SAMUEL ATUGHIU 2:30 - Sumi Naga CL (Re-edited) Bible (BSI)

³⁰ Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.

BAIBEL (BSI)

³⁰ Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.

SAMUEL ATUGHIU 2:30 ပူးပေါင်းရင်းမြစ်များ

KUKAMI ATUGHIU 11:11

Tighenguno Ampeu no Solomon vilo pi, “Nono hitoi xüuve no Iw puloshoqhi ngo pimheyeqo pemove akeke I no kükaqha kubove tsüno o qeu tsüveni.

KUKAMI ATUGHIU 2:27

Ikehu Solomon no Ampeu chine kümla lono Abiathar hapheve, tishikeu lono Shiloh lo Ampeu no Eli limi vehu pi püakeu shikupuve.

YEKIKITHI ATUGHIU 17:18

Nono O qeu David gihuve keu lo hinguno alau O vilo kiu pikulupu ani kea? Kughengu Nono O qeu ithi anie.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 26:18

eno panongu no akükau Uzziah lachile no pa vilo pi, “Uzziah, tsüngqüi keu kipti pesü Ampeu tsüni keu ye o kümla kumoe, ti ye achinemi Aaron nuli pelo shipenike süsü püani. Akimthe-a lono ipeve lo, kughengu no ye akumou shivae eno hi shikeu lono Ampeu Alhou launo kiumu agigihupu ithumla nani.”

LESHELE 18:20

Ampeu no I chipiu mikucho kiqi lono I lau mlatsü; I u kimthe kiqi lono Pa no asaxü I tsüe.

LESHELE 18:26

mqhamqhi kemi lau Nono mqhamqhi keu piye cheni; eno chighichilai kemi Nono saküghüzü cheni.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

LESHELE 73:20

Timi no asamo pumo ake lono idathughi keshi, O Ampeu, kughou Nono ithughini keno, panoqo ye hauve nani.

LESHELE 91:14

“Kughengu pa no kikimiye kumto lono I tsüqüpe ngoke, I no pa xalu nani; I no pa süsho nani, kughengu pa ye I je ithi ani.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

IPEKULU 28:43

eno alou mini tipaqo ye Aaron ngo pa nuli no kughou kuposhukulu phiki lo iloghini momu Akimthe-a lo achine kümla shiniye akümlla-khache lo ighini keno tileno pepuni, tikumo aye panongu ye akipimi xapu thive nosae. Hi ye alholo pa eno pa tikughuko athiumi ghenguno ayezah lakhi shi ache nani.

IPEKULU 29:9

eno heqhiphi pesü Aaron ngo pa nuliqo pokha tsügha tsülo eno akütsükuqho panoqo pipelo. Tishino achine kümlapu ye ayezah vecheo alholo panoqow shini. Hitoi shi Aaron ngo pa nuliqo kishekimthe lo.

AHOLE 12:8

Milakhi no akükümsü kivi akeu vecheo akishe ithulu cheni, ikemu ihoghülai keu mlo xapu chekemi ye thogha cheni.

AHOLE 4:8

Amekusho shi alokütsü ikhilulo, eno li no o xaqhe nani; nono li mtupe luve aye li no o gihu nani.

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

ISAIAH 29:13

Ampeu no pi, “Timi hipaqo mlo ye putou animu akichi-amili loye I gihu eno I phivilo akeshi cheni, panongu no I sümsa chekeu ye timi no shika keu yezah ke,

JEREMIYA 29:32

Ampeu no ishi piani: Julo, I no Nehelammi Shemaiah eno pa pishe amzü ghime nani. Timi hipaqo gholo pa kughukomi lakhimu küha nani, eno pa ye I no Iw timi lau akivi mlani keu ithulumo nani, ipi Ampeu no sheshu, kughengu pa no Ampeu hekibide tsa pike.’”

JEREMIYA 49:15

Julo, shiyeqo dolo I no o pesü aghulo shive tsüni, timi kümtsü no thogha peni.

EZEKEL 34:10

Ampeu no ishi piani, Julo, Ni ye ambekhemi lachile ani, I no I mbeqo ghenguno panongu launo kihikülai keu khu nani eno panoqo no ambe loji akeu lakhave nani. Ambekhemi ye pano lojilu moae. I no panoqo kichi lono I mbeqo xaphe luve nani, tishino panoqo chuqupu shipe move nani.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

MALAKI 1:6

“Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’

MALAKI 2:3

Julo, I no nongu tianuli lomipi no nongu kümllagho tübatüzü pesü nongu gi nudatsü nani, eno tipau gholono nongu peve nani.

AKIKIHI 11:20

ikemu aqhi kupuju nongu nigipe lono ipeghiuve no alole moke kutolo chuniae, kughengu nongu no Ampeu Khuu nongu gholo ani keno Pa milive no Pa zülono, “Kushiye ningu ye Egypt lono ipeghive kea?” ipi ighamku auveke.’”

AKIKIHI 35:34

Nongu no küghüna akeu yeghi shipixi moni, kughengu Ni Ampeu ye tile Israelmi gholo acheni ke.”

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

John 5:23

tishianguno Apu gihu ketoi kümtsü no Anu gihu peniye ke. Khunono Anu gihu moni keno, pa puwu keu Apu hu gihu movae.

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

John 8:49

Jisü no khochile, “I lolo tüghami kühae, eno ni ye I Pu gihu cheni kemu nongu ye I gihu chemoe.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

XAKUTHAMI 9:10

Itaghi asüboqo no mububo vilo pi, ‘Nono ighi no ni shou ayepe lo.’