SAMUEL ATUGHIU 13:12 - Sumi Naga CL (Re-edited) Bible (BSI)

¹² I no pi, ‘Philistiami no Gilgal lo I leniye ani eno ni ye Ampeu lopu shimphi.’ Ikehu I no anguka no akipti kümllagho tsüve.”

BAIBEL (BSI)

¹² Ikehu niye hitoi kumsuve, Filistiyamiye hile Gilgal alono ni leniye shi ayeakena eno niye AMPEU lopu shilu amoe. Tighenguno aghakishi lakhi shipesu tsumasa kenapi ilolo ighive.”

SAMUEL ATUGHIU 13:12 ပူးပေါင်းရင်းမြစ်များ

LESHELE 66:3

Alhou vilo pilo, “O kümlaqo ye kishi akümzapu kela! O küka ye ighono kije kehu O ghümi no itsaqi O lau ighie.

AMUS 8:5

“Nino athi jeluni ke kughou no aqhi kithe wove nani kea? Kughou no Sabbath wove nani kea? Tishianguno nino ashothi jelu, ahu kimghipu aghulo shive tsüno shekel no kutomo shivetsü eno ahu kichileu pesü pishiqhini ke,

2 Kor. 9:7

Tsünishimo qhiyi momu tsülo pikeu lono kumono milakhi khino amlo lono xathalu keu kiqi lono tsülo, kughengu Alhou ye amlo qhaqhilei shino tsükemi kimiye cheni.

SAMUEL ATUGHIU 13:11

Samuel no pi, “No ye kiu shive akea?” Saul no pi, “Kughou timiqo no I launo apanaghave, nono kihitha tsükeu tsala lo ighi move, eno Philistiami no Michmash lo hekütsü luve keno,

SAMUEL ATUGHIU 13:13

Samuel no Saul vilo pi, “No ye mbomzü kümla shivae. No ye Ampeu o Lhou no azah o tsükeu pemovae. Kughengu Ampeu ye alholo o kükaqha pesü Israel kümtsü shou iqhikumto tsüniye ake.

SAMUEL ATUGHIU 15:12

Samuel no Saul sasü kusho nike itheno ithuve. Samuel vilo ishi pi, “Saul ye Carmel lo wuvae, eno pa ye pa sala athigho shiqheve no Gilgal lo wuvae.”

SAMUEL ATUGHIU 15:22

Ikemu Samuel no pi, “Ampeu ye Pa tsa gholu keu lo alokiqi kije aketoi akipti kümllagho eno aghakishi lo Pa züküvü acheni keshea? Julo, agholu keu no aghakishi nguno akiviue, eno Pa tsa ini keu no ambe tha nguno akiviue.

SAMUEL ATUGHIU 21:7

Tipa tsalani Saul qemi lakhi ye tile Ampeu zülo khathape ae. Pa je ye Doeg, Edommi lakhi. Pa ye Saul mishi khemi atou ke.