SAMUEL ATUGHIU 1:10 - Sumi Naga CL (Re-edited) Bible (BSI)

¹⁰ Li ye ighono amloime ae eno Ampeu lau kukhukimji shi qa ae.

BAIBEL (BSI)

¹⁰ Liye ighono amlo ghime kutho lono AMPEU lau inikhu eno amlo ghujushi mloqae.

SAMUEL ATUGHIU 1:10 ပူးပေါင်းရင်းမြစ်များ

BOTHUBO 30:1

Kughou Rachel no Jacob nuli punu mlave keno, li no pafo ju anheshuve. Li no Jacob vilo pi, “Anuli I tsülo, tikumo aye ni ye thivenie!”

BOTHUBO 50:10

Kughou panongu no Jordan kukuu Atad niqa lo ighi keno, panongu no tilehi shishe amloiju qave, Joseph no pa pu ghenguno atsala tsüni mloqae.

SAMUEL AKINIU 13:36

Pa no atsa piqhi khavi akükau nuliqo ye ighive eno panongu no ighaqae. Akükau eno pa qemi kümtsü no mloqae.

SAMUEL AKINIU 17:8

Hushai no pi, “Nono ithi anike o pu eno paw timiqo ye aghükivimi, eno panongu ye aluza lo ava lakhi no ati pühave kelo toi axuide ani. Tinguno alau, o pu ye aghütomi ke pa ye putho lo timiqo gholo ngomo nani.

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

JOB 10:1

“Ni ye I küxü ju azüzüvae; ni ye I kumchho kuqhope zale niae; I küxü kukhukimji qhemi lono ni ye atsa piniae.

JOB 7:11

“Ikehu ni ye I kichi kujukhave moni, I nguagha no iju ake lono I no pini; I küxü kukhukimji lono I no muchhoni.

JOB 9:18

Atuthukishe do mu I tsümono Pa no kukhukimji pesü I tsüke.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

AHOLE 14:10

Alolo kukhukimji akeu ye amlo no ithi ani eno khunomu tipau pesü küsajelu chemoe.

ISAIAH 38:15

Pa no I pütsa, Pa ampi no hitoi shiveke ni ye kiu pini kea? I lolo kukhukimji akeu ghenguno ni ye I küxü tivilo asheshino checheniae.

ISAIAH 54:6

Kughengu no ye akimi no pheve keu totimi lakhi no ighono mloqa akeu toike, momu alhothe lo nipu pheve keu hutoi keu lono o kulu ke, ipi o Lhou no piani.

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 22:10

Thive keu ghenguno qa kevi momu amlo iju kevilo, ikemu akughu lo wuve kemi ghenguno mloqa lo, kughengu pano ye ideighi no pano ghüna ithulumae.

AKUMLO 3:15

Pa no akukhu pesü I shepichhi; kukhukimji pesü I ghapiqi tsü.

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

XAKUTHAMI 21:2

Israelmi no Bethel lo wuno Alhou zülo avela kutolo ngove; panongu no ighamku anhezü piji qa,

RUTH 1:20

Li no panoqo vilo pi, “Naomi ipi I ku kevilo; Mara ipi kulo, kughengu Akughushuu no kukhukimji shi I peitha ke.

SAMUEL ATUGHIU 1:11

Li no ashoqhi lakhi shino pi, “O aqokitikhi Mpeu, tsala Nono o qeliu ghime jutsü eno o qeliu kümsümave tsümo no anu lakhi pesü o qeliu tsü aye, I no pa pesü aküxü kupuju ghenguno Ampeu lau tsüveni eno aqe pesü pa kütsü lo bemoni.”

SAMUEL ATUGHIU 1:9

Shiloh lo panongu no chushove kethiu, Hannah no ithuve. Achineu Eli ye Ampeu chineki hukikha phivilo alakhü lo iqa ae.