SAMUEL ATUGHIU 15:33 - Sumi Naga CL (Re-edited) Bible (BSI)

³³ Samuel no pi, “O zütakikihi no totimi pelo anuhami shivepe ketoi o za ghi totimi dolo anuhami shive nani.” Eno Samuel no Gilgal lo Ampeu zülono aleqhi shi Agag ghekuchove.

BAIBEL (BSI)

³³ Samuel no pi, “Ozutano aza kutomo anga kuhavepe ketoi, itehiye ozauno anga kuhakeu shive peniae.” Tishi pino Samuel no Gilgal lo akumlla khache a lono Agag miche peve.

SAMUEL ATUGHIU 15:33 ပူးပေါင်းရင်းမြစ်များ

BOTHUBO 9:6

“Khuu no timi ji peleni keno, timi ghi pa ji pele masa nani, kughengu Alhou no Pa ampi julho lono timi lhoke.

KUKAMI ATUGHIU 18:40

Elijah no panongu vilo pi, “Baal tungkupmi küghalu khavelo; panongu lakhimu phepupo kevilo.” Timiqo no panongu küghaluve, eno Elijah no panongu sasü Kishon ghoki lo ilo no kümtsü ghiqhi khave.

IPEKULU 17:11

Kughou Moses no pa u peqhe keno Israelmi no tolu, eno kughou pa no pa u piqive keno Amalekmi no tolue.

IPEKULU 21:24

anhethi theli lo anhethi, ahu theli lo ahu, au theli lo au, apukhu theli lo apukhu,

ISAIAH 34:6

Ampeu zütakikihi ye ambe ngo ane ji eno anetsü michilothi lo atha akeu no küzülu khavae. Ti ye Pa no Bozrah lo aghashi keu, Edom lo zaghishi kütsake lonoe.

JEREMIYA 18:21

Ikehu pano tianuliqo pesü akhüava lo süve tsülo; azütakikihi küka lau tsüvelo; pano nipuqo pelo anuha eno chimemi shive pelo. Kiptimi no püsa lono thi pelo, lhothemi no azütakikihi no ghiqhive pelo.

JEREMIYA 48:10

“Amlo tsüqhiyi Ampeu kümla shimo keu ye müsüinivae, eno azütakikihi süchileve keu ye müsüinivae.

HOSIYA 6:5

Tighenguno I no tungkupmi vecheo panoqo michevae; I kichi lo tsa pesü I no panoqo ghiqhivae, eno Iw küghakütha ye aküvü toi ipeghi nani.

AKIKIHI 14:45

Ikehu Amalekmi ngo Canaanmi tilau küghüna akemi no hale iqighi no panoqo theqhive, eno Hormah kutolo hasü wuve.

MATTHEW 7:2

Kughengu nongu no küghathabe keu kiqi lono nongu shou küghathabe nani, eno nongu no akimghipu peitha keu qhemi lono nongu mighiju nani.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

Piyeküsü 16:6

Kughengu panoqo no küpülümi ngo tungkupmi ji peleve tsü kehu Nono panoqo pijeni ke aji pesü tsüvae. Ti ye panongu no ithulu küzüpu huke!”

Piyeküsü 18:6

Li no kütami lau tsü püakeu qhemi tsüchile lo, li kümla pesü kinino küghüsü no lochilelo; kiu qhemi pesü ajukhu lo kitetsü keno ti veküghüsü no li jukhu lo lesü tsülo.

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

SAMUEL ATUGHIU 10:8

Tishino I züuno chesü Gilgal lo iqilo. Eno julo, I no o lau iqighi no akipti kümllagho eno külakishi kümllagho pesü aghashi nani. I no o lau ighi no nono kiu shikepu keno o piye moke kutolo no ye atsala tsüni ngokhe nani.”

SAMUEL ATUGHIU 15:32

Tileno Samuel no pi, “Amalekmi kükau Agag hile I zülo saghilo.” Agag no amlokiqi shi pa lau ighi. Agag no pi, “Mtsüqheino akithi kukhukimji doye wovae.”