SAMUEL ATUGHIU 25:21 - Sumi Naga CL (Re-edited) Bible (BSI)

²¹ David no pi ae, “Mtsüqheino asayeqha lo timi hipau no pighi akeu kümtsü adou lono ni ye süsho ae, pa no pighi akeqo lakhimu pühave moe, ikemu pa ye akivi züqhulo alhoksa pesü I tsüchile ani.

BAIBEL (BSI)

²¹ David ye ishi kumsu ghi iqiche, “Niye kushiniye adou lono timi hupau tinhemghaqo aghasaqha lono sushotsu ache kela! Pa nhemgha kitilamu puhapighimoe, eno ino pa lau akivi mlakeu theli alhoksa pesu itsuchile ani.

SAMUEL ATUGHIU 25:21 ပူးပေါင်းရင်းမြစ်များ

BOTHUBO 44:4

Panongu no mishighüna lono kushuo kumo lo wuve. Eno Joseph no aghini kishiu vilo pi, “Ithu timi hupaqo pape wulo, eno kughou nono panongu haluni keno, panoqo vilo pilo, ‘Nongu ye kushiye küsakügha pesü akivi tsüchile ani kea?

JOB 30:8

Kümsükümla amekükühami tianuli ye ayeghi lono hapheve cheni.

LESHELE 35:12

Panongu no akivi züqhulo alhoksa I tsüchile; I ngulho ye imelhovae.

LESHELE 37:8

O mlo kighide ghasülo, eno aloghu phevelo! O kütakihi kevilo; ti ye alhoksa lo likhi sailove cheni.

LESHELE 38:20

Khunono akivi züqhulo alhoksa pesü I tsü keno panongu ye I no akivi pape kehu I ngukube ani.

AHOLE 17:13

Khuana no alhoksa pesü akivi lochile aghi aye alhoksa ye khilemu pa ki lono ipemae.

JEREMIYA 18:20

Alhoksa pesü akivi lochile kepu keshea? Tishimu panongu ye I küxü ghenguno aqo chhuvae. I no panongu kivipu ghenguno, panongu launo O loghu tuchileve penike, O zülo puthugho no pi chekeu kümsülu tsülo.

Rommi 12:21

Alhoksa no nongu theqhivepe kevilo ikemu akivi pesü alhoksa theqhilo.

Ephesiami 4:26

Amloide lo, ikemu tino axine shive kevilo; o mlo kighide lono tsüküzü hasü kevilo,

Ephesiami 4:31

Kuqhumo keu, aloghu, amlo kighide, mqhumza eno thokügha jeli kümtsü nongu launo pevelo.

1 Thes. 5:15

Khumu khuu lau alhoksa pesü alhoksa lochile pemoni ke jukutolo, ikemu alhokuthu lakhino lakhi lau eno kümtsü lau akivi kümla shinike phulo.

1 Peter 3:17

Kughengu Alhou lopushi aghi aye, alhoksa kümla ghenguno imeve keu ye akivi ghenguu no imeve ke pavie.

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

SAMUEL ATUGHIU 25:13

David no paw timiqo vilo pi, “Kümtsü no pütüta zütakikihi xipuve lo!” Panongu no pütüta zütakikihi xipuve. David ghi pa zütakikihi xipu luve. Timi aqhe kini no anhemgha ngokheve no pano aqhe bidia no David pape wuve.

SAMUEL ATUGHIU 25:15

Ikeghi panongu ye ni lau ighono akivi mla eno ni ghüza moe, ningu no aluza lo pano gholo ake tivilo ningu ye kiumu pühamoe.

SAMUEL ATUGHIU 25:20

Li no khurha lo ikuve no naghuto qholo chekelo julo, David ngo paw timiqo ye li küdau iqi cheghi eno li no panoqo sholu.

SAMUEL ATUGHIU 25:7

Nono ambe mhi tsa anie pikeu I no chilue. O mbekhemi no ningu gholo akelo ningu ye pano ghüza püamoe, eno panongu no Carmel lo ake tivilo panongu ye kiumu pühamoe.