qeu no alughi vecheve keu kipimi qhive tsülo. Ampeu ye mtsüqheino I mpeu küka shiqhetsü nani, kughengu I mpeu ye Ampeu ghüshi shicheni, eno nono xüake tivilo alhoksa ye o lolo ithulumo nani.

BAIBEL (BSI)

²⁸ Akijeu, kimiyeno ino mlaitha pimi puaghiaye akipimi qhivetsulo. AMPEU no opesu akukau shive nani eno olaghaqo ghi kalu nani, kughengu nono pa ghushiqalo kichighitsu ani; eno nono akuxu ake thaqhulo kumu alhoksa mlamo nani.

SAMUEL ATUGHIU 25:28 ပူးပေါင်းရင်းမြစ်များ

SAMUEL AKINIU 5:2

Wovekeu lo, Saul no ningu shou akükau shi akelo ghi, nono Israel ghüshiqo lo saphe ighike. Eno Ampeu no o vilo pi, ‘Nono Iw timi Israelmi kheu shi nani, eno nono panongu yepeu shi nani.’”

SAMUEL AKINIU 7:11

Eno püzüu I no xaküthami süsüke ghuloki lo toi ngukangughami ye panongu ghime kithemo nani. Nongu ghümi kümtsü launo I no nongu kulhoqhi tsü nani. Tinguno alau, Ampeu no o lau shuphe anike Pa no o sala aki shitsü nani.

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

SAMUEL AKINIU 7:27

Kughengu No, aqokitikhi Mpeu Israel Lhou, no piyeküsü hipau O qeu lau piye no pike, ‘I no o ki shitsü nani.’ Ikehu O qeu ye akighini hipau O lau inikhuni ke amlo mtolue.

KUKAMI ATUGHIU 15:3

Pa sü David toimo no pa pu toi axine kümla kümtsü pa no shi, eno pa mlo kuchopu pesü Ampeu pa Lhou tsümoe.

KUKAMI ATUGHIU 15:5

kughengu David ye pa küxü tivilo Ampeu zülo achipiu likhi shi, eno Hittimi Uriah vehu lo kumo aye Pa no azah tsükeu hebidemoe.

KUKAMI ATUGHIU 9:5

I no o pu David vilo, ‘No ye Israel kükalakhü lo iqani keu timi püqümo nani,’ ipi tushoqhi püake toi I no alholo o kükalakhü Israel shou süsüve tsü nani.

YEKIKITHI ATUGHIU 17:10

ti ye püzüu I no Iw timi Israelmi jukütsü penike xaküthami süküsü shike ghuloki lo toi pemonie. I no o ghümi kümtsü qhasüve tsüni, tinguno alau I no o lau shuphe anike, Ampeu no o sala aki shitsü nani.

YEKIKITHI ATUGHIU 17:25

Kughengu I Lhou, Nono O qeu laghami kughuko tsünie pi pephe piyevae. Tighenguno O qeu ye O lau inikhu lukepu mlo kumto ithuluvae.

YEKIKITHI AKINIU 20:15

Pa no pi, “Judah timi kümtsü, Jerusalem lo küami, eno Akükau Jehoshaphat, inilo: Ampeu no ishi piani, ‘Msa kevilo eno hi aqokitikhi kije jupe aghüthisü kevilo, kughengu aghüshi ye nonguw kumoe ikemu Alhouw ke.

LESHELE 7:3

O Ampeu I Lhou, tsala I no hipau shive aghi, tsala I u lo akumou aghi aye,

LESHELE 89:29

I no alhokupuju pa tikughuko süsü nani eno pa kükalakhü ye kungugha tsala toi shitsü nani.

AKIKIHI 23:21

Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

Luke 23:41

Monimo aye nikujo ye ni kümla jume achipi lono ithulu ani, ikemu timi hipau ye kiumu pimi püamoe.”

Luke 23:47

Aqhe shou zatsüu no ti kümtsü ithulu no Alhou sheqhe, “Mtsüqheino timi hipau ye akipimi küha kena!”

SAMUEL ATUGHIU 15:28

Samuel no pa vilo pi, “Ishi no Ampeu no Israel kükaqha o launo kubove tsüae eno Pa no tipau pesü o kisüghüu lakhi o nguno akiviu tsüvae.

SAMUEL ATUGHIU 17:47

eno hile kumqope akemi kümtsü no Ampeu ye azütakikihi ngo angupa vecheo xalu chemoe pi ithi penie. Kughengu aghüshi ye Ampeuw ke, eno Pa no o pesü ningu u lo sütsü nani.”

SAMUEL ATUGHIU 18:17

Tithiu Saul no David vilo pi, “I nga akichiu Merab hile ani. I no li pesü o nipu shi penike o tsüni. I ghenguno amlo kumto shino Ampeu ghüshi shilo.” Kughengu Saul no ishi kümsü, “Pa shou I u süqhe moni, ikemu Philistiami u no pa shou ikughi peni.”

SAMUEL ATUGHIU 2:35

Eno I no I ghenguno pükhükulupu chineu lakhi puthu nani, pa no I mlo lo eno I kükümsü lo kiu ani keno tipau kiqi lono mla nani. I no pa ghenguno aki lakhi shiqhe nani pütsa, eno pa no Iw nukishe luve keu zülo pülhapuju ipe-ilo nani.

SAMUEL ATUGHIU 22:14

Tile Ahimelek no akükau khochile, “Imaye o qemi dolo khuu no David toi ighono pükhükulu, akükau makishiu, o ghukhemi shou kepten, eno o kibo lo gihuküzümi kea?

SAMUEL ATUGHIU 24:11

Julo, I pu, ow chijeboike phishe I u lo ani. I no mtsüqhei o phishe gholuve tsüno o heqhi move keu ye I lolo akipimi momu pishikiqhi kühae pi o pelo ithi eno ithulu peniye ke. Nono I küxü luve tsüniye phucheni kemu ni ye o lau axine shi püamoe.

SAMUEL ATUGHIU 24:17

Pa no David vilo pi, “No ye I nguno amikuchoue, kughengu I no alhoksa pesü o tsü keghi nono akivi pesü I lochilevae.

SAMUEL ATUGHIU 24:21

Tighenguno no ye I lagha püghamo eno I pu kibo lono I je pühave tsümoe pi Ampeu je lono I lau tushoqhi lo.”

SAMUEL ATUGHIU 24:4

Davidw timiqo no pa vilo pi, “Ampeu no o vilo, ‘I no o ghümi pesü o u lo sütsü nani, eno nono pulo kümsü aketoi pa lau shilu nani,’ ipi püakeu tsala ye hike.” David no mükhano ipe Saulw chijeboike phishe ghotha luvetsü.

SAMUEL ATUGHIU 25:24

Li no pa pukhu philo itsaqi no pi, “I mpeu, akipimi I shou likhi beve tsülo. Kimiyeno o qeu pelo o pütsalu pelo, eno o qeu tsa ini tsülo.

SAMUEL ATUGHIU 29:3

Philistiami zatsümi no pi, “Hebrewmi hipaqo ye hile kiu shi ani kea?” Achish no zatsümi vilo pi, “Hi ye Israel lo akükau Saul qeu David ke kumo keshea, pa ye aqhi ampe I gholo ngo ighivae eno pa no I lau ighive ke ghuloki lono ishi kutolo ni ye pa lolo akipimi ithumla aphi.”

SAMUEL ATUGHIU 30:26

Kughou David no Ziklag lo ighi keno, pa no hakhokulu hami pesü pa küsami, Judah lo layemi tsüpuwo no pi, “Hi ye Ampeu ghümi launo hakholu keu gho nongu tsüpuwo ani.”