SAMUEL ATUGHIU 25:26 - Sumi Naga CL (Re-edited) Bible (BSI)

²⁶ Ikehu itehi, Ampeu xü anike eno I mpeu no xüake toi, nono aji peleni ye akeu lono Ampeu no o hakhalu ketoi, itehi o ghümi eno khunoqo o shou alhoksa shiniye phucheni keno tipaqo pelo Nabal toive pelo.

BAIBEL (BSI)

²⁶ Oghumi lau amkhu lunikeu eno heqhinikeu lono oshokhalu keuye AMPEU noke. Ino xukuau AMPEU jelono tushoqhi anike oghumi eno oghime nishi akeqo kumtsu lau Nabal ghime ketoi shilo.

SAMUEL ATUGHIU 25:26 ပူးပေါင်းရင်းမြစ်များ

BOTHUBO 20:6

Tileno Alhou no asamou no pa vilo pi, “Iyei, no ye o mlo lo akikhi akeu lono shivae pi I no ithi ani, eno I shou axine shipe moniye I no o küghütshüve ke. Tighenguno I no o pelo li bupe move.

SAMUEL AKINIU 18:32

Akükau no Cushmi vilo pi, “Apumi Absalom ye akivishi anima?” Cushmi no khochile, “I mpeu akükau ghümi eno küsakügha ghenguno o hebide niye ithughi keqo kümtsü pelo apumi tipau toive pelo.”

KUKAMI AKINIU 2:2

Elijah no Elisha vilo pi, “Hile ngo aghilo, kughengu Ampeu no Bethel kutolo I puwu anie.” Ikemu Elisha no khochile, “Ampeu xüani, eno no ampi xüani, ni ye khilemu o phemoe.” Ikehu pama kümtsa Bethel lo iqive.

KUKAMI AKINIU 4:6

Kughou abohuqo shepichhive keno, li no anu pama vilo pi, “Abohu kütau süghi lo.” Anu no pi, “Abohu kütau kühavae.” Tileno thazü no iqighi move.

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

AHOLE 31:12

Li küxü tivilo pa lau akivi mla cheni eno pa shipüsave chemoe.

JEREMIYA 29:22

Pama ghenguno Judah lono Babylon lo akughu shi akemi kümtsü no ghusho keu tsa hipau pi nani: “Babylon kükau no ami lono Ahab ngo Zedekiah pitive ketoi Ampeu no nongu lau tishi tsü peni,”

DANIEL 4:19

Tishino Daniel, khuu je Belteshazzar keno, pa ye ado hami aghüthisüve, eno pa kükümsü no pa shithüghüive. Akükau no pi, “Belteshazzar, asamo eno tipau hekupho no o shithüghüi pe kevilo.” Belteshazzar no khochile no pi, “I mpeu, asamo hu ye khunono o mithi cheni keno panoqo ghenguno shi aghive peniu, eno tipau hekupho no o ghümiqo ghenguno shi aghive peniu!

IBRIMI 10:30

Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.

SAMUEL ATUGHIU 1:26

Li no pi, “O I mpeu, no hi xüanike totimi khuu o zülo hile puthugho no Ampeu lau inikhu akeno ti huye ni ke.

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.

SAMUEL ATUGHIU 20:16

Jonathan no David kibolomi sasü puloshoqhi shino pi, “Ampeu no David ghümi shou amkhü lutsü peni.”

SAMUEL ATUGHIU 20:3

Ikemu David no itaghi tushoqhi, “Nono I kimiye chekeu o pu no ithi ani, eno pa ye ishi kümsü ani, ‘Jonathan pelo hi ithi pemoni, tikumo aye pa ye amlo ijuve nani.’ Ikemu kuchou no Ampeu xü anike eno no hi xü anike, ni eno akithi dolo küpka lakhi likhi ani.”

SAMUEL ATUGHIU 22:3

David no tileno Moab lo Mizpeh lo wuve. Pa no Moab kükau vilo pi, “Kimiyeno Alhou no kiu I lau shiniye ani keno I no ithi moke kutolo, I pu ngo I za pelo o gholo ngolu pelo.”

SAMUEL ATUGHIU 25:25

I mpeu no ameküküha timi, Nabal hipau akhoto shitsü kevilo, kughengu pa ye pa je paphishi Nabal ke, ikehu mbomzü no pa lolo ani. Ikemu ni o qeu ye I mpeu no ow apumiqo puwu keqo ithumlae.

SAMUEL ATUGHIU 25:39

Kughou David no Nabal thivae pi chilu keno, pa no pi, “Ampeu khuu Nabal no I thaigha keu mkhü lutsü, eno akumou shiniye akelono Pa qeu hakholu keno, Pa je sheqhelo. Ampeu no Nabal lhoksa pesü pa ampi kütsü lo pukuve tsüae.” Tithiu David no li pesü pa nipu shinike timi puwu no Abigail vilo pi.

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.